Xuntanza Comisión de control e grupos políticos da oposición - Participación cidadá no Concello de Ferrol

Denuncian a "falta de compromiso" de Vilariño cos orzamentos participativos

Martes, 21 de Febreiro de 2012

A Comisión de Control Provisional do Regulamento de Participación Cidadá denunciou publicamente a "falta de garantías sen concrecións de cantidades económicas e compromisos do concelleiro de área destinadas aos orzamentos participativos". O colectivo analizou o modo en que se está actuando nas asembleas de barrio de carácter informativo tras manter, o pasado día 16, unha reunión con representantes de PSOE, BNG e EU no Concello.

A mencionada comisión asegura que resulta insuficiente o envío dunha carta a algúns veciños para convocalos ás asembleas de barrio, lamentando que esas comunicacións non se realicen a través dos medios e a web municipal e que non se entregue un calendario coas citas deste tipo de procesos de ámbito participativo. Ademais, o colectivo denuncia "o actual grao de intensidade de participación" que, segundo indican, "quedou reducido a un mero trámite informativo de baixo perfil activo da cidadanía". "Sería moi grave que ou goberno non respectase as propostas aprobadas pola cidadanía na asemblea de cidade do pasado ano", indican.

Respecto diso, denuncian a "constante negativa" do concelleiro de Participación Cidadá, José Manuel Vilariño, ao que reprochan o feito de que non facilite, indican, os informes técnicos "ante os reiterados requerimentos que reclaman á Comisión de Seguemento dos Orzamentos Participativos de 2009 e 2010".

Sobre o traballo a realizar nos próximos meses pola Comisión de Control Provisional, inciden en que van continuar co encomendado polo propio Regulamento de Participación Cidadá..

Diario de Ferrol
--
Publicado por Participación Cidadá de Ferrol
PARTICIPACIÓN CIDADÁ-FERROL
21.02.2012
--
comision.gap@gmail.com

www.participacion-ferrol.blogspot.com

Enviado por:

Comision Veciñal

-comision.gap@gmail.com-

21 de fevereiro de 2012 14:36

_____________