terça-feira, abril 03, 2012

Anuncian a entrada na Ría de Ferrol, este Martes 3 de Abril, do LNG "Catalunya Spirit", un buque gaseiro cargado con miles de toneladas de gas natural licuado para Reganosa - O Comité Cidadán de Emerxencia convoca unha acción de protesta e denuncia, desta vez ás 7 da Tarde na Praza do Himno Galego de Esteiro

Tags


CONCENTRACIÓN EN ESTEIRO,
NA PRAZA DO HIMNO GALEGO

MARTES 3 DE ABRIL, ÁS 7 DA TARDE

O "Catalunya Spirit", cargado con miles de toneladas de GNL/LNG para a ilegal e perigosa Reganosa,  ten anunciado a súa entrada na Ría de Ferrol, para este Martes 3 de Abril de 2012. Esta entrada, supón xa a 115, desde que o fixera o LNG "Galicia Spirit" en Maio de 2007.

Diante do aumento da ameaza contra a seguridade e a vida, que supón a entrada do buque gaseiro, xunto á propia instalación da Planta de Gas en Mugardos, o Comité Cidadán de Emerxencia convoca unha acción de protesta e denuncia, consitente nunha Concentración Sonora, o mesmo Martes, ás 7 da Tarde, desta volta a Concentración terá lugar no barrio ferrolán de Esteiro na Praza do Hino Galego. Ademais da denuncia e protesta quere-se difundir entre a poboación, en sintese, 10 razóns para preguntar-se ... Por que Reganosa ten que saír da nosa Ría e das nosas Vidas ?.


[Saíndo de REGANOSA (Mugardos) o 17 de febreiro de 2011 pola tarde . . . . Autor: Señalero]

Características do buque.
Denominación: LNG "Catalunya Spirit" - Bandeira: España - Eslora: 264 m - Manga: 42.5 m - Calado: 12m, Capacidade: 138.000 m³

O LNG "Catalunya Spirit", en febreiro do 2008, levando 93.000 toneladas de gas desde Trinidad Tobago a Bostón quedou á deriva por problemas na computadora que xestiona os seus motores, nas costas de Massachussets, frente ao Cabo Cod [+ info]

  •  POLA DEFENSA DA VIDA, A NOSA SEGURIDADE E A RÍA  !!
  •  CESE DA ACTIVIDADE E DESMANTELAMENTO DE REGANOSA  !!
  •  PLANTA DE GAS FORA DA RÍA   !!


Información baseada na enviada polo:
Comité Cidadán de Emerxencia
-comitecidadan@gmail.com-
2 de abril de 2012 13:15
---


Por favor, o contido do seu comentario debe estar relacionado co asunto do artigo.

Prega-se o maior respecto coas persoas, polo que ataques persoais e insultos serán eliminados.

Por favor, non use os comentarios, só para facer propaganda do seu sitio ou será eliminado.
EmoticonEmoticon