Con Reganosa de fondo: A Comisión Europea informou que as autoridades británicas non tiveron en conta os requisitos das directivas sobre avaliación de impacto ambiental no lugar de Gales onde se atopa a planta de GNL situada en Milford Haven

AS PLANTAS DE GNL DE FERROL E MILFORD HAVEN

Os lexisladores da Unión Europea informaron do proceso de apertura dunha demanda contra o Reino Unido sobre a seguridade das manobras de buques gaseros na terminal de gas natural licuado (GNL) situada en Milford Haven (ao oeste Gales no Reino Unido).

A Comisión Europea, brazo legislador da UE, informaron que as autoridades británicas non tiveron en conta os requisitos das directivas sobre avaliación de impacto ambiental no lugar de Gales onde se atopa a planta de GNL. A Comisión enviou ao Goberno do Reino Unido unha carta de advertencia inicial e fixou un prazo de dous meses para unha resposta.

Segundo o portavoz de medio ambiente da Comisión, Joe Hennon, con sé en Bruxelas, “Eles non avaliaron adecuadamente os riscos que poderían supoñer as entradas e saídas dos gaseiros ao terminal da planta de GNL de Milford Haven e os riscos debesen ser comunicados á poboación”.

En cumprimento da lexislación do UE para as nacións membros, a Comisión empeza o proceso de demanda mediante o envío dunha advertencia inicial, coñecida como unha carta de requerimiento. O seguinte paso do proceso sería a emisión dunha advertencia final en forma dun “dictame motivado”, e a continuación unha denuncia ante o tribunal da UE.

A noticia pódese ler nos seguintes medios (en inglés):

• http://www.bloomberg.com/news/2012-04-27/u-k-faces-possible-eu-lawsuit-over-milford-haven-lng-safety.html
• http://www.bbc.co.uk/news/uk-wales-south-west-wales-17871878
• http://in.reuters.com/article/2012/04/27/eu-lng-milford-idINL6E8FPGLR20120427

Nota de www.f-cape.org : É importante sinalar que o caso de Milford Haven comezou dous anos máis tarde que o da Ría de Ferrol, xa que segundo os medios de comunicación británicos iniciaron as súas demandas fai 9 anos. A terminal de Milford Haven leva funcionando uns dous anos. Os deputados europeos do Reino Unido estiveron máis activos que os españois. O mesmo ocorreu cos deputados italianos que lograron paralizar a planta de Brindisi. Segundo a BBC, o flagrante do caso é que a poboación non logrou coñecer, malia as continuas peticións, os medios de urxencia no caso dun accidente dun buque gaseiro. En Ferrol nin se sabe.

As plantas de GNL das cidades de Brindisi (Italia) e de Milford Haven (Gales) teñen unhas características similares á de Ferrol en canto á súa ubicación. Con todo, o acceso á planta de Ferrol é moito máis angosta e perigosa que as anteriores.

O caso da Ría de Ferrol é máis escandaloso xa que na entrada da ría xa houbo varios encallamentos e actualmente os prácticos do porto están iniciando unhas novas manobras de entrada e saída durante a noite violando as normas vixentes de practicaxe e navegación do porto que o prohibe taxativamente. O comité Cidadán de Emerxencia (CCE) puxo nos xulgados a correspondente denuncia.

Enviado por:
Ferrol CAPE
-ferrol.cape@gmail.com-
28 de abril de 2012 11:41
Estimados amigos e seguidores de www.f-cape.org, para vosa información e debate.
_________________