quinta-feira, abril 05, 2012

Festa de instalacion de linux en Ferrol - 13 de Abril

Desde a Xuventude Comunista cremos na importancia da cultura libre en xeral e do sofware libre en particular. A diferencia co software propietario estriba na mentalidade que hai detrás del. Mentres que co software libre cada quen é libre de modificalo, redistribuilo e aprender del, o software propietario elabórase como un produto de mercado, ca finalidade exclusiva de obter beneficios. Co software libre, o usuario é quen controla o sistema e non ó revés. Rebelámonos contra a ditadura de Windows en concreto, por extender un software mediocre e proclive á inseguridade informática e ós virus.

Por iso pretendemos facilitar o tránsito con esta festa de instalación de Ubuntu. Trae o ordenador e axudámosche a montar o sistema operativo LINUX-GNU na súa distribución máis popular Ubuntu. Ou ven sen pc e coñece alternativas a Windows e OS X.

Garda os teus datos e acude disposto a cambiar o teu sistema operativo privativo por un libre. A festa é para facilitar a instalación, cada un faise responsable do seu ordenador e dos seus datos. Trae un dvd ou pendrive se queres levar a imaxe de instalación.

Terá lugar o 13 de abril ás 16:00 en Ferrol no campus de Esteiro, na Aulanet da Escola Politécnica Superior (Rúa Mendizábal s/n,mapa>>> http://www.udc.es/eps/A_Escola/Localizacion/) Apúntate/ponte en contacto>>> ferrol@xcgalega.org
|Clica na Imaxe para ampliar e ver noutra xanela|


Enviado por:
Paula
-pmeizoso@gmail.com-
4 de abril de 2012 18:58
http://trasancos.blogspot.com.es/
__________


Por favor, o contido do seu comentario debe estar relacionado co asunto do artigo.

Prega-se o maior respecto coas persoas, polo que ataques persoais e insultos serán eliminados.

Por favor, non use os comentarios, só para facer propaganda do seu sitio ou será eliminado.
EmoticonEmoticon