sexta-feira, abril 13, 2012

O Encontro Irmandiño fai un chamamento a sociedade galega, e de Ferrolterra en especial, para que acuda a concentración que o domingo 15 de abril, ás 12 da mañá ten convocada a Plataforma para a defensa das Fragas do Eume

Tags

O Encontro Irmandiño fai un chamamento a sociedade galega, e de Ferrolterra en especial, para que acuda a concentración que o domingo 15 de abril, ás 12 da mañá ten convocada a Plataforma para a defensa das Fragas do Eume, fronte ao concello da Capela.

Queremos manifestar a nosa INDIGNACION, contra os lumes, e contra as políticas levadas a cabo dentro das Fragas, dende a creación mesma do Parque Natural.

Queremos polo tanto acompañar aos propietarios das Fragas, donos de mais do 90% das mesmas, para que se lles escoite nas súas demandas que teñen plantexadas dende a creación do Parque.

Ao mesmo tempo facemos nosa a táboa reivindicativa da Plataforma para a defensa das Fragas do Eume, salientado o escandaloso feito de que durante 3 kms, o río estea seco, e as distintas administracións dende hai 30 anos, miren para outro lado.

Xuntos todos queremos pedir a retirada da Lei de Montes en tramitación parlamentaria, por ser un arma en beneficio dos monopolios e primar o monocultivo do eucalipto na Galiza.

O Encontro Irmandiño acudirá a esta concentración, na defensa das Fragas do Eume, e levando no ánimo o anceio dos vellos galeguistas cal era a defensa da TERRA.

Galiza 12 de abril de 2012

Mario López Rico
Comisionado para a Comunicación
Encontro Irmandiño






Enviado por:
Xosé Manuel Pazo Blanco
-manolopazo@gmail.com-
13 de abril de 2012 03:49

_________________


Por favor, o contido do seu comentario debe estar relacionado co asunto do artigo.

Prega-se o maior respecto coas persoas, polo que ataques persoais e insultos serán eliminados.

Por favor, non use os comentarios, só para facer propaganda do seu sitio ou será eliminado.
EmoticonEmoticon