Hai que lembrar que desde o ano 99 – no que o BNG tiña feito xa unha demanda formal á Deputación para a execución das obras – ata o día de hoxe sucedéronse multitude de iniciativas por parte da nosa organización que levaron a que, finalmente, se procedese á realización do proxecto e á inclusión do mesmo no plano plurianual de vías, cun orzamento que se achega aos dous millóns de euros.
Hai agora un ano, a institución anunciaba a expropiación dos terreos para a execución das obras; proceso no que aínda estamos actualmente. Ademais, existía un certo compromiso para que as obras desen comezo no momento no que a Xunta executase as obras de abastecemento a Cervás – que irán xustamente no trazado da estrada – para evitar ter que levantar logo o firme. Estas obras están agora en execución, polo que a previsión de contratación do proxecto da estrada por parte da Deputación deberían de ser unha realidade para o vindeiro ano.
Precisamente, arredor desa reivindicación, o deputado do BNG, Xesús Soto, comprometéuse a facer nesta mesma semana as xestións perante a Deputación para saber da situación actual do proxecto expropiatorio e, sobre todo, para acadar o compromiso político de que o proxecto teña consignación nos orzamentos da institución para o vindeiro ano, permitindo a contratación efectiva do proxecto e a contratación do mesmo.
Web BNG Ferrolterra:
http://www.bng-galiza.org/opencms/opencms/BNG/ferrolterra/seccions/portada
Enviado por:
Novas BNG Comarca Ferrolterra
-sedenacional@bng-galiza.org-
13 de junho de 2012 03:05
________________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon