A Marcha Mundial das Mulleres convoca roteiro na campaña internacional do 17-O

O pasado 4 de outubro, ficou iniciada a campaña europea da Marcha Mundial das Mulleres, co lema "A DÉBEDA DOS GOBERNOS É COAS MULLERES, NON COS BANCOS". Asi, en varios países europeos, o próximo mércores 17 de outubro, organizaranse accións por unha vida digna e sostíbel. A Coordenadora Local da Marcha Mundial das Mulleres, convoca á sociedade de Ferrolterra, a estar coa MMM, nunha acción reivindicativa en defensa dos dereitos das mulleres, que coa escusa da crise económica, están en perigo, nun contexto de retroceso social e avanzo dos modelos patriarcais. Con esta acción, dirase NON ao capitalismo cruel que acumula as riquezas en mans dos poderosos. Farase a través dun ROTEIRO, polo centro de Ferrol, parándose nas principais entidades financeiras da cidade e berrando consignas como "os bancos saquean as nosas vidas e rouban os nosos dereitos". Este roteiro comezará ás 17:30 horas, na rúa Rubalcava, diante do Banesto.