Alternativa, ... Por Amadeo Varela

Por Amadeo Varela [*]
13.10.2011

Hai tempo que a xente da rúa viña esperando unha unión das forzas progresistas, para rematar coa hexemonía da que disfruta o Partido Popular.

E velaí que xurde agora unha concentración de grupos políticos,  que pretenden disputarlle á dereita, o manexo do timón para tentar de levar a bo porto a nave galega, antes de que se afunda ou se vaia estrelar contra os arrecifes económicos.
A min paréceme unha boa idea, se esa alianza, coalición ou como queira chamarse, está feita con idea de continuidade.

É dicir, se ese entendemento baseado en certa coincidencia das ideoloxías vai servir para continuar loitando xuntos, para tentar acadar maiores cotas de liberdade para todos, de igualdade entre mulleres e homes, dun mellor futuro para os máis novos e dunha vida mellor para os menos favorecidos.

Porque ese intento non pode rematar o día 21. Pase o que pase ese día, esa unión debe seguir adiante.
Publicado o 8 de Outubro de 2012 no "Diario de Ferrol"

[*] Amadeo Varela Rodríguez -Ferrol 1936, foi traballador de BAZAN, é o autor de "Recordos do vello Racing" publicado no 2000, "Bazan e Ferrol - Unha simbioses perfecta?" (a historia dunha época, "... detrás de cada barco que nace, hai moitas horas de esforzo. Nesa tarefa, miles de traballadores foron gastando a súa saúde e a súa vida".) publicado no 2003 e coautor de "Retallos da Memoria II" ("Memorias de neno" sobre a súa vida de pequeno nunha familia republicana perseguida), publicado no 2009. Autor de numerosas cartas e artigos na prensa local. Autor de sitios na rede sobre Ferrol. Cofundador da Asociación San Fernando para defender o Patrimonio Histórico do barrio ferrolán de Recimil contra a súa pretendida demolición, membro do Colectivo Recimil co que promoveu a Plataforma Ártabra 21 e a Plataforma en Defensa dos Espazos Públicos. Na actualidade forma parte do Colectivo Ártabra 21.
______________________