"Drogadictos"

"Drogadictos"....... certamente a palabra drogadicto fai referencia á adicción que ten unha persoa a unha droga. Nembargantes as palabras non son inocentes. No titular da nova que enlazo , utilízase este termo, que vou analizar brevemente.

A construcción social que se fai en torno a unha palabra, leva implícito toda unha morea connotacións que lle van a dar un sentido ou outro, ás palabras. No caso do termo drogadicto, estaríamos ante un concepto cuxa construcción social se encargou de atribuirlle unha connotación negativa. Drogadicto, a miudo é utilizado nun sentido pexorativo, criminalizador dunha conducta non aceptada socialmente, e tamén criminalizador das persoas que padecen esta problemática. Cando escoitamos drogadicto na boca dunha persoa, xa podemos intuir o que pensa das drogas e das persoas que as consumen.
Neste sentido, a utilización da palabra drogadicto coma connotación negativa, leva asociada, habitualmente, unha serie de afirmacións implícitas no discurso do que emprega ese termo. Esas connotacións crean, manteñen e perpetúan estereotipos que distan de ofrecer unha situación real e obxectiva. Por exemplo: todos os drogadictos son delincuentes, todos os drogadictos son uns irresponsables, todos os drogadictos son malas persoas, Ningún drogadicto queren traballar, Non se pode deixar nada á vista dos drogadictos, cho rouban, todos os drogadictos viven das prestacións do estado, e un longo etc, etc.

Como cidadáns, coma periodistas e coma persoas responsables do que dicimos, teríamos que analizar o noso discurso, respecto aos temas que requieren ser tratados con sensibilidade. Certo é que todo debería ser tratado con sensibilidade, nembargantes, cando se trata de falar de persoas ou colectivos que se atopan en situación de vulnerabilidade, deberíamos de ser o máis obxectivos e racionáis posibles, teríamos que evitar as xeneralizacións, dando os datos precisos, utilizar aqueles termos que procuren a normalización do colectivo ou persoas das qie estamos a falar, e por suposto, fuxir dos xuizos de tipo moral.

Cando falamos de persoas que teñen unha dependencia a unha droga, podemos utilizar o termo persoas cun trastorno adictivo, ou persoa drogodependente. Estes termos, levan menor carga negativo que "drogadictos" a pesares de dicilo mesmo.

Fonte: https://www.facebook.com/Lazoscomiteantisidaferrol

Local de Lazos
Avda. Dr Fleming 8-10 Baixo
15401 Ferrol
Teléfonos: 981350777-698147975
Correo electrónico: comiteantisidaferrol@gmail.com

Horario de atención:

• de 09.30 a 13.30 Luns a Venres (días laborais)
• de 16.00 a 20.00 Martes e Xoves (días laborais)

___________________