Convocadas Concentracións nas portas dos xulgados de todas as cidades en defensa do Rexistro Civil Público

Concentración en defensa do  Rexistro Civil

Bo día,

O vindeiro mércores 26 de febreiro, ás doce da mañá, as organizacións sindicais CCOO, UGT, CSIF, USO e CIG, convocamos unha concentración nas portas dos Xulgados en defensa do Rexistro Civil

É unha concentración cidadá, xa que, se ben afecta a máis de 3500 postos de traballo de funcionarios de xustiza, o principal afectado é o conxunto de cidadáns, que deberán enfrontarse a un novo repago dun servizo que era público, gratuíto e exemplar na súa xestión. A privatización prevista é un agasallo para uns profesionais pertencentes as elites deste país, os 800 Rexistradores da propiedade, e  suporá a substitución da eficiencia do público, pola búsqueda da rendibilidade económica privada.

Tras investir 130 millóns de euros na súa dixitalización, agora, sen consulta cidadá, o Ministro Gallardón, exemplo paradigmático dos políticos que gobernan para os poderosos, socializa as perdas ocasionadas polo estalido da burbulla inmobiliaria que sufriron estes multimillonarios profesionais, postos en cuestión incluso pola UE, privatizando un servizo que repercutirá nas precarias economías da xente do común: trámites tan cotiás como as fes de vida, as partidas de nacemento, os matrimonios, os expedientes de nacionalidade, etc, serán de pago, un repago para un servizo que non era deficitario, e un repago que non irá destinado a financiar a sanidade pública ou a educación, senón a enriquecer aínda máis aos Rexistradores de Propiedade.

A cidade de Ferrol, con esta medida recentralizadora é dobremente prexudicada, xa que ademais desta "externalización", a prevista desaparición do partido xudicial e do colexio de avogados, deixará a Ferrol como unha cidade sen xustiza, converténdose nunha sucursal administrativa da Coruña, consecuencia do ánimo de restar autonomía aos Concellos. A falta de vontade dunha xustiza próxima e eficaz deixa o campo aberto ao abuso dos poderosos, grandes fortunas, banca e multinacionais, así como incrementa a dificultade de investigar o mal endémico da nosa democracia; a corrupción, impune por falta de medios materiais e persoais

Por iso, facemos un chamamento a toda a cidadanía a participar nestas mobilizacións, e continuar asinando contra esta medida unilateral, arbitraria e regresiva

Jorge Suárez
Delegado sindical de CCOO

Enviado por:
Foro Social de Ferrol Terra FSdeFerrolTerra
-forosocialdeferrolterra@gmail.com-
25 de fevereiro de 2014 09:32
ccooxustiza coruña
-ccooxustizacoruna@gmail.com-
Date: 2014-02-24 14:18
___________

Foto: Protesta en Ourense |24.02.2014 | Brais Lorenzo .
___________________