domingo, fevereiro 23, 2014

Constituida a Asemblea das Marchas da Dignidade de Ferrolterra - 20 de febreiro de 2014


Constituída a Asemblea Aberta das Marchas da Dignidade de Ferrolterra.

Por iniciativa das persoas participantes na asemblea constituinte da #ColumnaCaranceira, celebrou-se en réxime de autoconvocatoria a Primeira Asemblea das Marchas da Dignidade de Ferrolterra no 'Centro Cívico Carvalho Calero' do inferniño o pasado 20 de febreiro de 2014.

Máis de 60 persoas participaron na asemblea. Algunhas das persoas que interviñeron manifestaron-se como representantes de diferentes entidades como o Sindicato Labrego, PAH de Ferrolterra, A. C. Fuco Buxán, Asociación Veciñal de Canido, Xuventudes Comunistas, CNT, EU Ferrol, Espazo-Ecosocialista, ... entre outras.

Na Asemblea informou-se do que son as Marchas da Dignidade, da existencia dunha Plataforma Galega de Apoio, da constitución dunha columna en Caranza e da presencia nunha das reunións na Coruña. Relatou-se de como xurdiu o asunto en Caranza e de que o tratado na súa Asemblea, nace a proposta da convocatoria de Ferrol.

Informou-se de que se está organizando o viaxe en tren, desde Vigo e desde Coruña para Madrid, para o que están a reunir xente para poder alugalo (na última xuntanza de coordinación da Coruña -22.02.2014- informou-se que se ampliou o prazo até o 6 de Marzo). Comentou-se que se poderían organizar buses desde Ferrol, probablemente máis baratos e que teriamos máis tempo para a súa contratación. Comentou-se que podería haber persoas que non puideran ir por motivos persoais ou outras dificultades, mais que estarían dispostas a apadriñar a outra persoa sen os recursos suficientes, polo que se propón de valorar este asunto. Informou-se de que hai camisetas para comprar feitas en Vigo.

Por outra banda acordou-se dar-lle prioridade á organización da manifestación do mércores día 26 de Febreiro, que está convocada para as 20:00hs, con saída desde a Praza Amada Garcia, diante do Edificio da Xunta (nas inmediacións da Praza de España), rematando na Praza de Armas, diante do Concello. O lema da manifestación é: "Pan, Traballo e Teito". Acordou-se difundir a convocatoria por todos os medios, mais puxeron-se dúas citas para a mañá e a tarde, do luns 24 de febreiro, unha ás 10:00hs e outra ás 18:30hs, na Praza Dez de Marzal, para repartir propaganda e colocar cartaces.

Elaborou-se un comunicado para enviar aos medios de comunicación e que servi-se de base para a convocatoria da próxima Asemblea que terá lugar, segundo xa confirmaron, a tarde do luns 3 de marzo, ás 18:00hs, no salón de actos do 'Centro Cívico de Caranza'.

Acordou-se participar na manifestación da Alianza Social Galega (xoves 27 de febreiro, ás 20:00hs, na Praza de España), onde ira-se coas faixas das 'Marchas da Dignidade' e se repartira a convocatoria da vindeira Asemblea do 3 de Marzo.

Comentou-se a necesidade de promover asembleas por todos os barrios e lugares onde sea posible. Cada un ou unha ten que ser un portavoz e divulgador/a das marchas.

Acordou-se difundir as Marchas da Dignidade, por todos os medios: redes sociais, de boca a boca, de porta a porta, nos centros de traballo, nos centros de ensino, con cartaces, mediante octavillas, por mensaxes, polos blogs, nas festas, con camisetas, ...

Acordou-se que o correo da xente de Caranza (columnacaranceira@gmail.com), sexa tamén para coordinar a Asemblea das marchas da Dignidade de Ferrolterra.

Blogue de apoio ás Marchas de Ferrol Terra:
http://marchas-da-dignidade-ferrolterra.blogspot.com.es/

Blogue galego:
http://marchasdadignidade.blogspot.com/

Web Estatal:
http://marchasdeladignidad.org/

Aberto correo-e de contacto:
columnacaranceira@gmail.com

Documentos de interese:

Manifesto da Plataforma Galega de Apoio ás Marchas da Dignidade, en formato pdf.
[Acceder ou baixar].

Manifesto Estatal das Marchas da Dignidade, en formato pdf.
[Acceder ou baixar]

Información baseada na enviada por:
columna caranceira
-columnacaranceira@gmail.com-
20 de fevereiro de 2014 23:09

_____________________


Por favor, o contido do seu comentario debe estar relacionado co asunto do artigo.

Prega-se o maior respecto coas persoas, polo que ataques persoais e insultos serán eliminados.

Por favor, non use os comentarios, só para facer propaganda do seu sitio ou será eliminado.
EmoticonEmoticon