Represión contra o sindicalismo de clase
Máis unha vez asistimos un novo episodio de represión contra o sindicalismo de clase. Un tribunal vén de condenar a 3 anos de prisións aos compañeiros Carlos (UGT) e Serafín (CIG), por teren participado nun piquete informativo na folga do sector transporte na provincia de Pontevedra o ano 2008, a pesar de resultar absoltos a todos os efectos de ter producido ningún dano. Ademais o Goberno español do Partido Popular denegoulles o indulto, que non ten reparos en concederlle a corruptos e banqueiros,
Tres anos de cadea por participar nun piquete, logo de demostrarse que eran inocentes de ter producido ningún dano
Unha sentenza abusiva que só pretende escarmentar e amedentrarnos para debilitar a nosa capacidade de resposta como clase. Unha vez máis, un tribunal ditando unha sentenza inxusta acaba exercendo a máis brutal represión sindical, malia que defender os dereitos da clase traballadora non é un delito. Mentres os verdadeiros delincuentes gozan da maior das impunidades e de todas as medidas de graza das altas esferas do poder, dous sindicalistas poden acabar en prisión.
Recollida de sinaturas
É por iso que a CIG, UGT e CCOO iniciamos unha campaña de sinaturas exixindo o indulto para ambos os dous compañeiros, desde a certeza de que defender os dereitos da clase traballadora non é delito.
Manifestación: Domingo, 9 de Febreiro de 2014, ás 11:30hs, na Praza dos Cabalos, Vigo
Asemade, as tres organizacións sindicais convocamos unha MANIFESTACIÓN para este DOMINGO 9 de febreiro que sairá ás 11:30h, facendo un chamamento á clase traballadora e ao conxunto do pobo da nosa comarca a secundala masivamente, para impedirmos o ingreso na cadea de dous sindicalistas. Animámosvos tamén a difundirdes esta convocatoria no voso centro de traballo e na vosa contorna.
Evento no facebook:
https://www.facebook.com/events/798620093497989/
___________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon