O Secretario Xeral da CIG, Suso Seixo, presenta en Ferrol a ILP polo Emprego en Galiza - Hoxe Xoves 6 de Febreiro, ás 19:30hs no Centro Cultural Carvalho Calero - Video e información sobre a ILP polo emprego en Galiza

Nun acto público, aberto de entrada libre, hoxe Xoves 6 de Febreiro, ás 19:30hs no Centro Cultural Carvalho Calero do Inferniño, a Confederación Intersindical Galega -CIG, coa presencia do seu Secretario Xeral, Suso Seixo, presenta en Ferrol a Iniciativa Lexislativa Popular (ILP) polo Emprego en Galiza.

A CIG está a desenvolver asembleas de delegad@s, actos informativos en centros educativos e centros sociais e mobilizacións, ao tempo que intensifica a recollida de sinaturas coa instalación de mesas na rúa. Dentro desta campaña, divulgativa e concienciadora é onde entra o acto que está previsto que se celebre hoxe en Ferrol.

Vídeo e información sobre a ILP polo emprego en Galiza

A CIG presenta un resumo en video da campaña de recollida de sinaturas e concienciación social que pretende levar ao Parlamento Galego a citada Iniciativa Lexislativa Popular cunha serie de medidas orientadas a xerar emprego de calidade no noso país fronte á crise capitalista e as políticas anti-sociais, anti-obreiras e anti-galegas dos diferentes gobernos. Ademais do resumo das propostas, o Secretario Xeral, Suso Seixo, enmarca a campaña e explica neste video os motivos que levaron á CIG a deseñar esta iniciativa.


http://youtu.be/rymyOZsZiq0

A CIG vén de iniciar a segunda fase da campaña de presentación da Iniciativa Lexislativa Popular (ILP) para a creación de emprego, que consiste na explicación pública das medidas que contén a iniciativa e na recollida de sinaturas de apoio.

Fai un chamamento a para que se apoie a súa iniciativa: "... a túa sinatura é necesaria para que a ILP se debata no Parlamento. Precisamos obter un mínimo de 15.000 sinaturas antes do mes de abril, no que remata o prazo. Nos diferentes locais sindicais atoparás as follas para asinar".



Accede toda a información sobre a ILP publicada no xornal sindical Avantar.

Documentos:

• PROPOSICIÓN DE LEI, POR INICIATIVA LEXISLATIVA POPULAR, DE MEDIDAS PARA A CREACIÓN DE EMPREGO EN GALIZA (Texto) -

• Tríptico que resume as principais medidas que contén a ILP
  e Cartaz da campaña de recollida de sinaturas de apoio á ILP

Calendario de actos xa programados na comarca de Ferrol:

Dende a Unión Comarcal explicaron que se van presentar mocións tamén nos Concellos das Pontes, Pontedeume, Cedeira, Ortiguieira, San Sadurniño, Mugardos, Fene, Cariño, Neda, Ares e Valdoviño.

Ademais, realizaranse actos de presentación pública da ILP nos concellos de:
•    Narón, día 4 de febreiro, 19:30h, nos Baixos da Biblioteca Municipal
•    Ferrol, día 6 de febreiro, 19:30h, no centro municipal Carvalho Calero
•    Pontedeume, día 13 de febreiro, 20,00 na Biblioteca Municipal
•    Cedeira, día 18 de febreiro, 19:30h, no Auditorio municipal
•    Ortigueira, día 20 de febreiro, 19:30h.
•    San Sadurniño, día 21 de febreiro, 20:00h, na Casa da cultura
•    Mugardos, día 25 de febreiro, 19:30h, no Centro cívico
•    Fene, día 26 de febreiro, 19:30h, no Museo do humor
•    Cariño, día 6 de marzo, 19:30h.
•    As Pontes, día 6 de marzo, 19:30h, na Casa Dopeso


Información baseada na enviada por:
Confederación Intersindical Galega
-cig-informa@galizacig.com-
31 de janeiro de 2014 10:14
________________