O gaseiro 'LNG Bonny', o 162 buque, cargado con miles de toneladas de GNL/LNG para Reganosa, anuncia a entrada na Ría de Ferrol este Sábado 8 de Febreiro - O Comité Cidadán de Emerxencia convoca unha nova acción de protesta o mesmo Sábado

CONCENTRACIÓN SONORA EN FERROL,
 SÁBADO 8 DE FEBREIRO, ÁS 7 DA TARDE
NA PRAZA AMADA GARCIA
DIANTE EDIFICIO DA XUNTA DE GALICIA

O gaseiro 'LNG Bonny', é un buque de grande porte, 287 m de eslora e 41,8 m de manga e  de calado 11.32 m. Cunha capacidade de 133.000 m³ de GNL. Son miles as toneladas de GNL/LNG, para a ilegal e perigosa Reganosa. Este enorme buque ten anunciado a súa entrada na Ría de Ferrol, para este Sábado 8 de Febreiro de 2014. Esta entrada, supon xa a 162, desde que o fixera o LNG "Galicia Spirit" en Maio de 2007.

OLLO!: NIVEL DE RICO EXTREMO NA COSTA DO NOROESTE DA CORUÑA
Segundo o parte de previsións meteorolóxicas, entre as 09:00hs do Sábado 8 de Febreiro e as 00:00hs do Domingo 9, hai alerta vermella con nivel de riscos extremo na costa.

Diante do aumento da ameaza contra a seguridade e a vida, que supón a entrada do buque gaseiro, xunto á propia instalación da Planta de Gas en Mugardos, o Comité Cidadán de Emerxencia para a Ría de Ferrol convoca unha acción de protesta e denuncia, consitente nunha Concentración Sonora, o mesmo Sábado ás 7 da Tarde, en Ferrol, na Praza Amada Garcia diante do Edificio Administrativo da Xunta de Galicia.

Hai máis dun ano que se dictou a Sentenza polo Tribunal Supremo, onde a planta xa foi declarada ilegal, en sentenza inapelábel.

Tras a Sentenza do Tribunal Supremo, que declara ilegal a localización de Reganosa, temos que esixir o fin desta ameaza e deste malgasto de cartos públicos. Temos que esixir o seu peche definitivo.

Foto de Roberto Marín - http://www.flickr.com/photos/romarintyp/

• QUE SE CUMPRA A SENTENZA DO TRIBUNAL SUPREMO XA! 
• POLA DEFENSA DA VIDA, A NOSA SEGURIDADE E A RÍA  !!
• CESE DA ACTIVIDADE E DESMANTELAMENTO DE REGANOSA  !!
• PECHE XA!!
• PLANTA DE GAS FORA DA RÍA  !!

10 razóns para preguntar-se ... Por que Reganosa ten que saír da nosa Ría e das nosas Vidas?


Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc


Información baseada na enviada polo:

Comité Cidadán de Emerxencia

-comitecidadan@gmail.com-

6 de fevereiro de 2014 20:08

_______________