O avogado Floyd Abrams tiña razón cando describiu o ataque contra a redacción de "Charlie Hebdo" como "o asalto máis amenazante sobre o xornalismo na memoria viva". O problema reside en que Occidente esquece os seus propios crimes, subliña o lingüista e filósofo estadounidense Noam Chomsky.
"A razón ten que ver co concepto de -memoria viva, unha categoría construída cuidadosamente para incluír Os seus crimes contra Nós mentres escrupulosamente excluímos Os nosos crimes contra eles. Estes últimos non son crimes, senón nobre defensa dos valores máis altos", explica Chomsky a lóxica do Occidente.
Chomsky recorda que en abril de 1999 as forzas da OTAN realizaron un masivo ataque aéreo contra a emisora serbia RTS que resultou na morte de 16 xornalistas en Belgrado. O portavoz do Pentágono, Kenneth Bacon, dixo entón nunha conferencia en Washington que "a televisión serbia é unha parte importante da máquina da morte de Milosevic, igual que o seu Exército" e, polo tanto, un obxectivo lexítimo de ataque.
"Non houbo manifestacións ou gritos de indignación, non houbo gritos de -Somos RTV-, non houbo investigacións sobre as raíces do ataque contra a cultura e a historia cristiá. Pola contra, o ataque foi encomiado pola prensa. O prestixioso diplomático estadounidense Richard Holbrooke, entón enviado a Yugoslavia, describiu o ataque contra RTV de enorme importancia e desenvolvemento positivo. Esta idea foi compartida por outros", escribe Chomsky nun artigo citado por CNN.
"Canto máis culpamos aos nosos inimigos dalgúns delitos, maior é a indignación; cando maior é a nosa responsabilidade nun crime -e, polo tanto, canto máis podemos facer para poñerlle fin-, menor é a preocupación, tendendo ata a esquecelo ou a negalo", resume o filósofo.
Fonte: RT. | 19.01.2015 | LibreRed.net.
Fotograma da sé da radiotelevisión estatal serbia en Belgrado, Yugoslavia, despois do bombardeo da OTAN en 1999 ©APGraphicsBank. [Amnistia Internacional - 2009]
_______________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon