quarta-feira, janeiro 28, 2015

O goberno de Tsipras toma posesión e prepara as súas primeiras medidas

Tags


O goberno de Tsipras toma posesión e prepara as súas primeiras medidas


Os membros do novo goberno de Grecia tomaron posesión dos seus cargos esta tarde nunha cerimonia dividida en dúas, unha con presenza de símbolos relixiosos e outra exclusivamente civil. O equipo está dividido en dez carteiras, fronte ás 18 de anteriores executivos, por motivos de austeridade, segundo explicaron desde Syriza.

No apartado económico é onde o partido envorcou os seus mellores recursos. O ministro de Economía, un dos homes fortes do Executivo nesta dura etapa de negociacións coa Troika que se abre, é Yannis Varufakis. Flanqueara-lle na negociación do memorándum o vicepresidente, Yannis Dragasakis. Outro economista, Yorgos Stazakis, profesor de Teoría Marxista na Universidade de Creta e experto en desenvolvemento rural, será o encargado do Ministerio de Desenvolvemento.

Varoufakis, profesor nas universidades de Atenas e Texas e considerado como un dos ideólogos de Syriza, asesorou ao ex primeiro ministro Yorgos Papandreu antes de que tomase o cargo. Algúns lle definen como un radical e outros como un reformista pragmático.

Agora, o seguinte paso do Executivo heleno será poñer en marcha un paquete de medidas urxentes encamiñadas a cumprir o chamado Programa de Salónica, que inclúe entre as súas principais orientacións o alivio inmediato ás vítimas da crise, a recuperación económica, a creación de emprego e a reforma do Estado. A primeira das accións que levará a cabo o novo goberno será elevar o salario mínimo dos 580 aos 751 euros e anular as reformas laborais que suprimían a negociación colectiva.

O plan inclúe 12.000 millóns de euros para implementar medidas que palien os efectos da crise económica e os recortes nas familias gregas. Para financialo, entre outras cousas, o Executivo perseguirá a evasión fiscal.

Tamén estará entre estas primeiras medidas a elaboración de leis para fornecer electricidade gratuíta por centos de miles de fogares helenos baixo o limiar de pobreza. Botóuselle en cara ao Goberno de Tsipras que non figure ningunha muller á fronte dos ministerios. De igual modo foi polémico o nomeamento como ministro de Defensa de Panos Kamenos, líder de Gregos independentes, unha escisión de Nova Democracia situada na dereita nacionalista, oposta ao memorándum.

Publicado en 'La Marea' | 27 de xaneiro de 2015.
---
Por Marcos Pérez Pena en falase de ... (Praza Pública), SinPermiso publica unha entrevista realizada pola televisión pública austríaca ao economista Yanis Varoufakis, probable negociador coa Troika do goberno de SyrizaVaroufakis sinala que "deberíamos limitarnos a propoñer esta simple cuestión: como podemos volver facer sostible a economía social griega de xeito que se minimicen para o alemán medio, para o europeo medio os custes da crise grega?".
_______________


Por favor, o contido do seu comentario debe estar relacionado co asunto do artigo.

Prega-se o maior respecto coas persoas, polo que ataques persoais e insultos serán eliminados.

Por favor, non use os comentarios, só para facer propaganda do seu sitio ou será eliminado.
EmoticonEmoticon