segunda-feira, fevereiro 16, 2015

A Plataforma en Defensa da Sanidade Pública da Área Sanitaria de Ferrol, convoca a súa Asemblea Plenaria, para este xoves 19 de Febreiro, ás 17:30hs, en Esteiro


A Plataforma en Defensa da Sanidade Pública da Área Sanitaria de Ferrol, convoca a súa Asemblea Plenaria, para o vindeiro xoves 19 de Febreiro de 2015, ás 17:30hs no local da asociación veciñal de Esteiro, na rúa Fernando VI, Bloque I baixo da cidade de Ferrol (Telefono 981933223).

A Plataforma é unha entidade unitaria onde participan máis de 50 organizacións entre colectivos, asociacións, sindicatos e partidos políticos. Que a súa vez participa na Plataforma Galega SOS Sanidade Pública.

O dereito á sanidade pública e universal, é un dereito que día a día están negando desde os gobernos do Partido Popular,  tanto desde Central, como desde a Xunta de Galicia. Estes están cuestionando o noso dereito universal, coa súa lexislación restritiva, cos seus copagos e repagos, así como coas privatizacións e o desmantelamento. Queren facer da sanidade un negocio. Queren aplicar na sanidade as políticas neoliberais, de pór os servizos públicos en mans privadas, aplicando xa as directrices das institucións controladas polos neoliberais e os tratados de libre comercio como o Tratado Transatlántico Comercio e Investimentos entre a unión Europea e os EEUU (TTIP). As plataformas en Defensa da Sanidade Pública, teñen como obxectivo combater esas políticas e rescatar para pobo o roubado. A sanidade pública é un dereito non un negocio. As plataformas en Defensa da Sanidade Pública levan desenvolvido unha importante actividade en propostas e mobilizacións, recuperemos ese traballo, esa acumulación de coñecemento e loita e non baixemos a garda, fronte as continuas agresión da dereita neoliberal que nos empobrece e rouba. Participemos na Asemblea Plenaria do vindeiro xoves 19 de Febreiro, ás 17:30hs, no local da asociación veciñal de Esteiro.

A Asemblea Plenaria desenvolvera-se coa seguinte orde do día
:
  1. Aprobación, se procede, ACTA anterior.-    
  2. Situación actual desta Plataforma.
    – Baixas .-
    - Estado de Contas .-
    - COTAS para este ano 2015.-
  3. Acordos tomados en SOS Sanidade Pública o pasado día 22 Xan .-
    -Apoio mobilizacións afectados Hepatite C.     
  4. Organización de Mobilización aprobada por SOS Sanidade Pública a realizar o vindeiro día 19 de Marzo nesta comarca.     
  5. Organización dunha charla de Manuel Martín- Voceiro de SOS Sanidade Pública-                                                                                    
  6. Suxestións e preguntas
Ferrol, a 5 de Febreiro de 2015.-   

A Comisión Permanente .-

Secretaría .-

Plataforma en Defensa da Sanidade Pública de Ferrol
http://www.plataformadspferrol.blogspot.com
plataformadspferrol@gmail.com
_______


Por favor, o contido do seu comentario debe estar relacionado co asunto do artigo.

Prega-se o maior respecto coas persoas, polo que ataques persoais e insultos serán eliminados.

Por favor, non use os comentarios, só para facer propaganda do seu sitio ou será eliminado.
EmoticonEmoticon