sexta-feira, março 06, 2015

A Marcha Mundial das Mulleres de Ferrolterra manifestan a súa desconformidade coa elección da homenaxeada este ano por parte do concello de Ferrol no Día Internacional das Mulleres

COMUNICADO DA MARCHA MUNDIAL DAS MULLERES CONTRA 8 DE MARZO DO CONCELLO DE FERROL

A Marcha Mundial das Mulleres queremos amosar a nosa desconformidade coa elección da homenaxeada este ano por parte do concello de Ferrol no Día Internacional das Mulleres.

Non poñemos en dúbida que Meca Arcos teña un papel importante para a comunidade católica, pero queremos lembrar que a Igrexa Católica ten unha postura moi clara sobre o papel da muller na sociedade, relegándonos ao ámbito privado da familia e perpetuando o rol submiso da muller.

Ademais, que a elixida polo concello para este día sexa só representativa para mulleres afíns a estas crenzas, parécenos excluínte e discriminatorio, xa que así non se está representando á gran maioría de nós.

Hai moitas outras mulleres que fixeron unha importante labor polos dereitos e visibilización da muller e esas si son representativas e merecedoras dunha homenaxe polo 8 de marzo, porque

O 8 DE MARZO PERTÉNCENOS A TODAS!

MULLERES EN MARCHA ATA QUE TODAS SEXAMOS LIBRES!!

FEMINISMO PARA AVANZAR. TODAS NA MESMA LOITA!!

--
"As mulleres decidimos"

Coordenadora Local de Ferrolterra da Marcha Mundial das Mulleres
mmmferrolterra@gmail.com
www.feminismo.info
https://www.facebook.com/marchamundialmulleres.galiza
twitter.com/MMMGaliza

Enviado por:
Marcha Mundial Ferrolterra
-mmmferrolterra@gmail.com-
6 de março de 2015 09:03

_________________


Por favor, o contido do seu comentario debe estar relacionado co asunto do artigo.

Prega-se o maior respecto coas persoas, polo que ataques persoais e insultos serán eliminados.

Por favor, non use os comentarios, só para facer propaganda do seu sitio ou será eliminado.
EmoticonEmoticon