Podemos Ferrol xa dispón dun Equipo Técnico: O Consello Cidadá Galego e a Comisión de Garantías Galega constituíu o Equipo Técnico que xestionará Podemos en Ferrol, constitución que anunciara o pasado 10 de Marzo

Comunicado de Prensa

O Consello Cidadá Galego e a Comisión de Garantías Galega constituíu o Equipo Técnico que xestionará Podemos en Ferrol, constitución que anunciara o pasado 10 de Marzo. |Podemos Ferrol xa dispón dun Equipo Técnico.

A Comisión de Garantías Galega e o Consello Cidadá Galego acordan a creación dun Equipo Técnico Transitorio en Ferrol.

O Equipo Técnico estará formado por: Elena Simón Alguacil, Lina Graciela Henao Zambrano, José Francisco Rodríguez, Ari Calvo Bouza, Eduardo Martínez Nieto (CCG), Bárbara Dopico Prado (CCG).

A Comisión Mixta composta pola Comisión de Procesos Constituíntes e a Comisión de Garantías Democráticas Estatal acordou no seu día a anulación do proceso de votación efectuado para a elección dos órganos municipais en Ferrol (A Coruña).  Dita anulación provocou a singularidade de que a cidade de Ferrol non teña constituídos os órganos políticos municipais, carecendo, polo tanto, de órganos electos pola súa Asemblea Cidadá Municipal: o Consello Cidadán e a Secretaría Xeral.

Este baleiro temporal de órganos de representación política na cidade de Ferrol non pode ser impedimento para que Podemos continúe coa implantación e desenvolvemento do seu propio proxecto na cidade polo que ata que sexan convocados novos procesos de elección interna, o Consello Cidadán Galego en coordinación coa Comisión de Garantías Galega resolveu a creación dun Equipo Técnico Transitorio Municipal composto por 6 persoas.

Por resolución conxunta do Consello de Coordinación Galego e a Comisión de Garantías Galega, en reunión telemática celebrada o 16 de marzo de 2015, acórdase a creación temporal dun Equipo Técnico para a cidade de Ferrol constituído por:

• Elena Simón Alguacil.
• Lina Graciela Henao Zambrano.
• José Francisco Rodríguez.
• Ari Calvo Bouza.
• Eduardo Martínez Nieto (CCA).
• Bárbara Dopico Prado (CCA).

Este Equipo Técnico Municipal estará conformado por 4 persoas inscritas en Ferrol e debido á súa temporalidade e para poder cubrir necesidades de forma directa, contará tamén con 2 membros do Consello Cidadán Galego.

O devandito Equipo Técnico será o encargado de:

1. Desenvolver con función executivas as decisións aprobadas pola Asemblea Cidadá e aquelas conducentes a desenvolver a liña política de PODEMOS.
2. Convocar á Asemblea Cidadá e encargarse da organización técnica do proceso.
3. Elaborar o orzamento de gastos necesarios así como presentar a rendición de contas de cada exercicio para a súa aprobación polo Consello de Coordinación.
4. Supervisar e colaborar a implantación de Podemos a niveis territoriais inferiores (barrios).
5. Incentivar e impulsar a participación activa dos inscritos nas diferentes áreas de traballo.

Entendemos que as persoas inscritas en Podemos Ferrol merecen dispor dun órgano capaz de dar un novo pulo a Podemos en Ferrol, para que supere as dificultades anteriores e poder así centrarnos en sumar cada vez máis xente ás 895 persoas inscritas na cidade, que amosan que Ferrol demanda novas formas de facer política.
Inés Mallada
Responsable de prensa de Podemos Galicia

Contacto de prensa
prensa@galicia.podemos.info

https://twitter.com/podemos_galicia
https://www.facebook.com/podemosengalicia

Enviado por:
prensa@galicia.podemos.info
-prensa@galicia.podemos.info-
22 de março de 2015 13:14
Moi boas! Dende Podemos Galicia queremos informarvos de que Podemos Ferrol xa dispón dun Equipo Técnico Municipal. Unha aperta, Inés Mallada.
_______________