Alberto Nuñez Feijóo, actual presidente da Xunta de Galicia, anuncia o agardado, que se volverá a presentar como candidato do Partido Popular a presidir o goberno da Comunidade Autónoma, nas eleccións previstas para Outubro deste ano 2016, despois de 8 anos presidindo o goberno galego. Todo está listo para a farsa. Atados todos o cabos e coa falacia da "comunidade autónoma virtuosa e cumpridora". Todo está preparado, partidas importantes dos orzamentos para dar publicidade aos supostos logros de cada unha das consellarías. Un Partido Popular en caída, mais sen unha oposición capaz de aproveitar a situación de declive político dun Partido Popular corrompido nas súas entrañas por multitude de escandalosos casos de latrocinio, ao estilo dunha organización criminal para delinquir e saquear as arcas públicas, o diñeiro de tod@s.
Feijóo, volverá ser candidato ás eleccións autonómicas na Galiza, simulando un grande sacrificio persoal e criando unha grande expectación perante semanas, e sobre todo nos últimos días, ao poñer unha data para anunciar a súa decisión, na xuntanza da dirección política do partido na Galiza que se xuntaba hoxe sábado 2 de Abril, nun hotel compostelán. Comunicaba a decisión visibelmente emocionado, cando anunciaba que vai intentar seguir capitaneando o goberno encargado da aplicación das políticas económicas neoliberais deseñadas baixo directrices e programas das grandes corporacións transnacionais do capital financeiro e industrial que pretenden controlar aos gobernos e institucións en todos os países do mundo. E a Esquerda segue perdida na intemperie, a modo como escribía Eduardo Galeano, no seu artigo escrito en 1990 .
A nova nalgúns medios galegos:
Sermos Galiza. |APÓS MESES DE XOGAR AO DESPISTE. | Feijóo pon fin á súa estratexia de precampaña e anuncia a súa terceira candidatura á Xunta | M. Obelleiro 02 Abril 2016 11:01 h. | Ir a Web.
Praza Pública. |Feijóo escenifica o 'sacrificio' de volverse presentar: "Galicia paga a pena sempre". | David LombaoDavid Lombao | @davidlombao | Miguel PardoMiguel Pardo | @depunteirolo. | Ir a Web.
Galicia Confidencial. | Feijóo repetirá como candidato á Xunta. O presidente do PPdeG confirma aos seus compañeiros que a súa "difícil decisión" é volver a loitar pola presidencia do Goberno Galego. Non parece que vaia haber adianto electoral.| Feijóo convoca a todos os conselleiros e ex-conselleiros. | Por Galicia Confidencial | Santiago | 02/04/2016 | Actualizada ás 12:10 | Ir a Web.
___________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon