En Ferrolterra fomos á Praza este 15M - Vídeos: até 11 documentos audiovisuais do acto

Hoxe ocupamos a praza neste quinto Aniversario do 15M, nom para conmemorar un aniversario dun diferente accionar, dun diferente debater, dun diferente organizar… senon que tamén para demandar, para reivindicar, para continuar facendo o que nunca deixamos de facer, reclamar os nosos dereitos, como cidadanía, como clase traballadora, como pobo... e defender o medio ambiente.

Este 15M as prazas de cidades, vilas e bairros en Francia están cheas de vida, denuncias e demandas. Chamanlle a #Nuitdebout (Noite en Pé). Desde esas prazas convocouse-nos en todo o mundo a saír á rúa, ocupar as prazas nun acto de solidariedade e confraternidade, para demandar que un outro mundo non só é posíbel, senón que é necesario.

Este fin de semana do 14 e 15 de Maio de 2016, estamos deixando un testemuño de esperanzas e rebelións comúns no que se lle chama a #GLOBALDEBOUT, unha Acción Global Internacional, foron centos de prazas públicas ocupadas nesta fin de semana, algunhas permanentemente.

¡Habitantes do mundo enteiro, fagamos derribar as fronteiras e construamos xuntos unha nova primavera global! Únete a nós para atoparnos, debater, compartir as nosas experiencias e as nosas habilidades públicas, e comezar a construír xuntos perspectivas e solucións comúns. E sobre todo, preparemos e lancemos xuntos unha gran acción internacional o 15 de maio para ocupar masivamente as prazas en todo o mundo nesta data.

#NoiteEnPé fixou-se como primeiro obxectivo a creación dun espazo de converxencia de loitas. Esta converxencia podería ir aínda máis lonxe e estenderse a nivel internacional. Existen lazos entre os numerosos movementos que se opoñen nas catro esquinas do mundo á precaridade, á imposición dos mercados financeiros, á destrución da contorna natural, ás guerras e ao militarismo, á degradación das nosas condicións de vida.

Como en moitas cidades de Europa e doutras partes do mundo, en Ferrolterra e na Galiza mobilízamo-nos este 15M.

Ao igual que en Ferrol, no resto das cidades galegas, tiveron lugar concentracións nas prazas, non só quentando motores en apoio da convocatoria do 28M na que entraremos nas históricas murallas romanas de Lugo, patrimonio da humanidade, para conformar "Unha Muralla de Dignidade", senón que tamén nos mobilizamos como en toda Europa na acción internacional #GlobalDebout.
   
Nesta Acción Global, dende París até Hong Kong, pasando por Galiza e Ferrol, polos dereitos das persoas, dos pobos... e en defensa do medio ambiente; contra a Troika e as súas políticas austericidas que nos condenan ao paro e ao empobrecemento, contra o latrocinio das grandes corporacións transnacionais, contra o cambio climático... Un outro mundo é posíbel e necesario.

As Marchas da Dignidade de Ferrolterra promovimos o #GlobalDebout en Ferrol e contamos co apoio e participación do Foro Galego de Inmigración, do comité Cidadán de Emerxencia para a Ría de Ferrol, de STOP Desafiuzamentos da Rede de Apoio Mutuo, do Colectivo Ártabra 21, da asociación Fuco Buxán AC, do Sindicato de Estudantes e da Rede Galega de Apoio ás Persoas Refuxiadas. E actuación musical do compañeiro Manolo Bacallao.

Uns paneis, onde desde diferentes posicionamentos políticos, houbo persoas que expresaron mediante a escritura as súas propostas, denuncias, protestas, ideas e proclamas políticas e sociais. Desde unha mesa das Marchas recollian-se datos para ocupar os buses que se desprazaran a Lugo o vindeiro 28M e se vebdian as camisetas da dignidade que conmemora a "Muralla de Dignidade" que pretendemos construír en Lugo no último sábado deste mes de Maio de 2016.

Á competencia e ao egoísmo, respondemos coa solidariedade, a reflexión e a acción colectiva. As nosas diferenzas non son fonte de divisións, senón a base da nosa complementariedade e da nosa forza común. Nin escoitadas nin representadas, nós, persoas de toda condición, reapropiamonos xuntos da palabra e do espazo público: facemos política, porque é asunto de todas.

Non é o momento de indignarse en solitario nunha esquina, senón de pasar á acción todas xuntas. Nós, o 99 %, temos a capacidade de actuar e de rexeitar definitivamente aos do 1 % e o seu mundo, para desaloxarlos das nosas cidades, dos nosos lugares de traballo, das nosas vidas.

A continuación presentamos o documento audiovisual do acto desta mañá no Cantón de Ferrol.


https://youtu.be/AJRG2TJWYWM?list=PLPJM30gA1QBi0xTVJJBEM7VS20aeT8WPF
Buscar, compartillar, incorporar ou baixar os vídeos por separado, até 11 documentos audiovisuais do acto, na Praza, desta mañá do 15M do 2016, na Canle das Marchas da Dignidade Ferrolterra | Ir á Canle.

Contacto:

#ColumnaFerrolterra
marchasdadignidadeferrolterra@gmail.com

Telefono Ferrolterra:
602 587 531


*******

#Marchas da Dignidade Ferrolterra

Conta no Facebook.

Grupo no Facebook.

Conta no Twitter.

Canle de Ferrolterra no Youtube.
_____________________