domingo, xuño 05, 2016

Así foi a 10ª Marcha a Pé Ferrol-Mugardos en protesta polo despropósito gasista da ilegal e perigosa Reganosa

Tags


Como ven sendo desde o peche, perante 111 días, da veciñanza de Meá na Casa do Concello de Mugardos, no ano 2007, celebrouse a marcha a pé. A décima edición desta camiñada, partiu desde o Parque Carmelo Teixeiro do barrio de Caranza. Na altura da Sociedade O Pote, en Maniños, realizouse un pequeno descanso, para retomar a marcha até os propios tanques de Reganosa. Nese marco escoitaron-se as varias intervencións. Manuel Rodríguez Carballeira, coordenador do Comité Cidadá de Emerxencia para a Ría de Ferrol, lembrou as Tres sentenzas firmes do Tribunal Supremo que confirman o que sempre mantivemos a ilegalidade da localización da planta regasificadora en punta Promontoiro, dentro da Ría de Ferrol, e a actuación, que calificaou de delito, do goberno en funcións de Mariano Rajoy, permitindo que a empresa Reganosa actue fora da lei. Luz Marina Torrente, presidenta da AAVV de Mehá deu conta da persecución que a veciñanza de Meá, opositora á planta, sufriron ao longo destes anos, e como agora o máximo tribunal ven de darlles a razón. Lupe Ces, do Comité Cidadá de Emerxencia chamou a non baixar a garda neste ultimo tramo da loita contra Reganosa, "se son capaces de por en perigo a vida de miles de persoas, que non farán para que non lles pechen este negócio millonário". Para rematar a xornada, nos locais da AAVV de Mehá compartiuse petiscos e bebida, mentres se descansaba da marcha a pé, uns 15 quilómetros que separan as dúas localidades, pola contorna da Ría, a penas 1500 metros en liña recta, entre a perigosa instalación e o porto de Ferrol.


https://youtu.be/vmGPXevuLak

Estamos diante do maior fraude cometido no noso país coa escusa de que o gas é estratéxico para Galiza... Mentres o Goberno Español e a Xunta de Galicia fan caso omiso das Sentenzas dos Tribunais. É Mais lexislan para burlar estas Sentenzas das maiores instancias xudiciais.

Tras as sentenzas do Tribunal Supremo, que declaran ilegal a Reganosa, esiximos o fin desta ameaza e deste malgasto de cartos públicos. Temos que esixir o seu peche definitivo.
  • QUE SE CUMPRAN AS SENTENZAS DO TRIBUNAL SUPREMO XA! 
  • POLA DEFENSA DA VIDA, A NOSA SEGURIDADE E A RÍA  !!
  • CESE DA ACTIVIDADE E DESMANTELAMENTO DE REGANOSA  !!
  • MÓVETE CONTRA A IMPUNIDADE !!
  • PECHE XA!!
  • PLANTA DE GAS FORA DA RÍA  !!

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc

_____________ ____________


Por favor, o contido do seu comentario debe estar relacionado co asunto do artigo.

Prega-se o maior respecto coas persoas, polo que ataques persoais e insultos serán eliminados.

Por favor, non use os comentarios, só para facer propaganda do seu sitio ou será eliminado.
EmoticonEmoticon