domingo, janeiro 22, 2017

O BNG organiza un Acto público Informativo sobre o saneamento en Ferrol - Martes 24 de xaneiro às 8 da tarde, no Salón de actos do antigo Hospicio


O vindeiro martes 24 de xaneiro às 20 horas no Salón de actos do antigo Hospicio (r/ Méndez Núñez) o Bloque Nacionalista Galego vai desenvolver un acto público informativo para explicar cal é o estado actual na que se atopa a situación da rede de Saneamento na cidade e cales son as repercusións que vai ter nos veciños e veciñas.

Quen vai pagar as obras?
Quen vai xestionar a rede?
É un modelo sustentábel?
Que vai pasar coa Taxa?

Neste acto público repasaran o que se ten feito desde o Concello sobre este tema lembrando entre outras cuestións:
Que o o saneamento da ría de Ferrol foi declarado de interese xeral polo Estado en 1997, debendo ser obriga deste a súa execución e financiamento.

O Modelo eleito de rede de saneamento é obsoleto por tratarse dunha rede unitaria, contraria a todos os criterios actuais de xestión de augas residuais e contrario as propias determinacións da Lei de Augas de Galiza e das directrices do propio PXOM.

O PP impuxo unha taxa para pagar as obras e a posta en funcionamento do saneamento asumindo o modelo de rede unitaria imposto polo Estado e o custe das obras.

En agosto de 2015 o Goberno da cidade confirmou que a depuradora da cidade, despois de décadas de abandono, non depuraba. Esto non impediu que se nos cobrase por este servizo máis de 800.000 euros no remate do ano 2014.
Manifesta que "na actualidade o goberno FeC pretende dar continuidade ao modelo unitario imposto polo PP, asume os custes de reparación da EDAR, os da construción da obra e a posta en funcionamento da infraestrura e entrega a xestión do sistema á empresa ACUAES, responsable da execución dunhas obras que acumulan máis dun ano de retraso que suporán maiores custes para a Cidade".

Desde o BNG proponen
:
A transformación do sistema de depuración.

Modificando e complementando a infraestrutura para que as augas fecais non sexan tartadas conxuntamente coas augas pluviais reducindo os custes medioambientais e económicos.

A xestión directa dos servizos básicos para a cidade.

Recuperando a xestión pública da auga, tanto no servizo de abastecemento como no de saneamento e depuración. A primeira compensación sería inmediata ao eliminar o beneficio económico da empresa concesionaria.

Que o Estado asuma a súa responsabilidade e pague as obras.
E seguen dicindo que "a pesar de non poder decidir a ubicación da EDAR e ter que bombear máis de 40 m. os volumes a tratar, de impoñernos un modelo de rede unitaria con excesivos tanques de tormentas insostible económica e medioambientalmente e de non poder decidir sobre o trazado dos colectores o Estado e o actual goberno pretenden que asumamos nós o custe da obra".

Rematan a convocatoria , facendo un chamamento a participar no acto se se quere  afondar nos coñecimentos sobre a situación respecto da rede de saneamento na cidade, a taxa vinculada a esta rede e cal é a súaa proposta respecto destas cuestións.

Bloque Nacionalista Galego de Ferrol
Rúa Naturalista López Seoane, 13 Baixo - 15402 - Ferrol
bngferrol@gmail.com | bng@ferrol.es (Grupo Municipal)
O BNG de Ferrol no facebook  ou no twitter.
http://bng.gal/ferrol/ | http://adiante.gal/ | #Adiante.

Enviado por:
BNG
-bng@ferrol.es-
20 de janeiro de 2017 14:33


Foto: O alcalde de Ferrol, Jorge Suárez, co seu antecesor no cargo, José Manuel Rei Varela. De Miguel Muñiz. | 2017.08.28
________


Por favor, o contido do seu comentario debe estar relacionado co asunto do artigo.

Prega-se o maior respecto coas persoas, polo que ataques persoais e insultos serán eliminados.

Por favor, non use os comentarios, só para facer propaganda do seu sitio ou será eliminado.
EmoticonEmoticon