 |
| PXOM de Mugardos, 19 de Abril de 2012 - Clicar na imaxe para ampliar |
A loita contra a ameaza, a ilegalidade e a corrupción no caso Reganosa continúa. | O Comité Cidadán de Emerxencia para a Ría de Ferrol formula a Solicitude da Cuestión Prexudicial ante o Tribunal de Xustiza da Unión Europea, relativa á Planta de Gas de Reganosa. | Para saber se as administracións ao aprobar as modificacións puntuais do Plan Xeral de Ordenación Municipal (PXOM) obxecto de recurso, subverteu os obxectivos establecidos pola Directiva 2001/42/CE de Plans e Programas.
O Comité Cidadán de Emerxencia a través da súa asesoría xurídica ven de formular o 28 do actual, a solicitude da Cuestión Prexudicial ante o Tribunal de Xustiza da Unión Europea, no recurso contencioso-administrativo contra a segunda modificación do PXOM de Mugardos que pretende legalizar a planta de gas de Reganosa, pendente de votación e fallo no Tribunal Supremo.
Trátase a través deste procedemento de valorar si se cometeu un fraude de Lei, e por ende, unha desviación de poder, ao utilizar a escusa da adaptación do Plan Xeral de Ordenación Municipal do Concello de Mugardos á Directiva 2001/42/CE de Plans e Programas, para así legalizar un uso e unha instalación declarada ilegal (a Planta de gas de Reganosa acumula catro sentencias condenatorias), mediante unhas novas modificacións que parten, loxicamente da existencia da instalación e do uso de regasificación, sen que previamente se analizara alternativa algunha (alternativa 0) para a súa localización, nin foi obxecto dunha Declaración de Impacto Ambiental, e que se valore tamén si a Directiva de Plans e Programas está prevista para legalizar unhas instalacións sobre as que non se realizou análise algún de alternativas.
Ferrol a 29 de Xuño de 2017
Achegamos o texto completo da Solicitude.
Escrito de Solicitude da Cuestión Prexudicial ante o Tribunal de Xustiza da Unión Europea, relativa á Planta de Gas de Reganosa: Acceder/Baixar.
--
O COMITÉ CIDADÁN DE EMERXENCIA PARA A RÍA DE FERROL, NECESITA NESTES MOMENTOS AXUDA ECONÓMICA, PARA CONTINUAR COS PROCESOS XUDICIAIS E ADMINISTRATIVOS ABERTOS: COLABORA.
Comité Cidadán de Emerxencia para a Ría de Ferrolcomitecidadan@gmail.com
www.comitecidadan.org
@ComitCEmerxenc
Enviado por:
Comité Cidadán de Emerxencia
-comitecidadan@gmail.com-
29 de junho de 2017 16:435
___________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon