Centos de mobilizacións estan-se producindo estes días por todo o territorio do estado. O pasado mércores 12 de setembro reunia-se a "Comisión de Seguimento e Avaliación dos Acordos Pacto de Toledo", presidida aínda pola impresentábel Celia Villalobos. Estaba convocada a Comisión para tomar unha decisión sobre a recomendación "Dúas" do Pacto (Fórmula para a revalorización das pensións), pois os grupos parlamentarios dubidan da decisión e xa se sabe que circula unha especie de acordo para facer a proposición no sentido de non tomar en consideración a reivindicación do movemento na defensa das pensións públicas, de que estas se revaloricen conforme ao IPC "real" non a que se utilicen novas fórmulas ligadas a cotizacións, a salarios, ao PIB (Produto Interior Bruto), ... Mais desta vez non foi, non houbo votación, o Congreso en Madrid estaba rodeado de pensionistas en loita, na demanda dunhas pensións dignas. A votación da recomendación quedou adiada até o vindeiro mércores 19 de setembro.
O movemento estatal de pensións integrado na Coordinadora e outros colectivos, acordaron unha mobilización simultánea en máis dun cento de vilas e cidades, para o vindeiro luns 17 de setembro. En Ferrolterra, terá lugar unha concentración, ás 11.30hs no Cantón de Ferrol, fronte ao Palco da Música, convocada pola Plataforma de Ferrolterra en Defensa das Pensión Públicas, integrada en MODEPEN.
#IPCéIPC
Unidos somos máis fortes, o futuro das pensións escribímolo hoxe.
DEFENDAMOS O SISTEMA PÚBLICO DE PENSIÓNS!!!
Todos os cidadáns teñen dereito a unha vida digna!
Para contactar coa Plataforma:
Correo-e:
plataf.pensionspublicas.ferrol@gmail.com
Conta no facebook:
https://www.facebook.com/DefensaPensionsFerrolterra/
Enlaces relacionados en Ártabra 21.
Info baseada na enviada por:
Plataforma Pensións Públicas Ferrol
-plataf.pensionspublicas.ferrol@gmail.com-
13 de setembro de 2018 15:23
__________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon