Encontros Monográficos co Patrimonio Cultural: 'Ferrol Vello e A Madalena | As estratexias de recuperación patrimonial, rehabilitación e rexeneración urbana' - No Ateneo Ferrolán, o mércores, 31 de outubro de 2018 - Unha actividade do Consello da Cultura Galega

Ferrol Vello e A Madalena. As estratexias de recuperación patrimonial, rehabilitación e rexeneración urbana
Encontros Monográficos co Patrimonio Cultural:
IN SITU. CONXUNTOS HISTÓRICOS
Ferrol, mércores, 31 de outubro, de 2018.
Ateneo Ferrolán, rúa Madalena, 202-204.

O patrimonio centra unha parte importante da actividade do Consello da Cultura Galega para as vindeiras semanas. A primeira delas celebrarase o vindeiro día 31 de outubro, onde nos trasladamos a Ferrol para analizar un casco histórico. Dentro do noso programa “IN Situ”, que analiza intervencións no propio espazo en que se producen, terá lugar unha revisión de dous barrios centrais na configuración do tecido urbano de Ferrol, como son o da Madalena e o Ferrol vello. Os arquitectos Miguel Reimúndez, Alfonso Díaz e Ignacio Mendizábal serán os encargados de falar da participación veciñal na recuperación deste espazo, das estratexias seguidas para a súa revisión e da xestión da área de rehabilitación.

Coordinación
Rebeca Blanco-Rotea
Teresa Nieto

Relatores
Alfonso Díaz Revilla
Ignacio Mendizábal Ferreiro
Miguel Reimúndez González

Colabora
Ateneo Ferrolán

Organiza
Sección de Patrimonio e Bens Culturais (CCG)

Lugar
Ateneo Ferrolán
Rúa Magdalena 202-204
15402 Ferrol

O programa IN SITU pretende crear outros lugares de reflexión fóra do habitual espazo dos Encontros, trasladando o espazo de debate ao contexto xeográfico e social dos bens. A elección dos conxuntos históricos onde se van desenvolver os Encontros (Vigo, Ferrol, Ourense-Ribadavia) pretende mostrar a diversidade das situacións nas que se atopan e introducir no debate os aspectos complexos do debate arredor da protección patrimonial da cidade histórica.

O barrio da Madalena e Ferrol Vello son dúas realidades diferenciadas que forman, en palabras de Alfredo Vigo Trasancos, unha especie de binomio imprescindible inmerso nun contexto de crise urbana que se prolonga dende hai décadas. Esta condición danos pé a analizar e confrontar a aplicación nos dous barrios das estratexias e criterios de recuperación establecidos dende a lexislación, o planeamento e as políticas públicas de rehabilitación, así como a súa capacidade de adecuación a esas realidades.

Programa. | Acceder/Baixar.

Web oficial do Consello da Cultura Galega
http://consellodacultura.gal/
_____________________