Europa: resolución histórica na loita contra a contaminación por plástico - Directiva para a redución de plásticos dun só uso - Agora os Estados Membro teñen que avanzar na mesma dirección para acabar con este problema

Europa: resolución histórica na loita contra a contaminación por plástico. | Agora os Estados Membro teñen que avanzar na mesma dirección para acabar con este problema.


O Parlamento Europeo deu un paso adiante na consecución dunha Directiva para a redución de plásticos dun só uso con obxectivos ambiciosos. Amigos da Terra celebra a decisión e pon agora o foco na postura da ministra Ribeira no Consello Europeo de ministros de Medio Ambiente.

Unha gran maioría de eurodiputad@s votou hoxe a proposta para a directiva de plásticos dun só uso que reforza o plan inicial da Comisión Europea. O Parlamento aprobou a prohibición dalgúns dos produtos de usar e tirar máis problemáticos, como os envases de alimentos de poliestireno expandido, e a obrigación dos produtores de costear o total da contaminación que xeran. Á súa vez, terán-se en conta medidas para reducir a contaminación causada polos aparellos de pesca, uns dos principais obxectos que contaminan os océanos; para este fin aprobáronse estándares harmonizados e porcentaxes mínimas de recolleita e reciclaxe a nivel europeo.

"O Parlamento Europeo fixo historia apostando por reducir os produtos de plástico dun só uso e limitar o seu contaminación nos nosos mares e océanos", sinalou Alodia Pérez, responsábel de recursos naturais e residuos de Amigos da Terra. "A cidadanía europea quere o fin da contaminación por plástico. Agora os gobernos estatais teñen que cumprir con esta demanda e resistir a presión das grandes corporacións interesadas en dar continuidade ao modelo de usar e tirar", engadiu.

Amigos da Terra aplaude que nesta nova proposta optouse por unha definición máis acorde e sen ambigüidades dos plásticos de usar e tirar. Isto foi un punto conflitivo para as organizacións ecoloxistas na anterior proposta, xa que podería botar por terra os esforzos políticos para avanzar na directiva, permitindo aos fabricantes etiquetar os seus produtos de "usar e tirar" como "reutilizables".

Con todo, malia os avances alcanzados, as organizacións ecoloxistas lamentan que o novo documento non contemple a eliminación das bolsas de plástico moi lixeiras, que si se incluíu anteriormente na proposta do Comité de Medio Ambiente do Parlamento Europeo.

Espérase que os representantes de Medio Ambiente dos Estados Membro se reúnan a finais deste mes para acordar a súa posición conxunta, e a principios de novembro comezarán as negociacións do trílogo (Parlamento Europeo, Comisión Europea e Consello dos Estados Membros).

As medidas adoptadas inclúen:

✰ Prohibición a nivel europeo dos seguintes produtos de plástico dun só uso (con excepcións ata 2023): Bastonciños hixinicos, palliñas, pratos e cubertos, axitadores de bebidas, paus de globos, plásticos oxo-degradábeis e vasos e envases de posiestireno expandido.

✰ Obrigación dos Estados Membros de adoptar medidas para alcanzar un 25% de redución en envases de comida e vasos de plástico.

✰ Obrigación dos Estados Membros de reducir as colillas e outros residuos do tabaco que conteñen plástico nun 50% en 2025 e un 80% en 2030.

✰ Ampliar a responsabilidade ampliada do productor, incluíndo nos custos a asumir polos fabricantes as recolleitas de residuos abandonados e as medidas de sensibilización cidadá.

✰ Establecer estándares harmonizados e esquemas de responsabilidade ampliada do productor para aparellos de pesca, ademais de suscitar obxectivos do 50% de recolleita e un 15% de reciclaxe en 2025.

✰ Obrigación de recoller selectivamente o 90% dos envases de bebida e asegurar que se fabrican con polo menos o 35% de material reciclado en 2025.

✰ Obrigación de previr o uso de sustancias químicas perigosas na composición de artigos sanitarios (comprimidas, cueiros, toalliñas, etc.)

✰ Obrigación de etiquetar os produtos de maneira que a cidadanía coñeza a presenza de químicos en determinados produtos plásticos dun só uso.

Estas medidas aplican a todos os produtos de plástico dun só uso incluídas nos anexos da Directiva, tamén os plásticos fabricados con materiais orgánicos e os biodegradables.

24 de outubro de 2018

Fonte: ECOticias

_____________________