Presentación no Ateneo Ferrolán do libro "Meiras, un pazo, un caudillo, un espolio..." este mércores, 17 de outubro ás 19:30hs. Haberá coloquio e estarán presentes os seus autores: Carlos Babío Urkidi e Manuel Pérez Lorenzo - É un acto encadrado no Ciclo Democracia e Compromiso organizado pola asociación Fuco Buxán.
MEIRÁS. UN PAZO, UN CAUDILLO, UN ESPOLIO.
De Carlos Babío Urkidi e Manuel Pérez Lorenzo.
Unha produción da Fundación Galiza Sempre
Unha das imaxes que máis asociamos á ditadura de Franco é a da silueta do Pazo de Meirás. Residencia de verán do Xefe do Estado durante case catro décadas, o edificio, construído pola escritora Emilia Pardo Bazán, chegaría ás mans do ditador nun proceso marcado polas coaccións e os abusos sobre unha poboación sometida ao aparello represivo do réxime.
O presente volume estuda e documenta eses procedementos e analiza a actuación das administracións en Meirás, co investimento continuado de fondos públicos nunha propiedade que, á morte de Franco, ficaría nas mans da súa familia. Un relato que vén botar luz sobre unha historia que o franquismo nos transmitira en termos ben diferentes. O relato dun tempo que axuda a explicar, en boa medida, o noso presente.
É a terceira vez que este libro se presenta en ferrol, a primeira pola asociación cultural Medulio, a segunda pola Fundaçom Artábria e esta terceira pola A.C. Fuco Buxán. O libro é unha peza fundamenta para a recuperación da memoria Histórica, mais tamén para a reivindicación da devolución do espolio cometido polo Ditador e o seu réxime. Dentro desta parte reivindicativa hai un proceso xudicial aberto contra 19 persoas que participaron nun acto reivindicativo contra este espolio, son os 19 de Meirás.
Pode-se entrar na súa web e apoiar o Manifesto:
https://19demeiras.wordpress.com/
Fundación Galiza Sempre.
http://www.galizasempre.org/
---
Fuco Buxán A. C.
Rúa Armada Española, nº32 Baixo
15406 - Ferrol
fucobuxan@gmail.com
http://www.fucobuxan.net/
No facebook:
https://www.facebook.com/fucobuxan/
No twitter:
https://twitter.com/fucobuxan
_______________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon