#DefendeAGalega XV Premio José Couso de liberdade de prensa, que concedeu o Clube de Prensa de Ferrol e o Colexio de Xornalistas de Galicia, o galardón entrega-se este venres 3 de maio

#DefendeAGalega
@DefendeAGalega

O 3 de maio entrégannos en Ferrol o #PremioCouso Recollerano no nome de #DefendeAGalega dous compañeiros expedientados tralo seu apoio aos #VenresNegros: Tati Moyano e Carlos Jiménez. Polo servizo público e o dereito á información. Acompáñanos!

Actos en Ferrol

Comezarán cunha ofrenda floral no monumento "As Ceibes" do Cantón de Molíns, onde intervirá a xornalista ferrolá Patricia Hermida, ás 7 da tarde. Rematado o acto do cantón, sobre media hora mais tarde está previsto o comezo da gala de entrega do premio, no Teatro Jofre, que concluirá co concerto a cargo de Petit Swing.

As entradas poden-se retirar con antelación nas taquillas do Teatro Jofre

Desde este martes 30 de abril de 11:00 a 13:00 e de 18:00 a 20:00 horas.
Son gratuitas e poderanse retirar un máximo de dúas por persoa.

#DefendeAGalega

É o lema da mobilización semanal das traballadoras e dos traballadores dos medios públicos galegos, que xunto ás camisolas negras se converteu no último ano nun exemplo de dignidade e de resistencia en defensa do valor da información, sen a cal non é posible exercer a liberdade, e do valor do público, imprescindible para garantir o principio de igualdade de oportunidades. | + Info.

José Couso Permuy

Naceu en Ferrol o 5 de outubro de 1965 e morreu asasinado en Bagdad o 8 de abril de 2003, mentres exercia como reporteiro gráfico en zona de guerra, en plena invasión de Iraq de 2003, cando un carro de combate estadounidense disparou ao Hotel Palestina no que se atopaba. | Ir ao buscador libre DuckDuckGo.

Premio José Couso de liberdade de prensa

O Colexio Profesional de Xornalistas de Galicia e o Club de Prensa de Ferrol crearon este premio en memoria do cámara ferrolán José Couso Permuy, disparado no Hotel Palestina de Bagdad o 8 de abril de 2003, mentres cubría o conflicto bélico en Iraq para os informativos de Tele 5.

Quere-se personalizar na súa figura a xornalistas, da Galiza ou non, que cada ano son asasinad@s, maltratad@s ou privad@s dos seus dereitos como persoas e como informadoras. | Ir á Web.
________