➤ 11:00 horas: Iván Rivas, María do Mar López e Ana Pontón participan nun reparto informativo. Declaracións aos medios diante do edificio administrativo da Xunta.
➤ 20:00 horas: Acto público no local da asociación veciñal de Brión.
Conversas na lareira.
O BNG DE FERROL CONVERSOU NA LAREIRA CON PROPOSTAS PARA A RECUPERACIÓN E NORMALIZACIÓN DA NOSA LINGUA
No día de onte o BNG de Ferrol e o seu candidato á alcaldía Iván Rivas quixeron traballar na lareira, entre café e biscoitos, con Bernardo Penabade, un dos representantes do Modelo Burela, un dos modelos actuais de éxito no avance da lingua galega entre a mocidade e as familias de Burela.
Co seu Modelo Burela abriu onte á tarde Bernardo Penabade este encontro para propor alternativas para un posible Modelo Ferrol, alí comentáronse diversas propostas conectadas co exemplo internacional da mesma Burela en cuestións de Planificación sociolingüística. O Modelo Burela foi premiado e recoñecido en numerosas ocasións en Euskadi, Cataluña, Valencia, etc. Foi o que inspirou o paradigma aplicado no cinto urbano de Valencia ou en diferentes localidades do País Vasco.
En Burela a lingua habitual de máis do oitenta por cento das persoas é o galego. Na mocidade esta porcentaxe sobe 5 ou 6 puntos. Esta tendencia confirma o avance significativo do Modelo Burela que conecta directamente co plurilingüismo e coa diversidade cultural que achega a migración xa enraizada no galego, por exemplo de Cabo Verde, Indonesia, Perú, etc. As persoas que acudiron ao encontro analizaron e propuxeron alternativas ao redor deste proxecto, poñendo en valor as características propias de Ferrol.
O voceiro do BNG de Ferrol, Iván Rivas, empatizou de partida con todas estas propostas entroncándoas coa reunión do día anterior de persoas migrantes e cun futuro para Ferrol que atraia persoas de recente chegada, de diferentes culturas e de reforzo do noso, de dignificación dunha cultura, a galega, moitas veces mesmo estranxeira na súa patria. Rivas animou a participar a diferentes colectivos ofrecendo o BNG como espazo para crear e avanzar coa lingua galega.
Ferrol, 19 de maio de 2019.
Coas Ideas Claras
http://ideasclaras.bng.gal/
#AgoraGaliza
#AgoraBNG
#Agora Ferrol
Local Electoral BNG Ferrol
Rúa Galiano, 66 Baixo.
Enviado por:
BNG Ferrol
-bngferrol@gmail.com-
19 de maio de 2019 17:18
________________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon