Podemos Narón reitera que non presentou candidatura ás eleccións municipais do 26M. | A formación non deu apoio nin pide o voto para ningunha das listas que concorren aos comicios.
Ante a confusión derivada da publicación de informacións relativas ás eleccións locais do 26 de Maio, Podemos Narón quere lembrar que non presentou candidatura algunha á alcaldía da vila, e que tampouco acordou dar o seu apoio explícito nin pedir o voto para ningunha das listas que concorren aos comicios.
Podemos Narón lembra tamén que tomou a decisión de non presentarse ás eleccións locais tras constatar que non se daban as circunstancias requiridas para conformar candidaturas de progreso e unidade popular co resto de forzas e actores civís e sociais cos que comparte o espazo de cambio. Desa forma, ningunha das opcións electorais que si se presentan conta coa súa marca nin co seu aval.
Narón, 14 de maio de 2019
Elena Pernas, coordinadora de Podemos Narón
https://es-es.facebook.com/podemos.naron
Enviado por:
Prensa Podemos Galicia
-prensa@galicia.podemos.info-
14 de maio de 2019 19:01
____________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon