 |
| Clicar na imaxe para ampliar |
A Ría de Ferrol é un conxunto biolóxico, histórico, produtivo e de lecer, que debe ser protexido, conservado e potenciado xa que isto se traduce nunha mellora na calidade de vida dos habitantes e nun incremento da riqueza sostible para o Pais.
A Ría de Ferrol, posuía unha alta produtividade marisqueira. Ata hai pouco, máis de 700 persoas vivían desta actividade extractiva. Produtividade que se veu minguada de xeito drástico pola destrución sistemática do seu ecosistema.
As agresións medioambientais á nosa Ria tiveron lugar sobre todo a partir da segunda metade do século pasado (recheos, pontes en escollera, vertidos urbanos e industriais, etc.)
A posta en marcha dos sistemas depurativos da banda sur no 2014 e da banda norte no 2017, son básicos para a recuperación do ecosistema, pero aínda están inconclusos e incompletos pois os vertidos industriais seguen a producirse coa autorización de Augas de Galicia (Xunta de Galicia) de tal xeito que, o Complexo de Forestal del Atlántico ten autorizado verter á Ria máis de 27 millóns de Tons/ano procedentes dos seus procesos industriais, Megasa mais de 100.000 Tons/ano. Centos de veces máis que o volume de todos os emisarios urbanos da Ría.
A planta de gas de Reganosa, unha instalación ilegal e perigosa, constitúe outro factor de agresión medioambiental ao ter permitido esterilizar a base de hipoclorito sódico, 13.200 Tons/hora de auga do mar no proceso de regasificación , que logo devolve á Ria mais fría, o que supón a morte das larvas, ovos, plancto, especies, e a rotura da cadea trófica.
Ningunha das dúas empresas paga un só euro polo volume de residuos xerado, como así o facemos todos @s cidadáns.
Unha situación que pode facer irreversible a posibilidade de recuperación da Ria. Hai que rematar coas agresións xa.
Por iso coincidindo co Día Mundial do Medioambiente,o próximo 7 de xuño, o Comité Cidadá de Emerxencia para a Ría de Ferrol, convoca a 13ª Marcha a Pé a Mugardos, para exixir o cese da actividade da planta de gas de Reganosa, o cese de calquera vertido á Ria, obrigando ás empresas a establecer un sistema depurativo e dirixilos ao colector xeral. É dicir vertidos cero á Ría, e a súa restauración medioambiental, que fai necesario entre outras, nas pontes (do ferrocarril e As Pías), ou no espigón da enseada de Caranza, substituír as escolleras, por pilotes, ou pasos grandes para facilitar o varrido das mareas.
 |
Figura
1. Vista Forestal e Reganosa. Fonte: enHaut
|
 |
Figura
2. .- Exemplo de buracos no peirao de Maniños
|
Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
Enviado por:
Comite Cidadan de Emerxencia
-comitecidadan@gmail.com-
27 de maio de 2019 22:53
_________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon