Moitas das reivindicacións do movemento antidesafiuzamentos e por unha vivenda digna foran recolleitas na normativa catalá sobre dereito á vivenda, varias leis foron configurando unha lexislación avanzada ao respecto da normativa existente a nivel estatal e autonómico. Que era como un camiño a seguir, para conformar unha lexislación mais de acorde coas nosas reivindicacións. O Tribunal Constitucional nun adianto da sentenza que vai ditar, anuncia que vai tumbar a lexislación de Catalunya de medidas urxentes para mellorar o acceso á vivenda, por considerar a sentenza un argumento central e básico consistente "en que non concorren os requisitos do presuposto habilítante que esixe o art. 86.1 CE para regular a materia sobre as medidas urxentes para mellorar o acceso á vivenda, resultando insuficiente o rango da norma".
"O Pleno do Tribunal Constitucional examinou o recurso de inconstitucionalidade interposto por 86 deputados do Grupo Parlamentario do PP en o Congreso contra o Decreto-lei do Goberno da Generalitat de Catalunya 17/2019, de 23 de decembro de medidas urxentes para mellorar o acceso á vivenda e contra o artigo único de decreto-lei do Goberno da Generalitat de Catalunya 1/2020, de 21 de xaneiro, polo que se modifica o anterior, así como contra o Acordo do Parlamento de Cataluña de 4 de marzo de 2020 de validación do último decreto-lei 1/2020"
O Tribunal Constitucional anula a ampliación das medidas antidesafiuzamentos da Lei 24/2015 conseguida co Decreto lei 17/2019.
O ataque do PP e a pasividade do PSOE, deixan a Lei 24/2015 sen o alugueiro social obrigatorio en extincións de alugueiros e ocupacións e anula as renovacións de alugueiros sociais.
A protección en desafiuzamentos de hipoteca e non pago de alugueiro segue vixente.
A semana pasada advertimos nunha rolda de prensa diante do Parlament e acompañadas dunha ampla representación da sociedade civil e política catalá, do inminente e grave risco dunha sentenza do Tribunal Constitucional que recortase a ampliación da Lei 24/2015, conseguida en decembro de 2019 grazas á aprobación do Decreto lei 17/2019.
Así mesmo, aproveitamos para esixir ao PSOE, titular do Ministerio que se ocupa das relacións coas Comunidades Autónomas, que aceptase un acordo coa Generalitat, para defender ante o Tribunal a constitucionalidade das medidas antes de que se debatese a sentenza, o que non sucedeu.
Onte á noite, logo de varias filtracións sobre a posíbel sentenza, o mesmo Tribunal Constitucional publicou unha nota de prensa onde listan os artigos que quedarían anulados. Á espera de que se publique a sentenza, onde veremos de forma definitiva como quedan realmente as medidas e cales son os argumentos do Tribunal, o Grupo Promotor da Lei 24/2015 publicamos hoxe un comunicado de urxencia para clarificar o escenario actual e colaborar co fin de evitar confusións.
As medidas da Lei 24/2015 contra os desafiuzamentos e os cortes, tendo en conta as orixinais e as que se introduciron na súa ampliación, que son as que o Tribunal habería anulado, quedarían do seguinte xeito (cando se publique a sentenza ampliaremos):
A) Medidas que seguen vixentes: (Lei 24/2015 recuperada da anterior impugnación):
✔ Alugueiros sociais obrigatorios para fogares vulnerables en execucións hipotecarias.
✔ Alugueiros sociais obrigatorios para fogares vulnerábeis en non pagos de alugueiro.
✔ Interrupción dos procedementos xudiciais de execución hipotecaria e de non pago de alugueiro ate que se produza a oferta de alugueiro social.
✔ Cesión obrigatoria de vivendas baleiras de grandes tenedores.
B) Medidas que se anulan: (ampliación Lei 24/2015 polo DL 17/2019):
✔ Renovacións obrigatorias unha vez os alugueiros sociais chegan ao seu fin.
Alugueiros sociais obrigatorios para fogares vulnerábeis en extincións de contratos de alugueiro.
✔ Alugueiros sociais obrigatorios para fogares vulnerables nalgúns casos de ocupación.
✔ Duración dos contratos de alugueiro social (5/7 anos). Neste caso, habería que acudir á LAU, na cal establécese o mesmo prazo.
Tendo en conta todo o exposto, queremos manifestar que:
1.- As filtracións da sentenza cando non foi publicada cuestionan de novo a imparcialidade do Tribunal. O feito de que o Decreto lei 17/2019 incluíse outras medidas de vivenda tamén impugnadas (definición vivenda baleira, incumprimento función social e expropiación de uso, etc.), engadiu aínda máis ruído. Por outra banda, esta mesma semana o Tribunal admitiu a trámite outro recurso do PP contra a Lei 11/2020 de regulación dos alugueiros impulsada polo Sindicato de inquilinas, que nos indigna, pero non a suspende (!), que é o que os lobbies e a prensa afín queren facer crer.
2.- Si a xustificación da anulación é que a ampliación aprobouse pola vía do decreto lei, limitado aos casos de urxencia, demóstrase unha vez máis como os grandes poderes do Estado son totalmente alleos á actual situación de emerxencia residencial e o drama de miles de familias á espera dun desafiuzamento.
3.- Si o motivo para anular o decreto lei é de forma e non de fondo, esiximos desde este momento ao futuro Goberno da Generalitat e ao próximo Parlament, que a primeira lei que aprobe de urxencia a nova cámara sexa artigo por artigo o texto anulado polo Tribunal Constitucional.
4.- Ate entón, faremos responsables ao PP "por recorrer a ampliación" e ao PSOE "por bloquear calquera acordo coa Generalitat" de todos os desafiuzamentos que se produzan e que se poderían evitar.
5.- Ante a avalancha de desafiuzamentos que podemos vivir unha vez levántese o estado de alarma e as moratorias parciais de desafiuzamentos e como efecto da anulación, imos esixir ás Administracións públicas o realoxo adecuado de todas as familias desafiuzadas, tal como marca a Lei 24/2015: un desahucio?, ¡un realoxo!
Non nos imos a quedar de brazos cruzados e reaccionaremos a todos os niveis ante este novo ataque da banca, os especuladores, os voitres e os partidos e tribunais ao seu servizo.
Onte comezou a campaña electoral: advertimos a quen serán cabeza de lista que convocaremos accións de protesta en todo o territorio para deixar claro que non toleraremos máis desafiuzamentos en ningún sitio.
Polo menos 3.289 familias poden ser desafiuzadas en Catalunya nos próximos meses por haberse anulado o alugueiro social que esperaban.
¡Non o permitiremos! ¡Recuperaremos as medidas antidesafiuzamentos anuladas!
#DefensemLa24 #DefensemHabitatgeDigne
Fonte: PAH - 29/01/2021
→ Correo-e:
forosocialdeferrolterra@gmail.com
→ Blogue:
http://stop-desafiuzamentos-ferrolterra.blogspot.com.es/
→ No facebook
facebook Stop Desafiuzamentos Ferrol Terra
Todos os luns (menos festivos), vemo-nos en Caranza (Ferrol), entre as 5 e 7 da tarde, no local da Fuco Buxán A.C. (Local Social Tino Deibe, na Rúa Armada Española, 32 Baixo). | Se queres participar achega-te! | POLO DE AGORA MENTRES DURE O TEMPO DE CONFINAMENTO, POR MOR DO ESTADO DE ALARMA, NON HAI XUNTANZAS PRESENCIAIS. | Teléfono para asuntos urxentes: 645158113
_______
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon