Convocada a vindeira reunión da Plataforma SOS Sanidade Pública de Ferrolterra a celebrar o vindeiro xoves día 13 ás 18.30 horas no local da CIG en Ferrol (En Esteiro, na Rúa Pondal, 43-44).
A proposta de orde do día é a seguinte:
1- Continuar coa campaña informativa e debates cos cidadáns, contra o desmantelamento do sistema sanitario público en Galicia, especialmente a Atención Primaria. Consecuentemente seguir coas campañas de mobilización cidadá.
2- Elaborar unha mensaxe contundente contra a decisión dá Consellería de Sanidade de poñer en marcha un sistema de incentivos para alcanzar un 60% de consultas presenciais e 4 días de espera máxima en Atención Primaria. Considerar inaceptable que a Xunta pretenda culpabilizar aos traballadorxs sanitarixs dos problemas de acceso aos centros de saúde cando son recórtes de persoal e a mala xestión da pandemia os auténticos culpables dá situación.
3- Constituír a Plataforma coas entidades que se adhiran así como a comisión de coordinación permanente, o seu financiamento, nomeamento de voceiros e todo aquilo que asegure a continuidade da mesma. Está pendente o financiamento da pancarta que ascende a 90 euros.
4-Asuntos varios.
Achegamos a Acta da xuntanza galega de SOS Sanidade Pública
Acta da xuntanza da Plataforma SOS Sanidade Pública de Galicia do 4 de maio do 2021:
ASISTENTES: voceiro da Plataforma SOS Sanidade Pública de Galicia, voceirxs das Plaformas de A Mariña, O Baixo Miño, A Coruña, Compostela, Pontevedra e Ferrol; CCOO, CIG; Podemos, Anova e BNG; Asociación Galega para a Defensa da Sanidade Pública. Concellos de Narón, Cangas (A Voz da Sanidade); Nieves Gallego por Plataforma Galega pola 3ª República. Xosé Luis Rivera, responsable da iniciativa Right2Cure Internacional da CIG.
Desculpan asistencia: Asociación de Psicólxs Clínicxs.
ACORDOS:
1.- Elaborar unha mensaxe contundente contra a decisión da Consellaría de Sanidade de poñer en marcha un sistema de incentivos para alcanzar un 60% de consultas presenciais e 4 días de espera máxima en Atención Primaria. Considerar inaceptable que a Xunta pretenda culpabilizar aos traballadorxs sanitarixs dos problemas de acceso aos centros de saúde cando son os recortes de persoal e a mala xestión da pandemia os auténticos culpables da situación.
2.- Buscar o apoio do persoal de AP, concellos e deputacións ás demandas de normalizar a actividade dos Centros de Saúde e dun Plan para afrontar as enormes listas de agarda.
3.- Continuar coa campaña informativa e os debates cidadáns, contra o desmantelamento do sistema sanitario público en Galicia, especialmente a Atención Primaria.
4.- Culminar este proceso, caso de que a Xunta siga sen responder as demandas do pasado día 21, con outra convocatoria de mobilizacións en todas as áreas, vilas e cidades de Galicia para comezos do mes de Xuño. Acordouse concretar a proposta nunha próxima reunión.
5.- Apoiar a Iniciativa Internacional RightCure 2 para presentar un millón de firmas ao Parlamento e Comisión Europeas, para revogar as patentes das vacinas contra a COVID-19, garantir a vacinación universal para acabar coa Pandemia e dar transparencias aos contratos cos laboratorios farmacéuticos e a situación das vacinacións.
6.- Acudir ao Consello Técnico de AP de Galicia, convocado polo SERGAS para o próximo día 11 (convocado novamente en resposta ás nosas mobilizacións); expresar no mesmo o noso rexeitamento a medidas que sancione ao persoal de AP e esixir que se cumpran xa os acordos das 15 Comisións Técnicas, para acabar coa desastrosa situación da AP.
Manuel Martin
VoceVoceiroiro
Info baseada na enviada por:
Gonzalo Busqué
-gbloren@hotmail.com-
10 de maio de 2021 11:13
_______
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon