Jose Mari Erauskin: 'A banca séguese rindo da lei' - Stop Desafiuzamentos da Rede de Apoio Mutuo de Ferrolterra denuncia, diante dos Xulgados de Ferrol, ás malas prácticas da bancan que cometen fraude de lei, impedindo a familias vulnerábeis acoller-se aos beneficios do Código de boas prácticas - Vídeo da Rolda de Prensa

Stop Desafiuzamentos da Rede de Apoio Mutuo de Ferrolterra denuncia, diante dos Xulgados de Ferrol, ás malas prácticas bancarias que cometen "fraude de lei", impedindo a familias vulnerábeis acoller-se aos beneficios do Código de Boas Prácticas. Un código asumido voluntariamente pola case totalidade das entidades financeiras, coa mesma unanimidade co que intentan non cumprilo.

"A banca séguese rindo da lei" Jose Mari Erauskin.

A Banca continúa escondendo a existencia do Código de Boas Prácticas Bancarias con total impunidade, cometendo continuas fraudes de lei e ríndose dos dereitos dos seus clientes.

Este mércores 15 de decembro, Maite Ortiz Pérez e José María Erauskin Vázquez, estiveron nos Xulgados de Ferrol, para defender a un afectado polo incumprimento, por parte da entidade Abanca, do Código de Boas Prácticas (CBP), que vendeu os dereitos do préstamo hipotecario a un fondo voitre, sen antes ofrecer os beneficios do CBP, para non perder a vivenda.

Rede de Apoio Mutuo de Ferrol Terra - Stop Desafiuzamentos
→ Correo-e:
forosocialdeferrolterra@gmail.com
→ Blogue:
http://stop-desafiuzamentos-ferrolterra.blogspot.com.es/
→ No facebook
facebook Stop Desafiuzamentos Ferrol Terra

Todos os luns (Menos festivos), vemo-nos en Caranza, pola tarde entre as 5 e as 7 da tarde, no local da Asociación Fuco Buxán (Local Social Tino Deibe, Rúa Armada Española, 32 Baixo). Estamos xente de Stop Desafiuzamentos da Rede de Apoio Mutuo de Ferrolterra. se queres participar achega-te! - No caso de Urxencia chama ao 645158113
_______