Medidas reais e xustas contra as súas us crises, as crises dos oligarcas, as crises que os enriquecen a eles e nos empobrecen a nós
Si estamos en guerra, si as medidas económicas que teñen tomado contra Rusia nos van a afundir nunha crise sin precedentes, tomen medidas especiais, para protexer a los máis vulnerables.
Control de prezos de combustibles, enerxía, alimentación, medicamentos, e todo o esencial por parte do Estado.
Devolución do préstamo de 68.000.000.000 de euros prestados aos bancos, nacionalización das compañías eléctricas para terminar cos abusos, control de prezos das compañías telefónicas e Internet, medidas reais para defender os intereses da clase traballadora e dos vulnerables.
Ana Botín di que temos que poñer a calefacción a 17°, eso si seguimos pagando a electricidade a prezo da enerxía máis cara, o gas, cando a maioría proveñen doutras fontes. Para Ana Botín o non querer vivir conxelado esta moi mal, pero a usura esta ben claro.
A UE o gas vaillo vender EEUU moito máis caro, tamén o trigo e os cereais os venderán a prezo de ouro, o petróleo seguirá subindo, e os combustibles, e o transporte de mercadorías que encarecerá a súa vez a cesta da compra. Perdemos os de sempre e gañan eles.
Ao renunciar a soberanía alimentaria, e decidir adicar os montes e os campos a plantar eucaliptos, estábamos sementando o que recollemos, faltan pensos e fertilizantes para a nosa gandería e a nosa agricultura, falta millo, trigo, cebada. Por politicuchos sin patriotismo e visión de futuro, renunciamos no seu momento a ter un sector primario con capacidade para abastecer o mercado interno.
Afogar economicamente a Rusia, levar a Rusia a un calexón sin saída, lévanos inexorablemente a un conflito global e seguramente atómico. Estamos dirixidos por tolos, por irresponsables, por psicópatas?, parece que non ten ninguén ao volante en ningunha parte.
En resumo, esta é unha crise provocada por as medidas dos nosos dirixentes para bloquear economicamente a Rusia, unha vez máis somos os cidadáns os que segundo os nosos dirixentes debemos apretarnos o cinto e sofrer as consecuencias, como si ese fose o único camiño, e non é verdade, existen outros camiños, que os que rouban ao pobo deixen de facelo.
Cando escoito aos nosos dirixentes, tanto no Estado español, como na UE, falar sobre o conflito na Ucraína, doume conta do drama que estamos a vivir, estamos en mans de ineptos, estúpidos, charlatáns e boca chanclas, nun momento no que precisamos estadistas.
"Qué época tan terrible esta en que uns idiotas gobernan a uns cegos" (William Shakespeare).
Si hai escaseza de alimentos, si chegamos a pasar fame, si aumenta a pobreza e as desigualdades, a culpa non será de Rusia, nin da guerra na Ucraína. A culpa será dun sistema onde as crises as pagamos sempre os mesmos, e duns dirixentes inútiles e irresponsables.
Refuxiados de primeira, segunda e terceira categoría
En Europa non todos os refuxiados son benvidos, non todos os seres humanos son iguais, non todas as guerras e invasións importan, a raza e a relixión si importan.
Os refuxiados ucraínos son recibidos cos brazos abertos, pero os sirios, afgáns, saharauís, iemenís, etc. Eso vese de outra cor e os medios xa non están preocupados por esa xente de segunda categoría nos estándares europeos racistas e xenófobos.
As caravanas de migrantes que fuxen de guerras, conflitos, xenocidios, fames, conflitos e a miseria son innumerábeis, as vexamos ou non na televisión.
Israel e Arabia Saudí realizan guerras de exterminio contra Palestina e o Iemen. Unhas guerras covardes que contan co silencio cómplice de Occidente. Xenocidios que deberían avergoñar e escandalizar ao mundo, pero que a ninguén parece importarlles.
Catástrofe sobre catástrofe humanitaria en Haití con protestas nas rúas contra os gobernos títeres de EEUU que matan ao seu pobo de fame e o reprime brutalmente.
Caravanas de migrantes en Centroamérica que fuxen das ditaduras impostas dende os EEUU na zona e atópanse co muro da vergoña e o odio sementado por personaxes como Donald Trump.
A ocupación ilegal do Sahara Occidental por parte do exército de Marrocos que obriga a un pobo a vivir exiliado no deserto de Alxeria dende fai máis de 40 anos, tampouco lle interesa fai tempo aos medios de comunicación e polo tanto é invisíbel.
Catástrofes humanitarias en África, Sudán, Somalia, Mozambique, vítimas de catástrofes, guerras e conflitos eternos.
A venta de escravos en Libia, despois de que Francia e EEUU decidisen destruír o Estado libio para roubar os seus recursos e a deixasen en mans de extremistas relixiosos e señores da guerra.
Todo isto e desgraciadamente moito máis, está ocurrindo agora, pero o mundo mira cara outro lado.
O mundo solo ten ollos para a Ucraína porque así o teñen decidido os gobernos e os medios de comunicación e manipulación de Occidente
Josep Borrell a voz da hipocrisía de Europa
Escoitar a Borrell, que é un señorito moi aseñorado con salario millonario e traballo garantido, facendo chamamentos a austeridade e a resistencia aos cidadáns europeos. Oílo dicir que nos vaiamos acostumado a soportar o frío, a acender as velas, a ser máis pobres, en nome da guerra na Ucraína. É dunha hipocrisía impresentable.
Josep Borrell fálanos de épica, resistencia e austeridade dende o seu cargo millonario na UE. Di que aos europeos deberíannos espertar as bombas as 5 de la mañá para abrir os ollos a realidade. Ignorante miserable, ti que saberás da vida dos cidadáns?, acaso a subida do prezo da vida vai a afectar a alguén que gaña case 400.000 euros anuais?.
"O meu consello, a miña petición, de que a xente aforre gas para non ter que importar gas ruso non vai cos españois, porque os españois non consumen gas ruso, pero para o resto de Europa si". Borrell aínda parece máis hipócrita e afastado da realidade cando tenta matizar as súas declaracións, patético.
Os discursos de Borrell ao Churchill na segunda guerra mundial, serían para rirse de non ser porque este personaxe é o voceiro de Europa, vamos que fala en nome de tódolos membros da UE cando chama a poboación a prepararse para o peor e aprender a sufrir.
Por outra banda a hipocrisía é compartida, porque Occidente na Ucraína ten unha actitude oposta que no mundo árabe. Glorifican a resistencia contra os rusos e cualifican de "heroes" a quen combate as súas tropas. Mentres os palestinos que combaten ao exército israelí nos territorios ocupados son cualificados de "terroristas"
Obradovic, técnico do Partizán de Belgrado: "Non lembro que a xente falase tanto cando o meu país, Serbia, foi bombardeado". "Non vin a xente reaccionar e falar tanto. Tamén en Irak, en Siria e en Afganistán... estou en contra de calquera tipo de guerra, é terrible...". "Non se coñece momento na historia do mundo, en que a mentira sistemática se teña practicado con menor vergoña, ou polo menos, e grazas a tecnoloxía moderna, de maneira maior e máis eficiente ou a maior escala, que polos ditados políticos desta idade"
Medidas como o adeus a tódolos McDonalds de Rusia ata novo aviso. Os rusos quédanse sin Big Macs, McNuggets e McFlurrys. A verdade non creo que poda considerarse unha mala noticia para os rusos, por riba de todo para as arterias, o colesterol alto, a obesidade infantil e a saúde en xeral.
"As sancións económicas impostas a Rusia ou a marcha das multinacionais do país buscan premer a Putin. Pero poderían ter un efecto contrario e que os cidadáns se sintan atacados e pechen filas entorno ao seu presidente". (Elena Bogush, historiadora e socióloga rusa).
Enviado por:
André Abeledo Fernández
-andre1474@gmail.com-
10 de março de 2022 14:51
10 de março de 2022 20:05
13 de março de 2022 15:13
_______
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon