Por André Abeledo Fernández [*]
12.07.2021 Non queremos un parque eólico na porta da casa. De un veciño de Anca (NEDA)Son veciño de Anca e non vou a permitir que os intereses económicos arruínen a miña terra e supoñan hipotecar o futuro dos meus fillos.
Fai días que me decatei que vanme poñer un xigantesco muíño eólico ó lado da casa, un muíño a menos de 300 metros da casa da miña irmá.
Unha ilegalidade de saída, porque a lei marca que a distancia mínima, xa só por motivos de saúde son 500 metros, outras 20 vivendas están na mesmas situación que a casa da miña irmá.
Ademais do demostrado impacto sobre a saúde, ou o ruído, está tamén o impacto sobre o valor patrimonial das vivendas e dos terreos, o impacto medioambiental sobre a fauna, e o brutal impacto paisaxístico.
Por isto e moito máis, como veciño de Anca, estou disposto a defender a miña terra, os meus dereitos como veciño, e tamén o futuro da miña parroquia e do meu concello.
Porque os meus fillos teñen tamén dereito a herdar unha terra a que aman tanto como eu.
É importante que os veciños fagamos alegacións a este mega proxecto que unha vez máis non pensa na vida dos veciños do rural, e tan so esta a pensar no beneficio económico.
BAIXO O LEMA "
NEDA DI NON AO PARQUE EÓLICO CAAVEIRO" reunimonos uns 300 veciños/as que acudimos a palestra de Ana Martina.
Unha palestra organizada polas AAVV de Anca, O Roxal, Viladonelle, Ancos, xunto con
PETÓN DO LOBO na pista de Anca.
Ditas AAVV promoven a creación da "
Plataforma veciñal NEDA DI NON AO PARQUE EÓLICO" para loitar contra este megaproxecto que ameaza con destruír a nosa forma de vida, o noso presente e o noso futuro.
Sen dúbida precisamos de ser solidarios, isto é unha loita de todas e todos, debemos esixir aos gobernos municipais que poñan os medios, que se poñan diante, que fagan un esforzo, que recuperen o tempo perdido.
O compromiso do Concello de Neda na boca do Alcalde de poñerse ao fronte desta loita é sen dúbida unha boa noticia, non podía ser menos, toca defender os intereses da veciñanza.
O comenzou necesario da loita son as alegacións.... despois a loita vai seguir, será longa, e sobre todo é unha loita de todos.
O pobo é quen máis ordena!
[
*]
André Abeledo Fernández,
nado en Neda o 14 de Xullo de 1974, militante comunista e
sindicalista. Membro da Sección Sindical da CIG en Mercadona na Provincia d'A
Coruña. |
Facebook e
Twitter.
Enviado por:
André Abeledo Fernández
-andre1474@gmail.com-
11 de julho de 2021 22:55_______
