Xornada de voluntariado para realizar diversos traballos en varias zonas do monte, na zona de Cariño machacaremos con machados rebrotes de eucalipto próximos á estrada para manter a distancia de dez metros á estrada que establece a lei - Sábado 26 de marzo, ás 9 da mañá no lugar lugar de encontro no Confurco

XORNADA DE LIMPEZA DO MONTE EN CARIÑO (FERROL)

Xente da Comunidade dos Montes do Cha de Brión chama a unha xornada de voluntariado para a limpeza do monte, na zona de Cariño.

O sábado 26 de marzo volvemos convocar unha xornada de voluntariado para realizar diversos traballos en varias zonas do monte, na zona de Cariño machacaremos con machados rebrotes de eucalipto próximos á estrada para manter a distancia de dez metros á estrada que establece a lei. Actuaremos tamén sobre unha pequena zona de mimosas traballando con motoserras por parellas, así mesmo na zona entre Liñares e Martín limparemos de toxos unha das mámoas polo que aquí traballaremos con desbrozadoras, fouces e forquitas. Agradécese a quen poida que traia ferramenta propia e que o especifique ao apuntarse (sobre todo no caso de motoserra e desbrozadora) de cara a organizar os grupos de traballo; a organización facilitará ferramenta a quen non teña e a precise, non obstante fará falta xente que se ocupe só de apartar a ramalla que se vaia cortando; lembrade que cada brigadista deberá traer lubas de traballo propios.

A convocatoria fixémola (ao igual que a anterior na que plantamos árbores) a través das brigadas deseucaliptizadoras, nese senso as persoas que queiran apuntarse teñen que inscribirse previamente como brigadistas:

INSCRIPCIÓN

apuntarse non implica nada salvo que ás persoas participantes nos cubre un seguro de accidentes.

✅ O lugar de encontro será ás 9:00 hs no Confurco do sábado 26 de marzo, diante do Centro de Asfedro:

MAPA DA LOCALIZACIÓN DO LUGAR DO CONFURCO

Alí organizaremos os grupos e nos desprazaremos ás zonas de traballo, trala mañá de traballo o xantar será (salvo imprevistos) na asociación de veciños de Valón:

MAPA DA LOCALIZACIÓN DO LOCAL DA ASOCIACIÓN VECIÑAL

Por motivos covid rógase que cada quen traia vaso prato e cubertos propios. Se alguén ten algún requisito alimentario agradécese que o especifique ó apuntarse.

Para apuntarse, ademais de estar inscrit@ como brigadista, é imprescindible enviar un correo de confirmación a comunidademontesdocha@gmail.com antes do venres 25 de marzo para saber o número de voluntari@s que imos ser e organizar toda a loxística.

VÉMONOS NO MONTE !!!!

#Deseucaliptización

Enviado por:
adegatrasancos@adega.gal
-adegatrasancos@adega.gal-
24 de março de 2022 04:21
_______

Plantación de frondosas no Monte do Chá - Debido á extensión a repoboar estimamos que serán necesarias dúas xornadas, polo que convocamos para o 5 e 12 de febreiro

Plantación de frondosas

Dende a directiva da Asociación Comuneiros do Chá dirixímonos a vós, entidades e persoas afíns, para convocarvos a dúas xornadas de plantación de frondosas no Monte do Chá.

A través dunha subvención da Xunta a empresa Foresga vai plantar 7 has de piñeiros e 12 de frondosas (bidueiros, carballos e castiñeiros), para o que xa fixeron os furados antes do nadal, comezarán esta semana a poñer as árbores.

Pero a maiores temos previsto plantar aproximadamente dúas has no entorno da batalla de Brión, cunha maior variedade de árbores (freixos, amieiros, pradairos, carballos, bidueiros, castiñeiros, sobreiras e piñeiros do país entre outras especies) e un marco de plantación máis amplo (7x7). Esta plantación queremos facela con voluntariado ambiental, de modo que a veciñanza poidamos encontrarnos dando vida o noso monte, compartindo unha xornada de traballo e conviviu coas persoas voluntarias que poidan vir doutras organizacións afíns ou a título particular.

O terreo é chan e foi previamente desbrozado (mando anexa unha foto) polo que o traballo é accesible para todo tipo de voluntariado incluíndo crianzas. Debido á extensión a repoboar estimamos que serán necesarias dúas xornadas, polo que convocamos para o 5 e 12 de febreiro (a ver se nunha damos feito) ;).

O punto de encontro será diante da AAVV Castelao de Brión ás 9:00 h da mañá

https://www.google.com/maps/@43.4830336,-8.2685272,18z

Para apuntarse é imprescindible mandar confirmación (individualmente ou ben que cada asociación faga reconto de cantas persoas virían da súa base social, como prefirades); ó correo comunidademontesdocha@gmail.com antes do 4 de febreiro (ou o 10 se vides só á 2ª xornada) para facilitar a coordinación e o xantar, indicando o día que participades.

Aproveitamos para darvos a coñecer o novo correo comunidademontesdocha@gmail.com (optamos por gmail por ser máis operativo); o vello correo comunidade-montesdocha@hotmail.com [1] vai seguir activo sobre todo para trámites administrativos e por suposto podedes seguir facendo uso del para comunicarvos con nós.

As persoas participantes deberán traer roupa axeitada e luvas de traballo, a ferramenta a usar será o sacho, agradécese a quen poida que traia o propio aínda que a organización disporá dalgúns para quen non teña.

Tras a actuación sobre as 14:00 h a organización convidará ás persoas participantes a un xantar colectivo, para iso e por motivos covid cada persoa deberá traer o seu propio vaso, prato e cubertos, quen teña algún tipo de restrición alimentaria que avise no correo no momento de apuntarse.

Despois do xantar se hai ganas poderase participar nun roteiro polas mámoas e miradoiros do monte así como falar acerca dos diferentes proxectos de recuperación do Monte do Chá xa en marcha.

Agradécese a difusión entre a vosa base social e persoas afíns que poidan estar interesadas.

Enviado por:
adegatrasancos@adega.gal
-adegatrasancos@adega.gal-
28 de janeiro de 2022 00:54
_______

Roteiro en 3D pola simulación do proxecto de Parque Eólico Brión - Doniños (Ferrol)

Roteiro en 3D pola simulación do solicitado Parque Eólico Brión, unha contribución da Plataforma Veciñal Monfero di Non, coa colaboración persoas e asociacións de cartógrafía, arqueoloxía, bioloxía, e outros perfís, de Galiza e do resto do Estado. 

Asociación Rural Contemporánea

https://monferodinon.wordpress.com/mapa/

#MontesDoCha #Doniños #Brión #Ferrol #mamoas #MonferoDiNon


#EolicaAsiNon
#NonInvasionEolica
#GalizaContraAmezaEolica
#EolicaAsiNon
#aldeaslibresdemacroeólicos
#Moratoriaeólica
#PorUnNovoModeloEolico
#aldeasconhorizonte
#RepartoXustoFondosEuropeosNextGeneration

_______

Actividades de verán por uns montes vivos sen macroeólicos, desbroce de mámoas (monte do Chá) - Venres 16 e Sábado 24 de Xullo ás 9:30hs no local social de Valón - E o Marcha das 'Bágoas de San Lourenzo', o domingo 1 de Agosto

Actividades de verán por uns montes vivos sen macroeólicos desbroce de mámoas (monte do Chá), este venres 16 de xullo e o sábado 24 de Xullo, os dous díasa quedada, para achegar-nos ao monte en grupos, será ás 9:30hs no local social de Valón xantar a cargo dos comuneiros do Chá.

Pregase inscribirse para calcular ferramentas e xantar comunidade-montesdocha@hotmail.com ou 660128544.

Marcha das “Bágoas de San Lourenzo”, domingo 1 de Agosto as 22:00hs, refuxio de animais (Mougá), ate o monte de Pedrouzo 1,5 km.

#NonInvasionEolica
#GalizaContraAmezaEolica
#MontesDeBrionPaqueEolicoNon
#EólicaAsíNon
#MoratoriaEolica
#PorUnNovoModeloEólico
#RepartoXustoFondosEuropeosNextGeneration

Enviado por:
Miguel Anjo - Adega Trasancos
-adegatrasancos@adega.gal-
13 de julho de 2021 18:52
_______

Marcha polos Montes de Brión para dar a coñecer o noso patrimonio natural, paisaxístico e arqueolóxico do lugar ameazado polo proxecto eólico - Domingo 23 de maio

Marcha polos Montes de Brión para dar a coñecer o noso patrimonio natural, paisaxístico e arqueolóxico do lugar que está ameazado polo proxecto eólico

✅ Día: Domingo 23 de Maio de 2021.
✅ Lugar: No cruce da estrada de Brión-San Cristovo co camiño da Cheira (antes de Liñares).
✅ Hora: ás 10 da mañá.
✅ Percorrido aproximado: 4 Km.
✅ Dificultade: Baixa.
✅ Roupa: Adecuada para sendeirismo, con toda probabilidade que haberá zonas con charcas e lameiras. Levar gorra ou sombreiro para protexe-se do sol (por se hai índice alto de radiación ultravioleta).
✅ Tempo meteorolóxico: Aínda durante a fin de semana non se establece con forza o anticiclón, polo que se mantén alta a probabilidade dalgunha precipitación de carácter ocasional, con temperaturas baixas para a época do ano (70% chuvia débil, 25% Despexado e 5% nubes e claros). [+info]

Visitaremos os lugares onde pretenden poñer os eólicos. Coñeceremos as mámoas visíbeis, as turbeiras e Lagoa do Chá, os chozos de pastores e o lugar da Batalla de Brión.


Documentos de interese:

✔ PolGalicia - Plan de Ordenación do Litoral de Galicia. | Montes de Brión. | Acceder/Baixar.

✔ Grupo de Arqueoloxía da Terra de Trasancos. | Túmulos Prehistóricos no Concello de Ferrol. | Anuario brigantino, 1997 | 12 páxinas en formato pdf. | Acceder/Baixar.

✔ Mámoa da Cheira. | Web do Patrimonio Galego. | Nesta web pode-se acceder a varias das fichas de mámoas da zona. | Ir á Web.

✔ Enlace ao mapa interactivo da zona de Brión en OpenStreetMap. | Ir ao mapa.

CONTRA A ESPECULACIÓN POR UN MONTE VIVO, NON INDUSTRIALIZADO


Enlaces de interese:

✔ Revista Cerna Nº44 de ADEGA. | Especial Invasión Eólica. | A EÓLICA, RENOVÁBEL PERO INSOSTÍBEL | Galiza afronta unha vaga eólica sen precedentes. O modelo de implantación desta enerxía, malia ser fundamental no proceso de transición ecolóxica, está a seguir patróns obsoletos, abertamente antisociais e depredadores do medio; sustentados pola cobiza das grandes empresas e permisividade dos gobernos estatal e autonómico. Este  número de CERNA aborda a cuestión eólica, analizando as potencialidades e riscos do seu desenvolvemento mariño e facendo unha breve presentación da iniciativa “Aldeas con Horizonte”, que reclama a urxente da moratoria aos novos proxectos e a elaboración dun novo marco normativo en materia eólica. | Acceder/Baixar.

✔ O Movemento ambientalista contra parques eólicos. | O Observatorio Eólico de Galicia (OEGA) é unha ferramenta de investigación, información, asesoramento e consulta para todas as persoas, empresas e colectivos interesados na enerxía eólica de Galicia. | Ir á Web.

✔ A Rede Galega Stop Eólicos. | Uma rede de coordinação horizontal, igualitária e sem personalidade jurídica sob a causa comum da luta contra o modelo atual de implantação de parques eólicos, e que agrupa por diversos coletivos autônomos e soberanos que livremente se integram nela e que no seu nome possuem absoluta autonomia de trabalho e ação. | Ir á Web.

✔ Aldeas con Horizonte. | Manifesto asinado por 85 colectivos. | Manifesto pola moratoria de novos parques eólicos e por un novo modelo de desenvolvemento eólico para Galiza. | 7 páxinas en formato pdf | Acceder/Baixar.


#NonInvasionEolica

#GalizaContraAmezaEolica

#RepartoXustoFondosEuropeosNextGeneration
_______

Debate no Pleno da moción do BNG, sobre os proxectos eólicos que están solicitados para instalar nos montes costeiros de Ferrol - O Pleno comezou coa intervención dunha representación de diferentes asociacións veciñais, culturais, ecoloxistas e sociais, na voz da asociación de comuneiros do monte do Chá de Brión-Doniños - Interesante vídeo do conxunto do debate onde quedan reflectidas as argumentacións dos diferentes grupos municipais

O pasado xoves 29 de abril de 2021, celebraba-se o Pleno Ordinario do Concello de Ferrol, onde, entre outros asuntos, tratou-se unha moción do grupo municipal do BNG, sobre os proxectos eólicos que están solicitados para instalar nos montes costeiros de Ferrol (Cha de Brión, Monteventoso, A Lagoa, Mouga, Chamorro, ...). O debate no Pleno comezou coa intervención dunha representación de diferentes asociacións veciñais, culturais, ecoloxistas e sociais, na voz da asociación de comuneiros do monte do Chá de Brión-Doniños. No transcurso do debate quedan reflectidas as argumentacións dos diferentes grupos municipais (PP, PSOE, Ferrol en Común e o BNG).


O grupo municipal do BNG, presentou unha moción para ser debatida no Pleno co obxectivo de "protexer a zona natural do Concello fronte a proliferación de proxectos eólicos". Propuña-se que "o pleno rexeite a instalación do 'parque eólico Brión', situado nos terreos de propiedade municipal, nos montes do Chá, e denegue esta solicitude". Na mesma moción propuxo-se que o Pleno tamén rexeitara "a instalación dos outros parques eólicos solicitados para o noso concello e solicitar à Xunta de Galiza a paralizar a tramitación dos mesmos". A citada moción foi só apoiada polo grupo municipal de Ferrol en Común e rexeitada polo Pleno cos votos dos grupos do PP e do PSOE.

#NonInvasionEolica

#GalizaContraAmezaEolica

#RepartoXustoFondosEuropeosNextGeneration
_______

Concentración na defensa do patrimonio arqueolóxico, natural e paisaxístico da costa ferrolá, contra os proxectos de parques eólicos no termo municipal de Ferrol, polo seu non asumíbel impacto ambiental - O vindeiro venres 7 de maio, ás 7 da tarde na Praza de Armas

Convocada unha concentración na defensa do patrimonio arqueolóxico, natural e paisaxístico da costa ferrolá, contra os proxectos de parques eólicos que pretenden construír no termo municipal de Ferrol, polo seu non asumíbel impacto no medio ambiente. Unha mobilización convocada por diferentes colectivos veciñais, ecoloxistas, sociais e culturais de Ferrol que o pasado xoves 27 abril interviñeron no Pleno solicitando que este organismo municipal, rexeitara os proxectos eólicos que se pretenden instalar nos montes do Chá de Brión, a Lagoa, Pedrouzo e Chamorro.

Día: Venres 7 de maio.
Hora: ás 7 da tarde.
Lugar: Praza de Armas.

- Torretas de 130 metros con aspas de 150 metros de diámetro: en total, monstros de 200 metros.

- Enriba dos eólicos haberá balizas con luces intermitentes (brancas de día e vermellas de noite), con destellos as 24 horas.

- As sombras das pas ao xirar proxéctanse ata 4 km de distancia.

- Ruídos constantes de ata 105 decibelios (dB) a 250 metros de aldeas de Brión, Doniños, Papoi ou Pradedo (parroquia de San Mateo). Hai que ter en conta que, segundo a OMS, a exposición máis de 85 dB durante oito horas ou 100 dB durante 15 minutos considérase prexudicial para a saúde.

- Movementos de terras para pistas, plataformas de formigón de 15 ha. soamente no Monte da Cha de Brion e Doniños no medio dunha necrópole de 39 mámoas de fai 5000 anos, aínda sen escavar.

- Pistas, desmontes e recheos enriba de turbeiras en fase de estudo, e enriba da lagoa do Cha (catalogada e rexistrada como lugar de interese e conservación de avifauna migratoria e local preto da Rede Natura 2000).

- Galiza xa se abastece de enerxía renovable. Todo o que se produza a partir de agora será para exporta a outras rexións.

- Agora mesmo Galiza ten 4000 aeroxeneradores e para 2030 queren duplicalos.

- Hai un desembarco de empresas enerxéticas e construtoras que veñen a facer 0 agosto aquí pola nosa normativa permisible, subvencións de financiamento publica (fondos Next Generation), e porque o capitalismo especula hoxe coa enerxía verde e renovable.

- Lantalia (antiga Isolux-Corsan a 2ª empresa que máis debe a Facenda e declarada en quebra en 2018 para non pagar 330 millóns de Euros) e a que se lucrará destes 3 parques de 100MW que lles dará 10 millóns de euros anuais e que a nos non nos vai baixar o recibo.

#NonInvasionEolica

#GalizaContraAmezaEolica

#RepartoXustoFondosEuropeosNextGeneration
_______