NOTA DE PRENSA: MAREA DE FERROL REÚNESE COA AA.VV. FERROL VELLO
Marea de Ferrol continúa a rolda de contactos coas entidades sociais ferrolás de base territorial e sectorial, dialogando en torno ás preocupacións e inciativas do tecido asociativo do concello, e contrastándoas coas nosas propias propostas programáticas.
O pasado luns 22 de abril xuntámonos coa Asociación de Veciñas de Ferrol Vello, no local seu local social.
Tanto desde a AA.VV. Ferrol Vello como desde Marea de Ferrol deixouse clara a necesidade da recuperación da participación cidadá (ferramenta imprescindible para construírmos murallas cidadás de dignidade fronte á intolerancia).
Ademais, falouse sobre transporte público, a mala comunicación do barrio cos centros hospitalarios, a falta de dotación de persoal sanitario no único dispensario que existe na zona, a necesidade de que os propietarios públicos (xunta, concello...) tomen a iniciativa nos labores de rehabilitación... Expresouse tamén o abandono do barrio (a existencia de pragas de ratas e cascudas en varias das rúas), a necesidade de dotar o barrio de servizos deportivos e socio-sanitarios tales como unha unidade básica de traballo social...
Seguimos así constatando a urxente necesidade de recuperar o diálogo e a comunicación entre a institución municipal e a veciñanza, co gallo de orientar e acordar o traballo municipal a desenvolver no medio e longo prazo.
Correo-e: mareadeferrol@gmail.com
http://mareadeferrol.gal/
https://twitter.com/FerrolMarea
https://facebook.com/mareadeferrol
Manifesto. | Acceder/Baixar.
Marea de Ferrol ten un protocolo de colaboración con En Marea.
Enviado por:
Marea de Ferrol
-mareadeferrol@gmail.com-
24 de abril de 2019 00:02
________________
En Marea
info@enmarea.gal
https://enmarea.gal/
Facebook | Twitter | Telegram
______________________