O pasado 1 de marzo, comparecía Beatriz Sestayo no edificio dos Xulgados de Ferrol, para asistir á vista por un suposto delito de inxurias a un Maxistrado dos mesmos Xulgados ferroláns. Finalmente, a audiencia foi adiada até a citación das testemuñas propostas pola defensa. A vista xa está fixada para este venres 3 de maio nos Xulgados de Ferrol, ás 10:45 hs. Á mesma hora a Plataforma Ferrolterra en Defensa das Pensións Públicas, chama a solidarizar-se coa avogada feminista que até hai pouco foi concelleira en Ferrol, polo PSdeG-PSOE, do que sigue sendo Secretaria Local.
Non podemos pasar por alto o "machismo da toga", non pode ser o que está sucedendo primeiro a sentenza, logo a posta en liberdade dos violadores (La Manada), baixo um argumento que insulta... e logo está a mensaxe que se envía... ante un caso tan claro como infame, denuncias e pasa o que pasa,.. dás co "machismo da toga"... Mais se isto fora un caso illado, mais non o é, son moitos os casos onde togados que ante asuntos de clara violación, ven insuficiente a oposición amosada polas mulleres e as chegan a inquirir de tal forma que as vistas se converten nun cuestionamento sobre a vida sexual das vítimas... e isto sucede nos xulgados de medio mundo, non é propio só da xudicatura española.
Pretenden converter a crítica a decisións xudiciais non compartidas, mesmo o dereito á liberdade de expresión, en feitos tipificados como de delitos ou faltas no código penal (en inxurias e desacatos...).
Non se pode baixar a intensidade das manifestacións de repulsa até destapar as tramas dos machistas togados, con nomes e apelidos aínda que haxa xuízos por desacato... É o momento de destapar estas tramas da impunidade que pensan que lles dá a toga...
Betriz Sestayo foi investigada e procesada con petición oficial da fiscalía para que se lle xulgue e condene a "unha pena de multa de 3.600 euros, alén de indemnizar ao maxistrado com 4.500 euros por danos morais e de facer fronte aos gastos da publicación da sentencia condenatoria" [1]. Se se lles permite isto por unha crítica nunha conta de facebook feita o 25 de maio de 2017, segundo publicou EuropaPress, onde dicía: "Os xuíces aínda son demasiado impunes neste país e a sensibilidade destes machistas é a que é" e "O xuíz de violencia de xénero de Ferrol ve-se que considera que a vontade das mulleres é inútil e debe estar ao servizo do macho". [2] Só por poñer un exemplo. Mais o peor é que foi a Sala de Goberno do Tribunal Superior de Xustiza de Galicia (TSXG) a que actuou de oficio sobre estas manifestacións de Beatriz Sestayo nas redes sociais, ante o arquivo da causa que ela consideraba inxustificado.
Non podemos permitir que isto se trate como un problema de inxurias a un xuíz... Pretenden advertir de que calquera discrepancia fronte a decisións de togados, vai ter unha resposta desde todas as instancias desde as que se senten impugnes,... non o permitamos, manifestemos a nosa repulsa a estas actitudes que pretenden calar as voces das persoas, sexan avogadas, activistas ou feministas que están implicadas na defensa das mulleres fronte a violencia machista...
Non ao machismo da toga !
Non ao o patriarcado xudicial !
Notas.-
[1] La Voz de Galicia - 07.06.2018 | La Fiscalía solicita una pena de multa para Sestayo por injurias a un juez. La líder socialista y abogada había tildado de machista al magistrado en Facebook. | Ir á Web.
[2] Europa Press - 14.09.2017 | Beatriz Sestayo, denunciada por tildar de "machista" a un juez en Facebook. | Ir á Web.
Info baseada na enviada por:
Plataforma Pensións Públicas Ferrol
-plataf.pensionspublicas.ferrol@gmail.com-
1 de maio de 2019 20:00
_________________
