Amosando publicacións coa etiqueta Bertón. Amosar todas as publicacións
Amosando publicacións coa etiqueta Bertón. Amosar todas as publicacións

martes, agosto 26, 2008

A Asociación Ferrol Deporte, manifestase sorprendida polas declaracións do Partido Popular, sobre unha piscina de 50 mts no Bertón

De: Ferrol Deporte -ferroldeporte@gmail.com-
Para: artabra21@gmail.com
Data: 26 de agosto de 2008 07:48
Asunto: sobre piscina de 50 mts no Berton



A Asociación Ferrol Deporte, manifestase sorprendida polas declaracións do Partido Popular, sobre unha piscina de 50 mts no Bertón.

Xa no anterior mandato municipal, con Juan Juncal como Alcalde, como na propia Consellería de Vivenda, como ós actuais gobernantes municipais, está asociación de entidades que engloba a 6 das mais representativas do deporte ferrolan, mostraron a sua disconformidade, co plantexamenteo feito para o Bertón, pois as parcelas adicadas ó espazo deportivo, son "recortes" que foron quedando.

Ningunha con posibilidades, por tamaño e posibilidade de equipamento, de facer unha instalaciòn digna, para un barrio que se supón que vai a ser o espallamento de Ferrol, así como para paliar os deficits deportivos que ten Ultramar.

No deporte, sempre se pensa a posteriori a base de parches, por iso dende FerrolDeporte, se chama a planificación futura, tanto de infraestructuras como de política deportiva en xeral.

Así pois FerrolDeporte, sauda que na actualidad o Partido Popular, pense no futuro, pero quere facer un chamamento para que todos os partidos pensen no futuro, coa participación das propias entidades deportivas.

Ferrol 26/08/08

FERROL DEPORTE
Aptdo.297 - Ferrol
________

Enlaces Relacionados:

Club Natación Ferrol
Club Ria Ferrol
Balonmano Ferrolterra
Club Montaña Ferrol
Club Remo A Cabana
Grupo Bazán

Nos Arquivos Ártabros:
O espazo deportivo no desenvolvemento futuro do novo barrio do Bertón
Carta á Consellería da Vivenda

_____

sábado, xuño 30, 2007

O espazo deportivo no desenvolvemento futuro do novo barrio do Bertón

Carta de Ferrol Deporte ó Conselleiro de Vivenda.
O espazo deportivo no desenvolvemento futuro do novo barrio do Bertón
Carta á Consellería da Vivenda

Sr. Conselleira de Vivenda – San Caetano
Ferrol, 30 de junio de 2007

Pola presente, eu Xan Antón Ramírez, como secretario da asociación Ferrol Deporte, con domicilio en Aptdo 297 Ferrol, despois de estudiados na derradeira xunta directiva de esta entidade, os documentos facilitados pola Sección de Urbanismo do Concello de Ferrol, sobre o desenvolvemento futuro do novo barrio do Bertón, e visto o reparto das parcelas destiñadas para o espacio deportivo, observamos que:
  • Son parcelas adicadas o deporte as D2, D3 e D4, de 2214m2, 2932m2 e 2115m2 respeitivamente.
  • A denominada D3 se incorpora as parcelas deportivas circundantes, é decir os campos de futbol xa existentes na denominada zona deportiva da Gandara.
  • A denominada D2, e unha continuidade dun parque previsto, e non pode conter instalación algunha cuberta.
  • A denominada D4, vai incrustada no tecido urban, rodeada de dous edificios de 3 pisos mais baixo, o que se convirte nunha nova praza Sartaña.
As conclusión que sacamos destes primeiros datos son:

1) A superficie a todas vistas, é insuficente para dotar unha nova barriada, que mais por riba se supón de veciños novos en edade, con posibilidade deunha población infantil abundante, e polo tanto con mais necesidades de superficie e instalacións deportivas.

2) Unha das parcelas é como xa nin existira pois tan so sirve para reforzar as instalacións xa existentes.

3) As duas parcelas restantes teñen unha superficie tan mínima que tan so se poderán artellar pequenas pistas polideportivas.

4) Tan so unha delas permite facerlle un aparcamento soterrado, polo que o achegamento en medios moviles, tamen será complicado.

5) A nova barriada do Bertón, mais as existentes e circundantes de Ultramar e San Xoan, seguen a ter, nin terán posibilidades, deste xeito, de ter unha instalación deportiva cuberta cun mínimo de capacidade para desenrolar todo tipo de actos non so deportivos, senon sociais.

6) Ferrol segue a necesitar instalacións deportivas de calidade, como a piscina de 50 mts, ou pavillóns que den cabida a outros deportes: xoquei, ciclismo etc. Nestas parcelas, ni tan sequera podería ir instalada a “instalación de ocio” de Sartaña.

Por todo isto:

Solicitamos a URXENTE, revisión do plan parcial do Bertón, e que non se vexa o deporte, unha vez mais, como algo que ocupa “recortes de terreno sobrante”, senon como un dereito do cidadán e un deber da Administración, de xeito contrario se estará unha vez mais coartando a Ferrol, para que se desenrole en todos os seus sentidos e un deles é o dereito ó deporte e polo tanto a unha cultura de saúde pública.

Xan Ramírez
Secretario
__________

luns, marzo 26, 2007

Defenden que o centro de ocio proxectado para o parque público de Sartaña ten encaixe no proxecto de urbanización do polígono do Bertón

De: BNG -bng@ferrol-concello.es-
Para: artabra21@gmail.com
Data: 26 de marzo de 2007 12:44
Asunto: Defenden que o centro de ocio aprobado polo Goberno Municipal e que vai facer desaparecer o parque público de Sartaña ten, perfectamente, encaixe no proxecto de urbanización do polígono do Bertón


ADXUNTAMOS MOCIÓN REXISTRADA NO DÍA DE HOXE RELATIVA AO TRASLADO DO CENTRO DE OCIO E SAÚDE DE ULTRAMAR AO BERTÓN.


MOCIÓN DO GRUPO MUNICIPAL DO BNG RELATIVA A UBICAR O CENTRO DE DEPORTIVO DE ÓCIO E SAÚDE DE ULTRAMAR NO POLÍGONO DO BERTÓN

O grupo municipal do Bloque Nacionalista Galego no Concello de Ferrol ao abeiro da lexislación vixente apresenta para o seu debate no Pleno da Corporación a seguinte MOCIÓN:

Exposición de Motivos

O pasado mes de febreiro a Consellería de Vivenda e Solo remitia ao Concello de Ferrol para a sua tramitación o Proxecto Sectorial e de Urbanización do Polígono do Bertón.

Este proxecto de urbanización prevé actuar sobre unha superfície de 138.000 metros cadrados que albergará 1200 vivendas protexidas. Trátase dunha das áreas de oportunidade máis significativa da cidade de Ferrol, por canto que esta vencellada á construcción dunha nova fachada urbana, un elemento limítrofe cos ensanches xa consolidados,- en particular co Barrio de Ultramar- e un elemento tamén de transición cos desenvolvementos industriais e de servizos do polígono da Gándara.

As características deste polígono estabelece as seguintes distribucións 29.500 m2 para solo residencial, 4300 m2 para uso terciario comercial e 18.000 m2 de solo dotacional entre as que destaca 7.000 m2 para usos deportivos.

O grupo municipal do BNG, defende que o centro de ocio aprobado polo Goberno Municipal e que vai facer desaparecer o parque público de Sartaña ten, perfectamente, encaixe no proxecto de urbanización do polígono do Bertón.

Nas alegacións apresentadas en agosto de 2005 o BNG plantexou que existen alternativas á ubicación prevista e valoraba outros posíbeis emprazamentos deste complexo no propio barrio ou na zona colindante do Bertón.

Consideramos que é agora, coincidindo coa tramitación municipal deste proxecto, cando se pode e debe aproveitar esta oportunidade para atopar un novo emprazamento ao Centro Deportivo de Ocio e Saúde do barrio de Ultramar dentro dos espazos destinados a equipamentos deportivos.

Por todo esto o grupo muncipal do BNG propón ao Pleno da Corporación a adopción do seguinte ACORDO:

Instar ao Goberno Municipal a realizar as negociacións necesarias dirixidas a conseguir un acordo que permita que o Centro Deportivo de Ocio e Saúde aprobado polo Goberno Municipal para ubicar no parque público de Sartaña se emprace no proxecto de urbanización do polígono do Bertón


Ferrol a 23 de marzo de 2007