Presentación do libro-caderno “Maragatos en Ferrol” que promove o Club de Prensa de Ferrol e cuxa autora é Eva Ocampo, no Ateneo Ferrolán, xoves 30 de maio, ás 8 da tarde.
Hai diversas achegas que non se poñen de acordo sobre a orixe do pobo maragato e iso podería ser motivo para organizar algunha xornada que achegara certa luz sobre a procedencia deste colectivo que tanta incidencia tivo, sobre todo no comercio, da nosa historia máis recente e o libro de Eva Ocampo pode ser o alicerce.
Ferrol foi lugar de arrivada de moita xente procedente das terras da Maragatería cuxa capital é Astorga e Eva Ocampo nesta publicación pormenoriza sobre a importancia que tiveron certas familias no desenvolvemento da actividade mercantil na cidade de Ferrol na que aínda residen descendentes daqueles pioneiros que chegaron a se facer comerciantes estables logo de andaren levando e traendo mercadorías de aquí para acolá.
O libro de Eva ocampo ven de ser unha achega para coñecer un anaco máis da nosa intrahistoria.
Intervirán, ademais da autora, Man Castro e Xulia Sixto.
Evento no Facebook.
Clube de Prensa de Ferrol
http://www.clubdeprensadeferrol.com/
__________________
