Xurdimos a favor dunha política xusta, democrática, participativa e sustentábel, responsábel cara o futuro da humanidade e do resto das especies, respectuosa e defensora do medio natural, na convicción de que un outro mundo non só é posíbel senón que é necesario.
Edicións Imaxinarias presenta a súa cuarta referencia, 68 Poemas de amor bastardo para salvar el alma de madrugada, escrito por Francisco Regueiro Ramonde —Paco Peste García—.
A presentación terá lugar o vindeiro venres 17 de decembro ás 20:00 h. no Centro Cívico de Canido. Conducida por Ana Fernández e André C. Pastor de Edicións Imaxinarias, contará coa presenza do autor da obra e do prologuista, Suso Manchita.
Edicións Imaxinarias é un proxecto editorial colaborativo, sen ánimo de lucro, desde a Terra de Trasancos.
Lodo, ópera prima de Miguel Castro Serantes, xa conta cunha segunda edición.
A segunda edición de Lodo, novela do ferrolán Miguel Castro Serantes, xa pode atoparse nas librerías das comarca. A obra, en formato de novela curta, narra unha semana na vida de Ana, Marco e Lara, envoltos nas vicisitudes da vida dunha familia do noso tempo.
Esta segunda edición conta cun marabilloso prólogo de Marta Corral .
Por outra banda, Edicións Imaxinarias traballa no lanzamento da súa cuarta referencia editorial, protagonizada por unha figura mítica da poesía underground ferrolá, quen verá, por fin, publicada a súa extraordinario obra poética.
Temos o pracer de anunciar o feliz alumbramento de LODO, a primeira novela de Miguel Castro Serantes (Ferrol, 1979). A terceira referencia de Edicións Imaxinarias pódese atopar, polo momento, nas librerías de Ferrol: Cantón 4, Central Librera Real e Librería Galiano. Subliñamos a estupenda acollida da novela. Ás poucas horas de saír da imprenta xa eran 50 as unidades vendidas. LODO é unha viaxe ao máis fondo da intimidade da súa protagonista, Ana. Pasado, presente e futuro, persiguen á unha familia de hoxendía, atrapada nas complexidades da época que vivimos. O libro está ilustrado pola impactante obra de Víctor G. Novás.
Hai un ano presentábamos no Ateneo Ferrolán a primeira referencia de Edicións Imaxinarias: "En Inédito Silencio, poemas lanzados ao vento" un libro/CD escrito por André Cerdido Pastor -Pequeno Monstro- e ilustracións de Esther Raíndo.
Nestes días de confinamento presentamos nas redes a versión electrónica de "Violencia Obstétrica en España, hasta el coño de estar calladas", documentado pola sanitaria Partera Guerrillera (descarga en: https://payhip.com/b/32ZV), pronto dispoñible en papel. Ademáis, andamos a xestar o alumbramento da novela curta "LODO" escrita por Miguel Castro Serantes. Canto o 2021, haberá gratas novas...
Como complemento ao labor editorial, nace a plataforma audiovisual Producións Imaxinarias, que está a realizar boletíns informativos xurdidos desde o "confitamento". O último deles, adicado a Ricardo Carvalho Calero, con moitas colaboracións. Pódese ver aquí: https://youtu.be/wTbuYp6l0BE
edicionsimaxinarias@gmail.com Edicións/Producións Imaxinarias é unha proposta autónoma,
sen ánimo de lucro, de edición de libros libres, e produción de contidos
audiovisuais desde a Terra de Trasancos.
Enviado por: Edicións Imaxinarias -edicionsimaxinarias@gmail.com- 11 de maio de 2020 12:58
_______
A montaxe poético-visual, EN INÉDITO SILENCIO, este venres 28 de xuño en El Guarisnais.
Este venres 28 de xuño ás 8 da tarde no Guarisnais (r/ Taxonera, 1. Esteiro-Ferrol).
Unha orixinal presentación audiovisual do poemario EN INÉDITO SILENCIO e da editorial autónoma Edicións Imaxinarias. Coa participación creativa de:
🔸Ana Fernández: deseño e arte. 🔸Esther Raíndo: ilustracións. 🔸André Cerdido Pastor - Pequeno Monstro-: textos, recitado e selección musical. 🔸Ana Santiago Lucecú: recitado. 🔸Miguel Castro: guión, presentación e control de son.
Presentación poemario EN INÉDITO SILENCIO e editora alternativa EDICIÓNS IMAXINARIAS
Data e lugar: venres 10 de maio, 19:30 h. Ateneo Ferrolán.
A poesía, as ilustracións e a creación sonora, conflúen EN INÉDITO SILENCIO, poemas lanzados ao vento. Unha produción da que nace Edicións Imaxinarias, como fórmula de autoxestión fronte a edición tradicional e a coedición.
O radiofonista local independente André Cerdido Pastor -Pequeno Monstro, a deseñadora gráfica Ana Fernández, e a ilustradora de Canido Esther G. Raíndo, xuntan alentos nesta suite poética onde a natureza se converte en escenario principal, nun teatro onde discorren os tres actos da obra -Amencida, Latexo, Partida- somerxendo ao lector nunha dimensión onde realidade e soño se confunden.
O resultado é un inusual libro de poemas en galego e castelán, tecido artesanalmente e ilustrado con evocadores debuxos. Completa a obra un CD de creación sonora, nunha cativadora adaptación dos versos, na voz autor.
O acto de presentación, e breve recitado, será o venres 10 de maio ás 19:30 h. no salón de actos do Ateneo Ferrolán, e estará conducido pola radiofonista local Ana Santiago “Lucecú”.
