CCOO gaña as Eleccións Sindicais en Endesa na Galiza, con mais do 52% dos votos e 11 representantes, desbancando a UGT da maioría, ao ser as eleccións coa plantilla de Enel Green Power

Eleccións Sindicais en Endesa

FINALIZAN AS ELECCIÓNS SINDICAIS EN ZONA NOROESTE

Xa finalizaron as eleccións en Galicia e polo tanto no Territorio do Noroeste (Galicia, Cornisa Cantábrica e Castilla-León), onde CCCO conseguiu unha nova delegada en Endesa S.A. nas Pontes, María Mourín Mourenza, á que damos a tan merecida parabéns.

Grazas ao traballo de CCOO en todos os centros, onde agora acompáñannos os compañeiros e compañeiras de Enel Green Power, (filial de enerxías renobábeis de Endesa, centro loxístico de compoñentes e parques eólicos) deron un cambio significativo á representación no territorio, tendo CCOO un claro apoio maioritario do persoal. En Galicia pasouse dun 30,77% de representación nas eleccións do 2015 a un 52,38% en 2021, onde en todos os centros mantívose e aumentou o apoio a en CCOO. No territorio Noroeste terminan as eleccións como empezaron, cunha contundente vitoria de CCOO.

A comparativa final reflícteo á perfección. Polo tanto, CCOO asume a representación maioritaria en todo o territorio Noroeste (Galicia, Cornisa Cantábrica e Castilla-León), que queda cun 60,61% para CCOO (20 delegados), seguido dun 21,21% para UGT (7 delegados), 9,09% para SIE (3 delegados) e 9,09% para CIG (3 delegados).

Desde CCOO queremos agradecer ao persoal o apoio maioritario mostrado cara a esta organización e á que facemos partícipe desta vitoria e manifestamos que este gran respaldo que habemos ter estase reflectindo no día a día, na maior participación do persoal na negociación colectiva e na ratificación dos acordos que se alcancen coa empresa.

Animamos ao persoal dos territorios onde están aínda en marcha ou pendentes os procesos electorais a que se sumen ao cambio que se está producindo na representación sindical dentro de Endesa para que o persoal poida ter máis participación nas negociacións coa Empresa.

CC.OO. ENDESA PRIMEIRA FORZA SINDICAL EN GALICIA
email: ccoogalicia@enel.com

Eugenia Freire Fajardo
Resp. Organización - Gabinete Económico
CCOO Industria - Galicia
Tlf. oficina: 981.36.93.26
efreire@industria.ccoo.es

Foto: En Endesa de As Pontes, o 8 de Marzo de 2018.

Enviado por:
MARIA EUGENIA FREIRE FAJARDO
-efreire@industria.ccoo.es-
23 de abril de 2021 13:41
_______

O Comité de Empresa de ENDESA d'As Pontes e o conflito existente desde o pasado 8 de marzo, na Central Térmica de Carbón e na de Ciclo Combinado

O Comité de Empresa de ENDESA d'As Pontes e o conflito existente desde o pasado 8 de marzo na Central Térmica de Carbón e na Ciclo Combinado.

O xoves día 11 de marzo, este Comité reuniuse coa Dirección da Empresa e a Directora da Autoridade Laboral da Xunta de Galicia, polo conflito existente desde o pasado luns na Central Térmica das Pontes e no Ciclo Combinado.

Desde este Comité, intou-se á Empresa a solucionar o feito de que o persoal a quenda viuse retido en contra da súa vontade dentro do centro de traballo, en ocasións, durante xornadas de 20 horas continuas. E así se puxo en coñecemento das autoridades laborais manifestando a Directora deste órgano na reunión que o Comité actuou correctamente.

As Autoridades Laborais informaron á empresa que, a resolución do conflito pasa por reunirse cos responsábel do mesmo. Tamén declararon que a empresa é a única responsábel de que os traballadores e traballadoras poidan realizar a súa xornada laboral no seu posto de traballo con garantías de seguridade.

Desde o Comité de Empresa esperamos que a situación chegue o máis axiña posíbel ao seu fin, e se chegue a unha pronta solución dun conflito que deriva do incumprimento das promesas das que tanto se vangloriou a Empresa para unha transición enerxética que non está sendo moi xusta. A actuación de Endesa é contraria ao espírito do que emana o Acordo de Transición Enerxética Xusta, a cal estanos afectando tanto aos traballadores e traballadoras de Endesa, como ás empresas auxiliares, transportistas, empresas e negocios da comarca.

As Pontes, 12 de marzo de 2021.

COMITÉ DE EMPRESA - ZONA DE D'AS PONTES

Eugenia Freire Fajardo
Resp. Organización - Gabinete Económico
CCOO Industria - Galicia    
Tlf. oficina: 981.36.93.26
efreire@industria.ccoo.es

Enviado por:
MARIA EUGENIA FREIRE FAJARDO
-efreire@industria.ccoo.es-
15 de março de 2021 15:06
_______

Foto: de Kiko Delgado. | Camións bloquean eo acceso da central térmica de ENDESA n'As Pontes.
_______

CCOO de Endesa sobre o Terminal Portuario de Endesa en Ferrol (Porto Exterior)

Desde esta Sección Sindical temos coñecemento e así xa publicou a empresa nalgúns medios, que no marco do plan industrial deseñado para a zona ante o peche da central pontesa, que Endesa quere seguir contando co espazo do que dispón no Terminal Portuario de Endesa en Ferrol e xerar nel máis actividade, onde se prevé a carga e descarga de compoñentes eólicos co fin de aumentar os tráficos nestas instalacións, onde xa conta con luz verde para mover graneles sólidos e mercancía xeral.

Ao mesmo tempo estase desenvolvendo desde o Terminal portuario de Ferrol un proxecto de innovación en dixitalización chamado Hércules, cuxo obxectivo principal é a mellora na seguridade e a eficiencia na xestión de mantemento dos centros de traballo. Este proxecto está desenvolvido por traballadores do Terminal Portuario, gruistas que se reciclaron e se formaron para levar a cabo o desenvolvemento deste proxecto. Tamén forman parte do equipo a dirección do propio centro que se encarga de dirixilo e da parte comercial. Este proxecto xa conta con algúns encargos e está en negociación a firma dalgúns proxectos máis para exportar o proxecto a outras liñas de negocio e poder implantalo nas novas instalacións de enerxías renovábeis.

Ante estes acontecementos e tal como se recollen no Acordo de Transición Enerxética Xusta que asinou Endesa, rexistramos escritos na Xunta de Galicia, Ministerio para a Transición Ecolóxica e o Reto Demográfico e partidos políticos co fin de que nos dean o apoio para que contacte coa Empresa e intercedan para que se paralicen e revoguen os traslados do persoal do persoal do Terminal Portuario de Ferrol e que se asegure que os traballadores de devandito centro poidan ser partícipes desas novas oportunidades de emprego que eles mesmos están xerando ao iniciar eles o proxecto no centro de traballo ao que aínda pertencen e así eliminar os impactos negativos que terán nas súas vidas e nas das súas familias o ter que marchar forzosamente a miles de quilómetros dos seus fogares.

Desde CCOO solicitamos reunirnos cos responsábeis políticos e poder explicar en máis detalle estes proxectos que evitarían as saídas do persoal e as posíbeis actuacións.

Ferrol, 19 de febreiro 2021

Eloy Sardiña Sixto
Responsable de Transición Enerxética
Sección Sindical CCOO Interempresas Grupo Endesa

CC.OO. ENDESA PRIMEIRA FORZA SINDICAL EN GALICIA
email: ccoogalicia@enel.com

Eugenia Freire Fajardo
Resp. Organización - Gabinete Económico
CCOO Industria - Galicia
Tlf. oficina: 981.36.93.26
efreire@industria.ccoo.es

Enviado por:
MARIA EUGENIA FREIRE FAJARDO
-efreire@industria.ccoo.es-
19 de fevereiro de 2021 16:01
_______

Boletín Informativo Ambiental Semanal de Radio Cerna: Primeiro gromo de coronavirus nunha granxa de visóns de Galiza, ... o anuncio do peche da térmica das Pontes por Endesa: Un fito histórico para os ecoloxistas e unha traizón de Endesa para os políticos galegos

Primeiro gromo de coronavirus nunha granxa de visóns de Galiza, e segundo no Estado, fai saltar as alarmas das que xa advertiran hai meses os ecoloxistas. Reclaman agora con maior contundencia o peche destas instalacións en todo o territorio galego, que acolle o 80% de todas as granxas de visión do Estado. A outra nova destacada da semana é o anuncio do peche da térmica das Pontes por Endesa. Un fito histórico para os ecoloxistas e unha traizón de Endesa para os políticos galegos. Todo isto e máis neste programa de Radio Cerna. [Boletín do 22 de xaneiro de 2021]

Ferrolterra-Trasancos
adegatrasancos@adega.gal
Apartado 481
15480 Ferrol

http://adega.gal/

Enviado por:
adegatrasancos@adega.gal
-adegatrasancos@adega.gal-
22 de janeiro de 2021 10:26
_______