Amosando publicacións coa etiqueta Europa. Amosar todas as publicacións
Amosando publicacións coa etiqueta Europa. Amosar todas as publicacións

sábado, xaneiro 23, 2021

BNG presenta o proxecto de Recuperación Produtiva das Rías Galegas cun investimento de 1.096 millóns de euros, un proxecto de país, de 1.096 millóns de euros de orzamento, con cargo aos fondos UE-Covid, que beneficia de cheo á economía real, con gran impacto en termos de emprego e de cohesión social de norte a sur - Vídeo


Ana Pontón: “É un proxecto de país, con cargo os fondos UE-Covid, que beneficia de cheo á economía real, con gran impacto en termos de emprego e de cohesión social de norte a sur

✔ Levará a proposta á Comisión parlamentaria de reactivación para obter o respaldo dos outros grupos da Cámara.

✔ Inclúe medidas en materia ambiental, no ámbito da investigación científica e para a dixitalización, comercialización e transformación do sector do mar.

O BNG presenta o Proxecto de Recuperación Produtiva das Rías Galegas. É un proxecto de país, de 1.096 millóns de euros de orzamento, con cargo aos fondos UE-Covid, que beneficia de cheo á economía real, con gran impacto en termos de emprego e de cohesión social de norte a sur.



[FONDOS NEXT GENERATION]

A portavoz nacional, Ana Pontón, presentou na Coruña o Proxecto de Rexeneración Produtiva das Rías Galegas cun investimento de 1.096 M€, como proposta para ser financiada con cargo aos fondos de recuperación europeos. A líder do BNG salientou que se trataba “dun proxecto de país que beneficia de cheo á economía real, a un sector produtivo estratéxico e de enorme repercusión en termos de empregos e de cohesión social de norte a sur”.

A proposta ten como obxectivo a recuperación integral dun ecosistema único, xerador de riqueza e de emprego, e recolle actuacións en tres áreas: rexeneración e recuperación ambiental, investigación científica e dixitalización, comercialización, e transformación do sector produtivo derivado das rías, explicou Pontón, quen avanzou que trasladará a proposta á Comisión parlamentaria de reactivación económica e social, para recabar o apoio das outras forzas políticas.

Trátase, indicou, dun proxecto en consonancia coas políticas definidas pola UE para obter fondos de recuperación. En concreto, encaixa en tres liñas prioritarias para acceder ás axudas: conservación e restauración de ecosistemas e da súa diversidade; preservación do espazo litoral e dos recursos hídricos e transformación e dixitalización da cadea loxística do sistema agroalimentario e pesqueiro.

O obxectivo é conseguir a recuperación ambiental integral e produtiva das rías para crear riqueza e emprego de calidade no complexo mar-industria. Todo acompañado da investigación científica oportuna e da transformación, dixitalización e comercialización da actividade marisqueira, e desde a colaboración público-privada”, explicou Pontón.

O Next Generation supón para o Estado 72.000 M€ a fondo perdido e a posición do BNG articúlase en tres premisas: Galiza debe recibir un mínimo de 12.600 M€ deses fondos, a xestión directa dos mesmos e que as axudas cheguen aos sectores máis impactados, ao tecido empresarial de pequenas e medianas empresas que sustentan o emprego e non ás multinacionais do IBEX.

As medidas no ámbito da recuperación ambiental supoñen o groso do investimento, pois absorben 950 M€ do total, e inclúen actuacións para suprimir todas as zonas C, aquelas nas que a contaminación impide o consumo do produto. Ademais, medidas para completar e modernizar a rede de saneamento en todos os concellos a carón das rías, esixencia que tamén deben cumprir as industrias.

Trátase de evitar que chegue ao mar ningún tipo de contaminación biolóxica, química ou física. Lamentablemente, as 18 rías galegas, toda e cada unha delas, precisa de actuacións en materia de saneamento, en maior ou menor medida”, salientou.

Tamén se inclúe recuperar os espazos danados por obras públicas, en particular de infraestruturas portuarias, viarias ou industrias en desuso; a rexeneración dos fondos a través das necesarias dragaxes adaptadas a cada caso, e o control dos ríos como principal fonte de auga doce e de nutrientes esenciais para a produtividade marisqueira.

Consorcio de investigación

A investigación científica é a segunda pata do proxecto cun investimento de 59 M€ , pois é a base para rexenerar e incrementar a produción das rías. Entre as medidas incluídas, a creación dun consorcio que coordine todos os centros de investigación relacionados co sector para dispoñer do maior complexo científico e tecnolóxico europeo de estudo e coñecemento do mar.

Igualmente, proxectos para a recuperación das zonas improdutivas ou de baixo rendemento, plans de explotación, crear bancos de semente autóctona para bivalvos a modo de granxas de produción de semente, desenvolvidas por un ente mixto conformado polo sector e pola Xunta. A investigación tamén pasa por un proxecto de control de doenzas e de especies invasoras así como pola reciclaxe e aproveitamento dos refugallos de bivalvos.

Sociedade público-privada para a comercialización

En relación á dixitalización, transformación e comercialización, o proxecto propón unha sociedade público-privada para a promoción e comercialización que poña en valor o produto das rías, -marisco, peixe fresco, conserva e produtos transformados-, tanto dentro como fora do país. Tamén, unificar as lonxas, ampliar mercados e a posibilidade da venda directa. Para estas medidas o proxecto suma un investimento de 29 M€.

Presentamos un proxecto esencial para Galiza que permitirá aproveitar os fondos europeos para a reactivación económica e social, un proxecto capaz de contribuír a saír da crise da COVID, revalorizando a nosa riqueza produtiva nun para xerar emprego nun sector estratéxico”, concluíu, nun acto no que tamén interveu o portavoz municipal, Francisco Jorquera, e coa presenza da deputada pola Coruña, Mercedes Queixas, da portavoz en Bruxelas, Ana Miranda, do deputado Nestor Rego, e da portavoz parlamentaria de pesca, Rosana Pérez.

Enlace ao documento: Proxecto para a Recuperación Produtiva das Rías Galegas. | 12 páxinas en formato pdf.  | Acceder/Baixar.

https://www.bng.gal/

Bloque Nacionalista Galego
Avda. Rodríguez de Viguri, 16 baixo
15703 Santiago de Compostela
GALIZA
CIF: G32014003
Correo: sedenacional@bng.gal
Teléfono: 981555850
Sigue ao BNG polo WhatsApp.

Enviado por:
Inácio GZ
-inaciogz@gmail.com-
22 de janeiro de 2021 17:47

_______

martes, marzo 29, 2016

Os vindeiros 29, 30 e 31 de Marzo unha delegación da Comisión de Pesca do Parlamento Europeo visitará Galiza


Visita delegación da Comisión de Pesca do Parlamento Europeo a Galiza: 29, 30 e 31 de marzo


Co obxectivo de coñecer o funcionamento da Política Pesqueira Común (PPC) na Galiza, dende este martes 29 e até o xoves 31 de marzo unha delegación integrada por seis eurodeputados/as da Comisión de Pesca do Parlamento Europeo (PE) -da cal a eurodeputada de Alternativa Galega de Esquerda en Europa, Lídia Senra, é suplente para o Grupo da Esquerda Verde Nórdica-Esquerda Unitaria Europea, desprazarase á Galiza.

Esta delegación foi asumida pola Comisión de Pesca á instancias de Lídia Senra, quen xa no ano 2014 [1] realizou a proposta de levar adiante unha supervisión da aplicación da PPC na Galiza, "á vista da preocupante perda de empregos que está a sufrir o sector pesqueiro galego e dos problemas que para o noso País está a xerar o sistema de reparto de cotas".

A eurodeputada de AGEe, Lídia Senra, amosouse satisfeita de que finalmente o Parlamento vaia acudir "a comprobar in situ como un país como o noso, cunha fonda tradición pesqueira, está a loitar non só para manter os postos de traballo do sector, senón tamén para protexer a nosa biodiversidade, valorizar a nosa cultura como pobo pesqueiro e defender o dereito a obter alimentos do mar sans e a través da xente, e non vendendo a nosa costa a cachos ás multinacionais como pretendía facer o Goberno da Xunta ca Lei de Acuicultura que o sector lles obrigou a paralizar".

A primeira xornada, martes 29, transcorrerá na cidade de VIGO, onde as deputadas/os europeas manterán xuntanzas dende as 16.30hrs [2] con CONXEMAR -Asociación Española de Maioristas, Importadores, Transformadores e Exportadores de Produtos da Pesca e Acuicultura-, ARVI -Cooperativa de Armadores de Pesca do Porto de Vigo- e ANFACO-CEDOPESCA -Asociación Nacional de Fabricantes de Conservas de Peixes e Mariscos-Centro Técnico Nacional de Conservación de Produtos da Pesca.

O segundo día, mercores 30, comezará ás 9.00hrs [3] cunha reunión con ASOAR-ARMEGA -Asociación de Armadores e Artes Menores de Galicia- e xeiteiros en Vilagarcia de Arousa, onde tamén manterán un encontro con mariscadoras da Ría de Pontevedra e Illa de Arousa, representantes do Consello Regulador do Mexillón, da Comisión do Mexillón e do INTECMAR -Instituto Tecnolóxico para o Control do Medio Mariño de Galicia.

Logo desprazaranse a Lira, onde durante unha hora visitarán as instalacións da controvertida planta de rodaballo da multinacional de orixe norueguesa Stolt Sea Farm. A continuación visitarán a Reserva Mariña Lira-Carnota "Os Miñarzos".

Declaracións para os medios de comunicación (Canutazo): mércores 30 ás 12.30hrs. diante da sede do INTECMAR (Rúa do Peirao, s/n, Vilagarcia).

Os seis eurodeputados/as darán por finalizada esta delegación o XOVES 31 en Santiago de Compostela, onde manterán distintas xuntanzas a partir das 09.15hrs. [4] co Comité Executivo da Federación Galega de Confrarías de Pescadores, a Comisión Sectorial do Cerco, ACERGA -Asociación de Armadores do Cerco de Galiza- e a Consellaría de Pesca da Xunta de Galicia.

Declaracións para os medios de comunicación (Canutazo): xoves 31 ás 13.00hrs. diante da sede da EGAP (Rúa de Madrid, 2-4, Santiago de Compostela).

Bruxelas, 27 Marzo 2016.

Notas.-

[1] Inicialmente esta delegación estaba prevista entre o 16-18 de Febreiro de 2015, sendo finalmente adiada até marzo 2016.

[2] As xuntanzas terán lugar na sede de ANFACO, Crta. Colexio Universitario, 16, Vigo.

[3] As xuntanzas de Vilagarcía serán no INTECMAR, Rúa do Peirao, s/n.

[4] O último día as xuntanzas serán na Escola Galega de Administración Pública (EGAP), Rúa de Madrid, 2-4, Santiago de Compostela.

Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL)

Equipa de Comunicación AGEe.
lidia.senra@europarl.europa.eu

http://ageuropa.gal/

twitter  Facebook

Enviado por:
SENRA RODRÍGUEZ Lidia OFFICE
-lidia.senra-office@europarl.europa.eu-
27 de março de 2016 16:54
______________

Foto: Diario Maritimo. | ACERGA en loita polo seu futuro. 1 Novembro 2015.
__________________________

xoves, maio 02, 2013

#1J, Povos unidos contra a Troika



Movimentos Sociais de vários países da UE convocan unha
MANIFESTACIÓN INTERNACIONAL
contra as políticas de axuste impostas pola Troika.

Baixo o lema "POBOS UNIDOS CONTRA A TROIKA" [formada polo Banco Central Europeu (BCE), a Comisión Europea (CE) e o Fondo Monetário Internacional (FMI)], os coletivos sairán ás ruas en diferentes pobos europeos sumándose ao movemento BLOCKUPY, que nesse mesmo dia protestará em frente à sede do BANCO CENTRAL EUROPEU na Alemanha.

Manifesto-Comunicado:

"Dende a periferia da crise ao núcleo do poder"

Chamada internacional a participar en Blockupy 2013 en Frankfurt do 30 de maio ao 1 de xuño e outras loitas contra a Troika.

Onde queira que se resista e rebela contra a crise e a súa xestión, poñemos a forza nas loitas e conflitos que existen, e sobre estes alicerces que construímos, tecemos unha nova Europa que nace das bases.

A Europa que vivimos, lonxe dos pensamentos nobres que poderían ter inspirado unha vez un tempo en que se construíu mediante un proceso de arriba cara abaixo, impulsada polos pactos e acordos entre gobernos.

Isto tivo lugar no marco da ideoloxía neo-liberal, baixo unha forte presión para compracer aos mercados financeiros e as empresas. O resultado é a concentración de poder en mans dunhas poucas institucións, si a expresión directa dos gobernos que din ser "nosos".

Cada participación directa real e expresión das persoas evitouse progresivamente tanto como foi posible. E será aínda máis no futuro, cando os parlamentos sexan simplemente "informados" acerca de cales son as decisións necesarias e medidas obrigatorias específicas a tomar.

O goberno que fai cumprir a Troika [Banco Central Europeu (BCE), a Comissão Europeia (CE) e o Fundo Monetário Internacional (FMI)] é groseiro e brutal, baseado na austeridade imposta ás nosas vidas, privatizacións dos bens comúns, os recortes no gasto social e a solidariedade, o control estrito e a opresión bárbara dos migrantes.

Neste marco, non hai compromiso posible co poder que está a dar forma e conducir a xestión de crise en Europa.

A única saída que vemos é unha difusa oposición directa, ampla, social e autónoma que se eleva desde as bases, que non só se faga ouvir furiosamente contra o goberno, senón que tamén constrúe ferozmente conflitos eficaces e alternativas compartidas e comúns a todos os niveis - desde o local ao europeo.

Cremos que é o momento, respectando a autonomía dos movementos locais específicos, para tecer e organizar unha rede de loitas que se resiste e leva de novo á xente o que está a ser eliminado: renda básica, asistencia social, as casas, os bens comúns básicos como a auga, a enerxía e o transporte, o coñecemento de alta calidade, os dereitos laborais e sociais, a liberdade de circulación, e, en xeral, a posibilidade de alcanzar a dignidade e a liberdade na vida.

Así é como temos a intención de realmente Blockupy esta Europa e reconstruír nosa Europa desde a base: a través das loitas de vida e os conflitos que están abertos, viral e mutante, as prácticas sociais que poden ser inventadas, reproducirse e corren por todos nós.

A Europa que nos imaxinamos non é institucionalmente limitada, rexión xeograficamente confinada que se significa polo xeral. Pensamos nunha Europa Euromediterránea, como unha entidade definida polas loitas comúns e diversas que teñen lugar contra a mesma aplicación groseira e brutal do neoliberalismo. Significa unha nova topografía das loitas, da Europa occidental ás rexións balcánicas, da Europa do Leste a toda a zona Sur-Mediterránea, tendo en conta os 'manantiais árabes"como unha parte viva do proceso constituínte que buscamos.

Agora todos vivimos ao borde da Europa neoliberal. A nosa vida fíxose como tal: en constante crise, constantemente ao borde da desesperación.

Queremos que a nosa vida sexa unha vida digna. Queremos recuperar o noso futuro, xa que a vida sen futuro non vale nada.

Así que chamamos a toda Europa, as persoas que están a loitar, as persoas que queren loitar, as persoas que queren pisar reis para marchar cara o núcleo do poder. O discurso público debe estar retorto das pistas da aquiescencia, a posibilidade de actuar en todas partes estase conectado a nivel europeo xeneral.

Así que imos estar en Frankfurt desde maio 30 até xuño 01, participando nas xornadas de acción para bloquear o BCE.

Así que imos estar en Frankfurt para dar forza e corpo, en miles e miles, á loita contra a crise, a Troika, en contra daqueles que deron forma a esta Europa que non queremos máis. Todos aqueles que queren privarnos do que é unha vida digna de ser vivida, deben desaparecer.

Que se vaian todos!

É unha cuestión de amor, de dignidade e rabia.

Aprobado pola Reunión Internacional Preparatoria Blockupy en Frankfurt, 27 de abril.

#1J, POVOS UNIDOS CONTRA A TROIKA

O enlace ao evento no facebook:
https://www.facebook.com/events/169180479912272/

BLOCKUPY:
http://blockupy-frankfurt.org/en/
______________