Manuel Gago apresenta 'O Exército do Fume' esta sexta-feira, 5 de outubro, na Fundaçom Artábria - E o sábado 6 de outubro, Chuches Amil apresenta 'Monstros, con ou sen consentimento'

Manuel Gago apresenta "O Exército do Fume" esta sexta-feira 5 de outubro

Sexta-feira, 5 de outubro às 20.30hs Manuel Gago apresenta no nosso Centro Social o seu último trabalho "O Exército de fume" editado por XERAIS. Umha novela localizada na Galiza dos anos 40, um tempo no que a nossa terra vive duas guerras ocultas: na costa nazis e aliados combatem polo domínio do Atlántico, por enquanto na terra a guerrilha antifranquista enfronta-se ao fascismo.

Chuches Amil apresenta "Monstros, con ou sen consentimento" este sábado 6 de outubro

Chuches Amil em formato duo (Fran Amil e Aarón Bouzón) apresentam sábado 6 de outubro às 19hs o livro-CD "Monstros, con ou sen consentimento" editado por Galaxia dentro da coleçom Sonárbore

Um volumem que nos apresenta toda umha série de personagens peculiares. Lobos bos, robots, entes larpeiros ou estranhos personagens musicais dam-se cita na forma de cançons "para disfrute em familia, cum sorriso nos beiços e muito ritmo para erguer o ánimo e nom parar de dançar".

A atividade é de graça mas require-se reserva prévia, bem ligando para o 671 200 160, passando polo Centro Sociail ou escrevendo para correiodeartabria@gmail.com

Artábria 1998-2018
20 anos EM GALEGO SEM RESERVAS
--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

....

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Enviado por:
Fundaçom Artábria
-artabria@artabria.net-
1 de outubro de 2018 17:151 de outubro de 2018 17:12

______________

En Pontedeume unha fin de semana chea de actividade, di o Colectivo Terra: O Sábado unha Gastrofesta e Gabriel Tizón e Rocío Botana ofrecerán un coloquio-exposición fotográfica que nos transportará ás fronteiras de arame de espiño que está construíndo Europa - E o Domingo, unha actuación de Fran Amil que presenta o seu disco "A Voz do Vento", unha homenaxe a Manuel María

Actividades fin de semana

Temos unha fin de semana chea de actividade. 

O vindeiro sábado 9 de abril argallamos unha nova Gastrofesta co fin de prestar axuda na medida das nosas posibilidades ás refuxiadas que cada día tentan atravesar as fronteiras de Europa.

Levaremos a cabo un pequeno festival con maxia, música e contos onde os beneficios da barra e da cea (menú árabe a base de hummus, falafel e harise) irán destinados de xeito íntegro á Asociación Causas Comúns.

Dúas crianzas morren ao día tentando chegar ás costas de Europa. Pode soar simple, pero a foto de Aylan, o meniño sirio que nos sobrecolleu a todas, non é consecuencia dunha crise migratoria. Esta traxedia é consecuencia directa do sistema capitalista. Siria, último Estado que levantou (con erros e acertos) as bandeiras do nacionalismo árabe, que non ten débeda externa con organismos internacionais, rico en recursos naturais e, casualidade, que defende a causa palestina, é agora o epicentro das políticas de exterminio desenroladas por EEUU, o Sionismo e a OTAN.

Fotografías como idioma universal. Gabriel Tizón e Rocío Botana ofrecerán un coloquio-exposición fotográfica que nos transportará ás fronteiras de arame de espiño que está construíndo Europa. O imperialismo queda retratado unha vez máis neste drama. Lembrade o inicio de todo. O punto de partida. Por exemplo, un serán nas Azores. A fotografía. Idioma universal.

O Domingo 10 de abril contaremos no Terra coa actuación de Fran Amil que ven a presentar o seu disco 'A Voz do Vento', unha homenaxe a Manuel María, recoñecido poeta e incansábel activista a prol da lingua a quen este ano se lle adican as Letras Galegas. Será ás 17:30h no local do Colectivo Terra. Agardamos por vos!

Agardámosvos a tod@s!!!

#RefuxiadasBenvidas

http://colectivoterra.gal


Enviado por:
Colectivo Terra
-colectivoterra@gmail.com-
6 de abril de 2016 08:31
______________