Acción Global polo Clima, este venres 19 de marzo, en Ferrol, o Movemento Galego polo Clíma, chama a concentrar-se ás 12 do mediodía no Cantón, como así o fai noutros lugares da Galiza - Non hai Planeta 'B' - #NonMaisPromesasBaleiras - Fridays for Future

Este venres 19 de marzo, hai unha Acción Global polo Clima, en miles de lugares, pobos e cidades, terá lugar unha mobilización popular en defensa do planeta. O movemento internacional "Fridays for Future" convoca esta acción mundial, na Galiza o son máis de 85 organizacións e colectivos os que conflúen no Movemento Galego polo Clíma. que convoca accións locais en cidades e vilas da nosa Terra.

En Ferrol este venres 19 de marzo de 2021, ás 12 do mediodía, concentración no Cantón, no Día Global de Accións polo Clima.

"O quecemento global é consecuencia directa do modelo de produción e consumo que continuamente se demostra incapaz de satisfacer as necesidades vitais das persoas. Un modelo que precariza ás persoas e pon en situación de vulnerabilidade a gran parte da poboación mundial, especialmente ás mulleres, así como aos ecosistemas e o resto de seres vivos que habitan este planeta. Un modelo que arrisca a nosa supervivencia como especie, ao basearse na explotación ilimitada e acelerada dos recursos fósiles, mineiros e naturais, impactando de maneira inxusta nas poboacións máis pobres e vulnerables. Pero, nesta crise, a ciencia tamén sinalou a vía de actuación, que non é outra que a redución e descarbonización do noso sistema económico, especialmente nas sociedades industrializadas occidentais que temos máis responsabilidades e maiores capacidades. Un sistema económico que se paralizou ante a crise do coronavirus e que debemos reformularnos antes de reiniciar. Temos que modificar radicalmente o noso modelo de producir e consumir respectando os límites biofísicos..."

Movemento Galego polo Clíma

O Movemento Galego polo Clima xorde en Galiza como resposta á convocatoria de mobilización mundial feita polo movemento xuvenil Fridays For Future Future (Venres por Un Futuro) do pasado  27 de setembro do 2019, co obxectivo de saír á rúa e reclamar accións urxentes que fagan fronte á mudanza climática, garantindo un futuro ecosocial xusto para todas.

Até o momento, máis de 85 colectivos galegos xuntáronse para facer fronte á Emerxencia Climática que vive o planeta. Se queres unirte a este movemento asina o manifesto e contáctanos.

Contacto:
movementogalegopoloclima@gmail.com

#NonMaisPromesasBaleiras
_______

O Movemento Galego polo Clima celebra unha asemblea aberta para definir a folla de ruta para os vindeiros meses - No Ateneo Ferrollán o venres 6 de marzo ás 7 da tarde

O Movemento Galego polo Clima celebra unha asemblea aberta para definir a folla de ruta para os vindeiros meses

No Ateneo Ferrollán o venres 6 de marzo ás 7 da tarde.

O Movemento Galego polo Clima xurdiu en Galiza como resposta á convocatoria de mobilización mundial feita polo movemento xuvenil Fridays For Future (Venres por Un Futuro), co obxectivo de saír á rúa a reclamar accións urxentes que fagan fronte á mudanza climática e que garantan un futuro ecosocial xusto para todas.

Até o momento, o Movemento Galego polo Clima está conformado por máis de 85 colectivos e entidades galegas co fin de facer fronte todas xuntas á situación de Emerxencia Climática que vive o planeta enteiro, e particularmente Galiza. É por iso que temos intención de afrontar este reto tendo presente cales son as causas que máis están alentando o quecemento global no noso país e cales son as medidas que poderían evitar as consecuencias drásticas para o noso territorio e para o pobo galego no seu conxunto.

E para acadar este cometido, o MGpC está a redactar durante este primeiro trimestre do 2020 un manifesto encamiñado a establecer propostas para a transformación ecolóxica e social da Galiza, dándolle continuidade así ao manifesto do 2019.

https://movementogalegopoloclima.wordpress.com/

Enviado por:
Ateneo Ferrolán Fundado en 1879
-ateneoferrolan@gmail.com-
5 de março de 2020 18:14
________

O 24 Maio, Folga de estudantes contra o cambio climático, dentro da convocatoria internacional que xa se desenvolve en máis dun cento de países, polo movemento 'Fridays For Future / Os Venres polo Futuro'

O 24 Maio, Folga de estudantes contra o cambio climático, dentro da convocatoria internacional que xa se desenvolve en máis dun cento de países, polo movemento "Fridays For Future / Os Venres polo Futuro".

Bos días,
Enviamos información sobre convocatoria de folga estudantil contra o cambio climático.
Saúdos!
Adega

Estudantes da Coruña e Ferrol convocamos unha folga estudantil contra o cambio climático o venres 24 de Maio, coincidindo coa convocatoria internacional do movemento “Fridays For Future”.

Dende A Coruña queremos dicirlle á sociedade e o goberno que debe darse un cambio ecolóxico para garantir o noso futuro. Por iso o 24 de MAIO faremos unha gran folga e manifestación a nivel global. No noso caso partirá unha marcha ás 19:00 h do Obelisco (A Coruña) para acabar diante do concello, onde terá lugar unha concentración a continuación.

Estamos vendo como o noso planeta se encamiña ao desastre polas malas accións e a indiferenza dos nosos gobernos. A xeración dos nosos paises está deixando que o cambio climático, a contaminación dos solos e augas, a extinción de miles de especies ou a destrución dos ecosistemas se converta nunha situación irreversible.

O noso futuro está hipotecado para  que algúns sigan aumentando as súas fortunas. Os nosos bosques arden e os nosos polos se desxean para pagar os luxos duns poucos.

Se amades aos vosos fillos, por que deixades que isto aconteza diante dos nosos propios ollos? Por que nos roubades o futuro?

Non é unha cuestión  ideolóxica, nin relixiosa, nin de nacionalidades. Aféctanos a todos os habitantes do planeta. É a maior crise á que nos podemos enfrontar e necesitamos tratala como tal.

Con equidade e sen perder nin un minuto máis.

Os gobernos  ignoráronnos. Decidiron non actuar. Pero quedaron sen escusas e nos sen tempo. Chegou o momento de cambialo todo.

Queremos convidar a tódolos centros que queiran unirse á folga, e aqueles estudantes, mestres, asociacións ou ONGs que lles gustaría participar na organización, contacten con nos a través do noso email ou das nosas redes sociais. Adxuntamos o cartaz da convocatoria e o panfleto en tamaño A4.

Un saúdo, Fridays For Future A Coruña.

Instagram   https://www.instagram.com/f4fcorunha/
   
Fridays for Future A Coruña (@f4fcorunha) | Instagram photos and videos | 739 Followers, 224 Following, 17 Posts | See Instagram photos and videos from Fridays for Future A Coruña (@f4fcorunha) | Ir á Web.

Facebook: https://www.facebook.com/Fridays4C/

correo-e: fridays4futurecorunha@gmail.com

Enviado por:
adega.gal
-adega@adega.gal-
20 de maio de 2019 10:05
___________