Berlim, da companhia compostelá Histeria Teatro, chega à Fundaçom Artábria
Esta Sexta-feira, 26 de setembro, às 22.00h. Entrada de graça
Lou Reed criou a começos dos 70 um disco que ele definiu como “um filme para os ouvidos”, no que conta a sórdida relaçom entre um casal numha cidade dividida. 'Berlim' é o relato das vidas do Jim e a Caroline, marcadas pela pobreza, a prostituiçom, a violência e as drogas. O disco foi um insucesso comercial, ainda que muito interessante musical e narrativamente.
Continua:
Mais de trinta anos depois, o filólogo, professor e músico Leo Fernández Campos, mais conhecido como O Leo i Arremecághona!!!, realizou um exaustivo labor de traduçom das letras das cançons, foi trabalhando nelas, e, junto com a jornalista e actriz Lara Rozados, levaram a cabo umha teatralizaçom, até que o ano passado, com a morte de Lou Reed, decidiram estrear a montagem com Histeria Teatro. Para isso contaram com a colaboraçom do director e actor Chiqui Pereira, membro da companhia Berrobambán. A estréia, com grande sucesso de público, foi na XIII Festa de Aniversário do Cineclube de Compostela, o passado 21 de junho, e agora retomam a gira deste espetáculo.
A seguinte paragem de Berlim será esta sexta-feira 26 de setembro, às dez da noite, na Fundaçom Artábria (Travesa de Batalhons, 7, Esteiro), com entrada de balde, ainda que se pode achegar a vontade. Proximamente, no mês de novembro, actuaran no Liceo Mutante de Ponte Vedra, e têm previsto também representá-la de novo em Compostela.
'Berlim' conta com a direçom de Chiqui Pereira, e com Leo Fernández Campos nos papéis de Jim e o narrador e Lara Rozados como Caroline. O vestiario, atrezzo, cenografia e luzes são de Histeria Teatro, e o som, música e videos, de Leo Fernández Campos. O desenho gráfico e a fotografia correspondem a Jose Valiño.
E este Sábado 27 de Setembro Fiz traz um espetáculo carregado de humor, mágia e crítica social
No sábado 27 dando continuidade ao programa de atividades do nosso XVI aniversário o jovem e polifacético Fiz Patinho visita mais umha vez o nosso Centro Social.
Desta volta o Fiz traz um espetáculo carregado de humor, mágia e crítica social que nom deixarám a ninguém indiferente.
Por meio dos seus acidos monólogos a atuaçom pode definir-se como o passo em direto do "individuo a bufom".
O espetáculo dará início às 22.00h e a entrada de balde.
--
Travessa de Batalhons nº7 Esteiro
15403 Ferrol - GALIZA
Telefone: +34 981 35 29 86
www.artabria.net
Segue-nos em twitter @fartabria e em facebook!
....
A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.
Aberta inscriçom para os cursos 2014-2015 - [+ info]
Enviado por:
Fundaçom Artábria
-artabria@artabria.net-
25 de setembro de 2014 15:32
25 de setembro de 2014 17:48
25 de setembro de 2014 18:59
____________________