Hoxe en Fene, mércores 17 de agosto, no Día da Galiza Martir, inauguración da exposición fotográfica de Xurxo Lobato: 'Rostros da Memoria Ferrol 1972'

Inauguración Exposición fotográfica, de Xurxo Lobato:
Rostros da Memoria Ferrol 1972.

Día: Mércores 17 de Agosto.
Hora: ás 20:30 hs.
Lugar: Praza do 10 de Marzo. San Valentín - Fene.

Este proxecto fotográfico artístico é unha homenaxe as persoas que sufriron a represión do franquismo polas loitas obreiras en Ferrol e comarca, do ano 1972, que aínda están vivas e son merecentes dun recoñecemento público no ano do 50 aniversario dos asasinatos de Amador e Daniel.

Organiza: Mancomunidade de Concellos da comarca de Ferrol.

Colaboran: A.C. Fuco Buxán e A.C. Memoria Histórica Democrática.

https://es.wikipedia.org/wiki/Xurxo_Lobato

Visita o noso Facebook.
Dez De Marzo Cincuenta Aniversario
 
Enviado por:
10M72 50Aniversario
-10m72.50aniversario@gmail.com-
7 de agosto de 2022 16:48
_______

Satisfacción pola recente aprobación polo Congreso dos Deputados da Lei de Memoria Democrática - Asociación Cultural Memoria Histórica Democrática de Ferrolterra

Sobre a recente aprobación da Lei de Memoria Democrática

Asociación Cultural Memoria Histórica Democrática de Ferrolterra quere mostrar publicamente a súa satisfacción pola recente aprobación polo Congreso dos Deputados da Lei de Memoria Democrática, un texto sobre o que esta asociación puido enviar as súas achegas e suxerencias no proceso previo de redacción, e que supón un avance moi importante en relación á anterior Lei de Memoria Histórica.

Ao mesmo tempo, lamentamos que nun tema tan sensible, unha parte do parlamento rexeitase prestar o seu apoio a esta aprobación, e fixérao recorrendo a unha linguaxe insultante, mostrando unha total falta de empatía coas familias que queren que os restos dos seus seres queridos descansen onde eles desexan e non onde os lanzaron os seus verdugos, e perseverando na súa resistencia para condenar as violacións de dereitos humanos na ditadura franquista.

Finalmente, a nosa asociación condena os intentos para provocar unha absurda confrontación das asociacións de vítimas do terrorismo coas asociacións memorialistas.

En Ferrol, a 15 de xullo de 2022

Asociación Cultural Memoria Histórica Democrática
https://memoriahistoricademocratica.org/
http://memoriahistoricademocratica.wordpress.com
en facebook:Memoria Historica Democratica
en twitter: Memoria Ferrol @memoriaferrol

Enviado por:
Memoria Histórica Democrática
-memoriahistoricademocratica@gmail.com-
15 de julho de 2022 22:33
_______

Documentación:

✔ Informe emitido pola Ponencia sobre o Proxecto de Lei de Memoria Democrática (Boletín Oficial das Cortes Xerais - Congreso dos Deputados - 07/07/2022). Acceder/Baixar.

✔ Normativa. | Preséntase unha recompilación de normas relacionadas coa Memoria democrática (Anteproxecto e emendas), incluíndo a anterior Lei de Memoria Histórica así como a lexislación das Comunidades Autónomas. | Ir á Web.
_______

Presentación en Ferrol do libro: '10 de Marzo. Un conflito del movimiento obrero gallego pola democracia', coa participación de Xosé Gómez Alén, Cristina Almeida, Xesús Alonso Montero e Rafael Pillado - Este mércores 22 de xuño, ás 7 da tarde, no Centro Cultural Carvalho Calero, no Inferniño

Dentro do actos relacionados co 50 aniversario do 10 de marzo de 1972 que se están prolongando no transcurso deste ano 2022, as asociacións Memoria Histórica Democrática e Fuco Buxán, presentan, en Ferrol, o libro conmemorativo que leva por título "10 de Marzo. Un conflito del movimiento obrero gallego pola democracia". Coa participación do coordinador da obra, o catedrático e historiador Xosé Gómez Alén que participara xunto a Cristina Almeida (avogada no proceso dos 23 de Ferrol), co catedrático e escritor Xesús Alonso Montero, e o noso compañeiro Rafael Pillado Lista (cofundador das CCOO e PCG).

A presentación terá lugar este mércores 22 de xuño, ás 7 da tarde, no Cenro Cultural Carvalho Calero, no Inferniño.
_______

Mesa redonda sobre a presenza da Igrexa nos acontecementos de 1972 en Ferrol e Vigo - O xoves 26 de maio, ás 19:30 horas, no salón de actos do Ateneo Ferrolán - Intervirán no acto: Antón Pérez Vázquez, Xaquín Campo Freire e Anxo Ferreiro Currás.

Mesa redonda sobre
"A PRESENZA DA IGREXA NOS ACONTECEMENTOS DE 1972 EN FERROL E VIGO".

Xoves 26 de maio, ás 19:30hs, no Ateneo Ferrolán

Intervirán no acto: Antón Pérez Vázquez, Xaquín Campo Freire e Anxo Ferreiro Currás.

A celebración do 50º aniversario das mobilizacións obreiras do ano 1972 nas comarcas de Ferrol e Vigo, supón unha oportunidade para a reflexión sobre o papel que desempeñou a Igrexa nese contexto sociopolítico na defensa e procura dunhas condicións dignas no traballo, así como en que medida esa parte da nosa historia condiciona a nosa realidade actual no mundo das relacións laborais.

Co propósito de afondar nos feitos pasados pero en clave de presente, a iniciativa "Igrexa polo Traballo Decente" (ITD) na Diocese de Mondoñedo-Ferrol, organiza unha mesa redonda para o xoves 26 de maio, ás 19:30 horas, no salón de actos do Ateneo Ferrolán, sendo un acto aberto a toda aquela persoa que teña interese.

--
Un lugar de encontro para a cultura dende 1879 na cidade.

e-mail: secretaria@ateneoferrolan.org | Telf.: +34 981 357 970 - 644.720.055
Dirección Postal: Rúa Magdalena 202-204. CP.15402 | Ferrol (Galiza)

Síguenos:
TWITTER: @ateneoferrolan
BLOG: http://ateneo-ferrolan.blogspot.com/
FACEBOOK:
Faite soci@ on line! Colabora con nos!
http://ateneo-ferrolan.blogspot.com.es/2007/12/faite-soci.html

Enviado por:
Cristina Meizoso (Secretaría)
Ateneo Ferrolán Fundado en 1879
-secretaria@ateneoferrolan.org-
25 de maio de 2022 13:10
_______

Mesa Redonda en Ferrol: Amianto, Orixe e efectos (non silenciosos), un achegamento desde a perspectiva de xénero - No Ateneo Ferrolán este xoves 5 de maio, ás 7 da tarde - Contará coa presencia de Suso Porta Dovalo, Carmen Diego Roza, Rober Amado e Sara González Veiga

Mesa Redonda en Ferrol: "Amianto, Orixe e efectos (non silenciosos), un achegamento desde a perspectiva de xénero"

Terálugar este xoves 5 de maio, ás 7 da tarde, no salón de actos do Ateneo Ferrolán.

Contará coa presencia de Suso Porta Dovalo, Carmen Diego Roza, Rober Amado e Sara González Veiga.

Organiza: Memoria e Dignidade, Comisión do 50 Aniversario de Marzo do 72, con Agavida, Fuco Buxán, Memoria Histórica Democrática e Ateneo Ferrolán.

10 de Marzo do 72
Presente e Futuro

Asociación Cultural Memoria Histórica Democrática
https://memoriahistoricademocratica.org/
http://memoriahistoricademocratica.wordpress.com
en facebook:Memoria Historica Democratica
en twitter: Memoria Ferrol @memoriaferrol

Enviado por:
Memoria Histórica Democrática
-memoriahistoricademocratica@gmail.com-
2 de maio de 2022 23:58
_______

Memoria Histórica Democrática, inaugurou cunha charla explicativa, no IES Blanco Amor de Culleredo, a exposición fotográfica 'A fuxida do Bou Ramón' - Galería fotográfica do acto

Memoria Histórica Democrática, inaugurou cunha charla explicativa, no IES Blanco Amor de Culleredo, a exposición fotográfica "A fuxida do Bou Ramón"

Memoria Histórica Democrática, tivemos a satisfacción de inaugurar cunha charla explicativa, no IES Blanco Amor, a nosa exposición fotográfica “A fuxida do Bou Ramón” que relata como 27 republicanos, agachados durante a guerra civil na comarca de Ferrolterra, partiron de Ares, unha noite de xullo de 1939, para chegar a Francia salvando a súas vidas e como foron as súas vivencias posteriores.

É una historia, non só de supervivencia, senón tamén de xenerosidade solidaria, de sacrificios e da loita pola dignidade dun pobo.

Agradecemos moito o seu interese ao alumnado as profesoras e a dirección do centro, que tivo a atención de agasallar a nosa Asociación cunha placa de Sargadelos, cuxo motivo é Eduardo Blanco Amor que lle da nome ao Centro, pero o verdadeiro regalo é que nos permitan levar á xuventude –ao futuro– estas leccións de Historia solidaria. A todas e todos moitas grazas.

Asociación Cultural Memoria Histórica Democrática
https://memoriahistoricademocratica.org/
http://memoriahistoricademocratica.wordpress.com
en facebook:Memoria Historica Democratica
en twitter: Memoria Ferrol @memoriaferrol

Enviado por:
Memoria Histórica Democrática
-memoriahistoricademocratica@gmail.com-
27 de abril de 2022 18:59
_______

Presentación do libro: 'Galicia 1972. A clase obreira e a cidadanía contra o franquismo', no Ateneo Ferrolán - O mércores 27 de abril, ás 7 da tarde

Presentación do libro: "Galicia 1972. A clase obreira e a cidadanía contra o franquismo"

Mércores día 27 de abril ás 19 h. no Ateneo

A Fundación 10 de Marzo e o Ateneo Ferrolán organizan a presentación do libro:

"Galicia 1972. A clase obreira e a cidadanía contra o franquismo"

Participarán:

✔ Esperanza Piñeiro (historiadora e coautora).
✔ Bernardo Máiz (historiado e coautor).
✔ Sari Alabau (militante do PCG no 10 de marzo de 1972).
✔ Ricardo Gurriarán (editor e director da Fundación 10 de Marzo).
✔ Emilio Crespo (editor e secretario da Fundación 10 de Marzo).

Publicación do libro "Galicia 1972. A clase obreira e a cidadanía contra o franquismo". Editores: Ricardo Gurriarán e Emilio Crespo. Publicado pola Fundación 10 de Marzo, 2022 - Prezo: 20 euros.

Este libro quere render un homenaxe a unha parte fundamental da nosa historia recente; unha historia que comeza cando o noso país viu como a liberdade e os dereitos se lle escapaban das mans coma a auga escorrega dun cesto. Despois chegou a escuridade; e dentro desa escuridade irrompeu a necesidade e as ganas de moitos homes e mulleres de arriscarse e loitar por recuperar os bens perdidos.

Nesta historia merece un capítulo especial o ano 1972. O acontecido naquela data selou o dicir do noso país e marcou a vida de centos de homes e mulleres que puxeron contra as cordas a ditadura, nos seus derradeiros estertores.

A vida cotiá era tan dura e intensa que parte dos e das protagonistas, ao lles preguntar se tiñan a sensación de estar participando nun fito histórico, responden moi ao xeito galego: Non, faciamos o que tiñamos que facer.

Poñer negro sobre branco todo o que estas persoas viviron ten, se cabe, máis importancia agora que se leva o de reescribiren a historia aqueles que non a protagonizaron, aqueles que a viviron desde outro prisma ou os que, co paso do tempo, prefiren aderezala pervertendo o realmente acontecido. Polo tanto, o sucedido en Ferrol, en Vigo e durante as revoltas na universidade de Santiago, a principios dese ano, son páxinas imprescindibles que contén esta obra, nacida para lembrar e non esquecer.

De aí a nosa vella reivindicación de que estes feitos deberían formar parte das ensinanzas impartidas en todos os colexios. Porque estamos ante un capítulo que mudou o rumbo da nosa historia recente e que moitos tentan terxiversar como xa dixemos ou agochar, e non recoñecer.

Hónranos dicir que en calquera das loitas actuais da clase obreira perdura o espírito do 72.

#Ateneo #SomosCultura #Libros #ClubDeLectura #Ferrol #Galiza

Ateneo Ferrolán
Un lugar de encontro para a cultura dende 1879 na cidade.
e-mail: secretaria@ateneoferrolan.org | Telf.: +34 981 357 970 - 644.720.055 | Dirección Postal: Rúa Magdalena 202-204. CP.15402 | Ferrol (Galiza)
@ateneoferrolan | Blogger | Facebook | Faite soci@ on line! | Colabora con nos!

Enviado por:
Cristina Meizoso
Ateneo Ferrolán Fundado en 1879
-secretaria@ateneoferrolan.org-
25 de abril de 2022 17:59
_______