Amosando publicacións coa etiqueta Mercadiño de Troco. Amosar todas as publicacións
Amosando publicacións coa etiqueta Mercadiño de Troco. Amosar todas as publicacións

martes, decembro 15, 2009

Mercadiño de Troco en Ferrol na Praza Vella, este Domingo 20 de Decembro pola mañá, mentres transcurre a Feira do Terceiro Domingo do Mes

[Mercadiño de Troco en Ferrol - Foto Kiko Delgado]

Este domingo día 20 de Decembro de 2009 hai Mercadiño de Troco en Ferrol, tal e como se vén celebrando cada dous Domingos, na Praza Vella no barrio de Ferrol Vello.

O Mercadiño de Troco pretende ser unha alternativa ao consumismo actual e sobre todo nestas datas de consumismo desbocado convidan a todas as persoas que desexen trocar algo a que acudan á Praza Vella.

O valor das cousas é o que interesa, non o seu prezo. Algún obxecto que xa non necesitamos pode que alguén si o preci-se. Trocar significa menos residuos, menos contaminación, menos capitalismo.

Trocar debería ser unha práctica habitual de tod@s nós, máis nunha sociedade onde o consumismo é un valor espallado amplamente, incrustado na mente das persoas, pola intensa publicidade e incitación a devorar, non a consumir.

A nova relixión é o Consumo e os templos modernos son os Centros Comerciais, cheos de produtos que na súa maioría non tardaran en formar parte do combustíbel que utiliza Sogama no seu proceso de incineración. Consumir responsabelmente é unha boa práctica social, promover o consumo responsábel é necesario.

Detalle do correo-e enviado por Elena López en Decembro do pasado ano:
  • pensa no que precisas e que podes ofrecer a cambio
  • cólleo
  • tráeno
  • trócao
O valor real de calquera cousa é somentes o da súa utilidade:
  • algo moi custoso que non se usa, non vale nada
  • algo recuperado ou un préstamo temporal poden valer moitísimo

Web do Mercadiño de Troco Permanente de Ferrol Terra:
http://www.trocaferrol.org/

Información baseada na enviada por:
Antonio Gª
-angaji@yahoo.com>-
adegatrasancos@adega.info
14 de dezembro de 2009 17:20
_________________________

domingo, xuño 21, 2009

De novo hoxe o Mercadiño de Troco en Ferrol

Hoxe Domingo 21 de Xuño, Mercadiño de Troco en Ferrol, cada dous meses coincidindo coa tradicional Feira do Terceiro Domingo de Mes, organiza-se o Mercadiño de Troco, na Praza Vella entre as 10:00 e as 13:30 hras.

Esta actividade é un espazo de encontro no que as persoas participantes poderán expoñer os seus obxectos nas mesas habilitadas para troco ou cesión. Para evitar os intermediarios (ben sexan outras persoas ou moedas) cada participante negociará coas outras o troco de obxectos, a cesión ou aquelo que considere máis axeitado. Aquelas persoas que non vaian a estar permanentemente no mercadiño poderán deixar un teléfono de contacto ou hora para que as poidan atopar.

Ao remate do mercadiño cada participante deberá recoller os obxectos que non fosen trocados ou cedidos, responsabilizándose dos mesmos.

Trocaranse: -Libros -Menaxe de cociña -Artesanía -Audiovisuais -Xogos e xoguetes -Roupa -Aquelas cousas que podan ser de interese para outras persoas.

Fonte: trocaferrol.org
_________________




O Mercadiño de Troco
______________

mércores, abril 15, 2009

Este Domingo 19 de Abril Mercadiño de Troco en Ferrol


Elena López -elenuli@hotmail.com-
15 de abril de 2009 12:32


Mercadiño de Troco

Contra o consumismo: troca e reutiliza

Domingo 19 de Abril (periodicidade bimensual, 3º domingo de cada 2 meses coincidindo co mercadiño de Ferrol) Praza Vella de Ferrol 10:00 h-13:30 h. ou Edificio do Mercado Central-Ferrol (en caso de chuvia)

Mercadiño permanente en http://www.trocaferrol.org/
__________________________

sábado, febreiro 14, 2009

Mercadiño de Troco!!! e tamén "loxa" permanente: trocaferrol.org !


Mercadiño de Troco
Contra o consumismo: troca e reutiliza

Domingo 15 de Febreiro (periodicidade bimensual)
Praza Vella de Ferrol
10:00 h-13:30 h.
ou Edificio do Mercado Central-Ferrol (en caso de chuvia)
Mercadiño permanente en http://www.trocaferrol.org/


Eu troco, ti trocas,… nós trocamos

O troco é un sistema de mercado no que se ten en conta o valor das cousas, non o seu prezo en moeda e que diminúe as diferenzas sociais á hora de consumir.

Conleva unha reflexión previa sobre o que valoramos e o que non valoramos do que xa posuímos, diminúe a produción de residuos posto que aquilo que xa non é útil para unha persoa, si pode selo para outra. Diminúe o impacto do transporte posto que pode pasar dunhas mans a outras dentro da mesma cidade, neste senso tamén é un xeito de achegar ás persoas. Pon en cuestión o valor actual dos cartos e amosa un xeito á marxe do capitalismo para consumir.

Rede de Troco de Ferrol
En Galiza estanse a desenvolver diversas iniciativas neste eido, algunhas xa en marcha, outras en proceso de realización (http://www.consomesoudevoras.info/ ). Este é o caso da Rede de Troco de Ferrol na que colaboran diferentes colectivos, AA.VV e persoas a nivel individual; comeza a andar coa celebración periódica de mercadiños de troco na Praza Vella e está a consolidarse cunha páxina de troco permanente: http://www.trocaferrol.org/

Como trocar?
Esta actividade é un espazo de encontro no que as persoas participantes poderán expoñer os seus obxectos nas mesas habilitadas. Para evitar os intermediarios (ben sexan outras persoas ou moedas) cada participante negociará coas outras o troco de obxectos, a cesión ou aquelo que considere máis axeitado. Aquelas persoas que non vaian a estar permanentemente no mercadiño poderán deixar un teléfono de contacto ou hora para que as poidan atopar. Ao remate do mercadiño cada participante deberá recoller os obxectos que non fosen trocados, responsabilizándose dos mesmos.

Ademais...
Consideramos lixo aquelas cousas que non nos valen para nada. Mais, realmente non nos vale todo o que tiramos? Inda que non nos valla a nós, non terá a súa utilidade? Consume só o que necesitas (tamén no mercadiño de troco), reutiliza ou permite que outros reutilicen os teus obxectos e finalmente, cando a vida útil dos mesmos chegue á súa fin, sepáraos correctamente e deposítaos no contedor axeitado ou no punto limpo. Para complementar esta actividade de troco, levaránse a cabo obradoiros no propio mercadiño e haberá unha mesa onde levar de balde un dos obxectos que outras persoas non utilizan pero que non son lixo.

Trocaránse:
-Libros -Menaxe de cociña -Artesanía -Audiovisuais -Xogos e xoguetes -Roupa -Aquelas cousas que podan ser de interese para outras persoas.
_____________________________

noe -olaolaoola@hotmail.com-
14 de fevereiro de 2009 21:02

___________________

mércores, decembro 17, 2008

Domingo 21 de Decembro: Mercadiño de Troco en Ferrol


De: Elena López -elenuli@hotmail.com-
Para: artabra21@gmail.com
Data: 16 de dezembro de 2008 18:41

Asunto: mercadiño de troco, este domingo


Este domingo, ven á feira de Ferrol,

pero sen un peso nos petos, non vas mercar!!

(todo o consumo ten consecuencias, pensa nelas)

Participa no mercadiño de troco:
- pensa no que precisas e que podes ofrecer a cambio
- cólleo
- traeno
- trócao

O valor real de calquera cousa é somentes o da súa utilidade:
- algo moi custoso que non se usa, non vale nada
- algo recuperado ou un préstemo temporal poden valer moitísimo

Tamén habemos ter obradoiros:
- para facer papel reciclado
- crochetar cestas da compra con sacas plásticas usadas (trae se tes a agulla de ganchillo grosa, ou avisa á familia para que veña aprender)
- facer chapas anticonsumistas persoais
- apañar e máis compartir máis ideas para que os "refugallos" viren en uteis

Van dous correos xuntos: unha cuña da Rádio Filispim (feita por Miguel e Iago) e máis un texto (provisional) de como vai funcionar a cousa.
Bótalle un ollo, pégalle unha escoitada, e pásao!!

xa nos contarás logo como che foi na feira
um grande abraço
_________________

Baixa o ficheiro anexo en formato -pdf- :
Como vai funcionar a cousa [Texto Provisional]
______________

mércores, novembro 12, 2008

Xuntanza- rede de troco, mercado, ... este venres, 14 de Novembro

De: noe -olaolaoola@hotmail.co-
Para: artabra21@gmail.com
Data: 11 de novembro de 2008 23:17
Asunto: xuntanza- rede de troco, mercado



OPAÍ !!

Esta sexta-feira (ou venres) temos de ultimar tódolos detalles deste mercadiño de troco.

Malia que a rede funcione sobretodo por internet, a idea é pór cada certo tempo un posto real ao que se poida ir trocar en persoa, cadaquen coas súas cousas...

Vémonos todas e todos ás 8 e 1/2, no centro social da Asociazón de Veciñas de Ferrol Vello.

Isto é a carón do peirao de Curuxeiras; vindo dende a Praza Vella, na segunda rúa que sobe pasando por baixo dun arco entre as casas; onde están as mesiñas dos bares, a carón mesmo da botica.

A idea é que fique xa todo decidido e as tarefas distribuídas... isto xa non ten volta atrás...!!!

Unha aperta moi forte
(e pásao a quen lle poida intersar!)
__________